Neeraj madhav: മഞ്ജുവിന് മുന്നിൽ പരാതിയുമായി നീരജ്! ആശ്വാസ വാക്കുകളുമായി താരം, വീഡിയോ കാണാം...

ആരും വന്നില്ല

വിവാഹ സൽക്കാരത്തിനെത്തിയ മഞ്ജുവിനോട് പബ്ലിക്കായിട്ടാണ് നീരജ് പരാതി പറഞ്ഞത്. മഞ്ജു വേദിയിൽ നിൽക്കുമ്പോഴാണ് സംഭവം. ‘മഞ്ജു ചേച്ചി, ഇവിടെയുള്ള ഒട്ടുമിക്ക ആളുകളും ഇവളുടെ ഇന്‍ഫോ പാര്‍ക്കിലുള്ളവരാണ്. നമ്മുടെ ആളുകളെയൊന്നും കാണുന്നില്ലല്ലോ. എന്നായിരുന്നു താരത്തിന്റെ പരാതി.

കാത്തിരുന്നു കാണാം

നീരജിന്റെ പരാതി സദസിലുളളരേയും താരത്തിനേയും പൊട്ടിച്ചിരിപ്പിച്ചിരുന്നു. എന്നാൽ ഇതിന് കൃത്യമായ മറുപടിയും മഞ്ജു നൽകിയിരുന്നു. നമ്മുടെ ആളുകൾ ഇപ്പോൾ വരുമെന്നായിരുന്നു മഞ്ജുവിന്റെ മറുപടി. നർമ്മത്തിൽ ചാലിച്ചു കൊണ്ടാണ് താരം നീരജിന്റെ പരാതിയ്ക്ക് ഉത്തരം നൽകിയത്. മഞ്ജുവിന്റെ മറുപടിയ്ക്ക് സദസിൽ നിന്ന് കയ്യടിയും കരഘോഷവും ഉണ്ടായിരുന്നു. ഞങ്ങൾ ശബ്ദം കൊണ്ടല്ല കരുത്ത് തെളിയിക്കുന്നതെന്ന് ഉടൻ തന്നെ നിരജ് സദസിലിരുന്നവർക്ക് മറുപടി കൊടുക്കുകയും ചെയ്തു.

പ്രമുഖർ പങ്കെടുത്തു

നീരജ്- ദീപ്തി വിവാഹം ഒരു അവാർഡ് നിശയ്ക്ക് സമാനമായിരുന്നു. സിനിമ ലോകത്തെ പ്രമുഖർ വിവാഹത്തിനും പിന്നീടുളള സൽക്കാരത്തിനും പങ്കെടുത്തു. മമ്മൂട്ടി, കുഞ്ചാക്കോബോബൻ, അപർണ്ണ ബാലമുരളി, മഞജുവാര്യർ, സണ്ണി വെയിൻ എന്നിവർ പങ്കെടുത്തിയിരുന്നു.നീരജിനും ദീപ്തിക്കും താരം ആശംസ നേർന്നു കൊണ്ടുള്ള സണ്ണിയുടെ ഇന്‍സ്റ്റഗ്രാം പോസ്റ്റ് വൈറലായിരുന്നു.

മലയാള സിനിമയിൽ

ആശാ ശരത്ത് അനൂപ് മേനോൻ, ഭൂമിക എന്നിവർ കേന്ദ്രകഥാപാത്രങ്ങളിലെത്തിയ ബഡ്ഡി എന്ന സിനിമയിലൂടെ യാണ് നീരജ് സിനിമയില്‍ എത്തിയത് . മോഹന്‍ലാലിന്‍റെ ദൃശ്യമെന്ന സൂപ്പർ ഹിറ്റ് ചിത്രമാണ് താരത്തിന്‍റെ കരിയര്‍ തന്നെ മാറ്റി മറിച്ച ചിത്രം. പിന്നീട് കൈ നിറയെ ചിത്രങ്ങളായിരുന്നു താരത്തിന്. വളരെ പെട്ടെന്നു തന്നെ യുവതാരനിരയില്‍ ശ്രദ്ധേയനായ താരമായി നീരജ് മാറുകയും ചെയ്തു. അഭിനയത്തില്‍ മാത്രമല്ല നൃത്തത്തിലും, എഴുത്തിലും ആലാപനത്തിലും താരം തന്റെ കഴിവ് തെളിയിച്ചിട്ടുണ്ട്.