സുജാതയുടെ വിജയം ആരാധകര്‍ക്കൊപ്പം ആഘോഷിച്ച് മഞ്ജു വാര്യര്‍.. ഇത് ദിലീപിനുള്ള വെല്ലുവിളിയോ???

ആരാധകര്‍ക്ക് മുന്നിലെത്തിയ മഞ്ജു വാര്യര്‍

ഉദാഹരണം സുജാത വിജയകരമായി പ്രദര്‍ശനം തുടരുന്നതിനിടയിലാണ് പ്രധാന കഥാപാത്രത്തെ അവതരിപ്പിച്ച മഞ്ജു വാര്യര്‍ സന്തോഷം പങ്കുവെക്കാനും നന്ദി അറിയിക്കുന്നതിനുമായി ആരാധകര്‍ക്ക് മുന്നിലെത്തിയത്.

കുടുംബ പ്രേക്ഷകര്‍ ഏറ്റെടുത്തു

കന്‍മദം, കണ്ണെഴുതി പൊട്ടും തൊട്ട്, തുടങ്ങിയ ചിത്രങ്ങളെ അവിസ്മരിപ്പിക്കുന്ന തരത്തില്‍ ശക്തമായ കഥാപാത്രമായാണ് ഇത്തവണ മഞ്ജു വാര്യര്‍ എത്തിയത്. കുടുംബ പ്രേക്ഷകരും ആരാധകരും ഈ ചിത്രത്തെ ഇരുകൈയ്യും നീട്ടി സ്വീകരിക്കുകയായിരുന്നു.

കേക്ക് മുറിച്ച് ആഘോഷിച്ചു

ഉദാഹരണം സുജാത പ്രദര്‍ശിപ്പിക്കുന്ന തിയേറ്ററുകളിലെത്തിയാണ് മഞ്ജു വാര്യര്‍ കേക്ക് മുറിച്ച് വിജയം ആഘോഷിച്ചത്. ആദ്യ പങ്ക് അമ്മയ്ക്ക് നല്‍കിയാണ് താരം സന്തോഷം പങ്കുവെച്ചത്.

ഫേസ്ബുക്ക് ലൈവിലൂടെ സന്തോഷം പങ്കുവെച്ചു

ചിത്രം സ്വീകരിച്ച പ്രേക്ഷകര്‍ക്ക് നന്ദി അറിയിക്കുന്നതിനായി നേരിട്ടെത്തിയിരിക്കുകയാണ് ഉദാഹരണം സുജാതയും സംഘവും. പ്രേക്ഷകരോടുള്ള സ്‌നേഹം നേരിട്ട് പങ്കുവെക്കികയാണ് താരം. ആഘോഷത്തിന്റെ രംഗങ്ങള്‍ ഫേസ്ബുക്ക് ലൈവിലൂടെ വൈറലായിരുന്നു.

അമ്മയുടെയും മകളുടെയും കഥ

സുജാത കീ ജയ് എന്ന ആരവത്തിനിടയില്‍ നിന്നാണ് മഞ്ജു വാര്യര്‍ കേക്ക് മുറിച്ചത്. അമ്മയുടെയും മകളുടെയും ബന്ധത്തിന്റെ കഥ പറയുന്ന ചിത്രമായതിനാല്‍ത്തന്നെ കേക്കിന്റെ ആദ്യ കഷണം സ്വന്തം അമ്മയ്ക്ക് നല്‍കുന്നുവെന്ന് പറഞ്ഞാണ് താരം കേക്ക് അമ്മയ്ക്ക് നല്‍കിയത്.

അമ്മയുടെ മറുപടി

വിജയാഘോഷത്തിനിടയില്‍ കേക്കിന്റെ ആദ്യ കഷണം മകളില്‍ നിന്നും ലഭിച്ചപ്പോള്‍ നിറകണ്ണുകളോടെ ചിരിച്ചു കൊണ്ട് സ്‌നേഹ ചുംബനം നല്‍കിയാണ് അമ്മ സന്തോഷം പ്രകടിപ്പിച്ചത്.

മാതാപിതാക്കളുടെ പിന്തുണ

കലാജീവിതത്തില്‍ തനിക്ക് പൂര്‍ണ്ണ പിന്തുണ നല്‍കി കൂടെയുള്ള മാതാപിതാക്കളെക്കുറിച്ച് മഞ്ജു വാര്യര്‍ വാചാലയാവാറുണ്ട്. ഉദാഹരണം സുജാതയുടെ വിജയാഘോഷത്തിലും നിറഞ്ഞു നിന്നത് ആ സ്‌നേഹമായിരുന്നു.

രാമലീലയ്ക്ക് മുന്നില്‍ പതറിയില്ല

ദിലീപ് ചിത്രമായ രാമലീല റിലീസ് ചെയ്ത അതേ ദിവസം തന്നെയാണ് ഉദാഹരണം സുജാതയും തിയേറ്ററുകളിലേക്കെത്തിയത്. തുടക്കത്തില്‍ അല്‍പ്പം പുറകിലായിരുന്നുവെങ്കിലും പിന്നീട് മികച്ച പ്രതികരണമാണ് ഉദാഹരണം സുജാതയ്ക്ക് ലഭിച്ചത്.