മമ്മൂക്ക അതിനുള്ള അനുവാദം തരും എന്ന പ്രതീക്ഷയോടെ കാത്തിരിയ്ക്കുകയാണെന്ന് മഞ്ജു.. എന്തിന്?

ഏറ്റവും വലിയ ആഗ്രഹം

മമ്മൂക്കയോടൊപ്പം അഭിനയിക്കുന്ന എന്നത് തന്റെ ഏറ്റവും വലിയ ആഗ്രഹങ്ങളില്‍ ഒന്നാണെന്ന് മഞ്ജു വാര്യര്‍ പറയുന്നു. പണ്ടും മമ്മൂക്കയ്‌ക്കൊപ്പം അഭിനയിക്കാന്‍ വലിയ ഇഷ്ടമായിരുന്നു. എന്നാല്‍, അന്നത് നടന്നില്ല.

കാത്തിരിയ്ക്കുന്നു

തിരിച്ചു വന്നിട്ട് ഇത്രയായിട്ടും ഒരിക്കല്‍ പോലും അതിനു കഴിഞ്ഞിട്ടില്ല. ഇപ്പോഴും ഏറെ ആഗ്രഹത്തോടെ ഞാന്‍ കാത്തിരിക്കുകയാണ്, മമ്മൂക്കയെന്ന മഹാനടന്റെ ഒപ്പം ഒരു ഫ്രെയിമില്‍ നില്‍ക്കാന്‍- മഞ്ജു പറയുന്നു.

മമ്മൂട്ടി ആ അനുവാദം തരട്ടെ

ആ ഭാഗ്യം ഒന്നു വേറെ തന്നെയാണ്. ഇത്ര നന്നായി സൗന്ദര്യം സൂക്ഷിക്കുന്ന, ഹാന്‍സം ആയ മെഗാസ്റ്റാര്‍ വേറെ ആരുണ്ട്. അങ്ങനെയൊരു സിനിമ ആരെങ്കിലും സൃഷ്ടിക്കട്ടെ, കൂടെ അഭിനയിക്കാനുള്ള അനുവാദം മമ്മൂക്ക തരട്ടെ, ജീവിതത്തില്‍ ഏറ്റവും പ്രതീക്ഷയോടെ ഞാന്‍ കാത്തിരിക്കുന്ന ഭാഗ്യമാണത്- മഞ്ജു പറഞ്ഞു

മമ്മൂട്ടി അനുവദിക്കാത്തതിന് കാരണം

പണ്ട് മഞ്ജുവിനൊപ്പം അഭിനയിക്കുന്ന കാലത്ത് പറ്റിയ കഥ ഇല്ലാത്തതിനാലാണ് മമ്മൂട്ടി കൂടെ അഭിനയിക്കാതിരുന്നത്. എന്നാല്‍ മടങ്ങിവരവില്‍ മഞ്ജുവിനൊപ്പം അഭിനയിക്കില്ല എന്ന് മമ്മൂട്ടി വ്യക്തമാക്കിയിരുന്നു. ദിലീപുമായുള്ള അടുപ്പമാണ് അതിനുള്ള കാരണമായി മമ്മൂട്ടി പറഞ്ഞത്.

ലാലിനൊപ്പം മഞ്ജു

അതേ സമയം, മഞ്ജു വാര്യര്‍ ഏറ്റവു കൂടുതല്‍ ചിത്രങ്ങളില്‍ ഒന്നിച്ചഭിനയിച്ചത് മോഹന്‍ലാലിനൊപ്പമാണ്. ആറാം തമ്പുരാന്‍, കന്മദം, സമ്മര്‍ ഇന്‍ ബത്‌ലഹേം, എന്നും എപ്പോഴും തുടങ്ങിയ ചിത്രങ്ങളില്‍ ഒന്നിച്ചു. അണിയറയില്‍ ഒരുങ്ങുന്ന വില്ലന്‍, ഒടിയന്‍ എന്നീ ചിത്രങ്ങളിലും ലാലും മഞ്ജുവും ഒന്നിച്ചഭിനയിക്കുന്നു.