ദിലീപ് വിവാദം തുടരുന്നതിനിടെ പ്രതികരിക്കാതെ മഞ്ജു വാര്യര്‍ വിദേശത്തേക്ക് !

പ്രതികരിക്കാതെ മഞ്ജു വാര്യര്‍

ദിലീപിന്റെ ആദ്യ ഭാര്യയായ മഞ്ജു വാര്യര്‍ സംഭവത്തെക്കുറിച്ച് പ്രതികരിച്ചിട്ടില്ലെന്നത് ഏറെ ശ്രദ്ധേയമായ കാര്യമാണ്. 14 വര്‍ഷം നീണ്ട നിന്ന ദാമ്പത്യത്തിനൊടുവിലാണ് ഇരുവരും വേര്‍പിരിഞ്ഞത്.

ലൊക്കേഷനില്‍ വെച്ച് പൊട്ടിക്കരഞ്ഞുവെന്ന് പ്രചരിച്ചിരുന്നു

ദിലീപിന്റെ അറസ്റ്റ് നടക്കുമ്പോള്‍ മഞ്ജു വാര്യര്‍ കമല്‍ ചിത്രമായ ആമിയില്‍ അഭിനയിച്ചു കൊണ്ടിരിക്കുകയായിരുന്നു. അറസ്റ്റ് വാര്‍ത്തയറിഞ്ഞ താരം സെറ്റില്‍ പൊട്ടിക്കരഞ്ഞുവെന്ന തരത്തില്‍ വാര്‍ത്തകള്‍ പ്രചരിച്ചിരുന്നു.

ഒന്നും പറയാതെ വിദേശത്തേക്ക്

സഹപ്രവര്‍ത്തക ആക്രമിക്കപ്പെട്ട സംഭവത്തില്‍ ക്രിമിനല്‍ ഗൂഢാലോചനയുണ്ടെന്ന് മുന്‍പേ തന്നെ മഞ്ജു വാര്യര്‍ അഭിപ്രായപ്പെട്ടിരുന്നു. നടി ആക്രമിക്കപ്പെട്ടതിന്റെ പിറ്റേ ദിവസം കൊച്ചിയില്‍ നടന്ന യോഗത്തില്‍ വെച്ചായിരുന്നു മഞ്ജു വാര്യര്‍ ഈ അഭിപ്രായം പ്രകടിപ്പിച്ചത്.

പ്രഭുവിനൊപ്പം വിദേശത്തേക്ക്

പ്രമുഖ ജ്വല്ലറിയുടെ ഷോറൂമുകളുടെ ഉദ്ഘാടത്തിനായി പ്രഭുവിനൊപ്പം വിദേശത്തേക്ക് പോയിരിക്കുകയാണ് മഞ്ജു വാര്യര്‍. റാസല്‍ഖൈാമയിലും അജ്മാനിലുമാണ് പുതിയ ഷോറൂമുകള്‍ തുറന്നിട്ടുള്ളത്. ഇതിന്റെ ഉദ്ഘാടനത്തിനായാണ് താരം വിദേശത്ത് എത്തിയിട്ടുള്ളത്.

വനിതാ സംഘടന രൂപീകരിച്ചു

സിനിമാ മേഖലയില്‍ സ്ത്രീകള്‍ക്ക് സുരക്ഷിതരായി ജോലി ചെയ്യാന്‍ കഴിയണം എന്ന ലക്ഷ്യത്തോടെ രൂപീകരിച്ച വുമണ്‍ ഇന്‍ കളക്ടീവ് സംഘടനയുടെ പ്രധാന പ്രതിനിധികളിലൊരാള്‍ കൂടിയാണ് മഞ്ജു വാര്യര്‍. നടി ആക്രമിക്കപ്പെട്ട സംഭവവുമായി ബന്ധപ്പെട്ട് അന്വേഷണം നടത്തി കുറ്റവാളികളെ കണ്ടെത്തണമെന്ന് സംഘടനാ പ്രതിനിധികള്‍ മുഖ്യമന്ത്രിയോട് ആവശ്യപ്പെട്ടിരുന്നു.

മകള്‍ക്ക് വേണ്ടി കോടതിയെ സമീപിച്ചേക്കുമെന്ന് പ്രചരിച്ചിരുന്നു

ദിലീപ് അറസ്റ്റിലായതിനാല്‍ മകളെ വിട്ടുകിട്ടുന്നതിന് വേണ്ടി മഞ്ജു വാര്യര്‍ കോടതിയെ സമീപിക്കുന്നുവെന്ന തരത്തിലും വാര്‍ത്തകള്‍ പ്രചരിച്ചിരുന്നു. എന്നാല്‍ ഇതേക്കുറിച്ച് താരം ഇതുവരെ പ്രതികരിച്ചിട്ടില്ല.

ആക്രമിക്കപ്പെട്ട നടിയോടൊപ്പം

സിനിമാപ്രവര്‍ത്തകരെയും പ്രേക്ഷകരെയും ഒന്നടങ്കം ഞെട്ടിച്ചൊരു സംഭവമായിരുന്നു കൊച്ചിയില്‍ അരങ്ങേറിയത്. ആക്രമിക്കപ്പെട്ട നടിക്ക് പൂര്‍ണ്ണ പിന്തുണയുമായി മഞ്ജു വാര്യര്‍ കൂടെയുണ്ടായിരുന്നു. നടിയുടെ വിവാഹ നിശ്ചയത്തിലും താരം പങ്കെടുത്തിരുന്നു.