കുഞ്ചാക്കോ ബോബന്‍റെ മുഖത്തടിച്ച മഞ്ജു വാര്യര്‍! ക്ഷമ പറഞ്ഞപ്പോള്‍ വീണ്ടും അടിക്കേണ്ടി വന്നു!

മഞ്ജു വാര്യര്‍ പറഞ്ഞത്

രണ്ടാം വരവിലാണ് ചാക്കോച്ചനൊപ്പം പ്രവര്‍ത്തിക്കാന്‍ അവസരം ലഭിച്ചതെന്നായിരുന്നു മഞ്ജു വാര്യര്‍ പറഞ്ഞത്. മനസ്സുകൊണ്ട് താനൊരുപാട് ഇഷ്ടപ്പെടുന്നയാളാണ് ചാക്കോച്ചന്‍. ഹൗ ഓള്‍ഡ് ആര്‍യൂവില്‍ നായകനായി അഭിനയിക്കാന്‍ സമ്മതിച്ച ആ മനസ്സിന് നന്ദി പറയുന്നുവെന്ന് പറഞ്ഞായിരുന്നു മഞ്ജു വാര്യര്‍ തുടങ്ങിയത്. വര്‍ഷങ്ങള്‍ നീണ്ട ഇടവേള അവസാനിപ്പിച്ച് ഹൗ ഓള്‍ഡ് ആര്‍യൂ എന്ന ചിത്രത്തിലൂടെയായിരുന്നു താരമെത്തിയത്.

നല്ല സിനിമകളുടെ ഭാഗം

നായികാപ്രാധാന്യമുള്ള സിനിമയാണെന്നറിഞ്ഞിട്ടും ചാക്കോച്ചന്‍ ഈ ചിത്രത്തില്‍ അഭിനയിക്കാന്‍ തയ്യാറാവുകയായിരുന്നു. സിനിമയില്‍ നിന്നും പിന്‍മാറണമെന്നാവശ്യപ്പെട്ട് ചിലര്‍ രംഗത്തുവന്നിരുന്നുവെങ്കിലും താരം വഴങ്ങിയിരുന്നില്ല. നല്ല സിനിമകളുടെ ഭാഗാമാവാന്‍ ആഗ്രഹിക്കുന്നയാളാണ് താനെന്ന് കുഞ്ചാക്കോ ബോബന്‍ പറയുന്നു. രാജേഷ് ഈ സിനിമ എനിക്കേറെയിഷ്ടമായി. ചെറിയ കഥാപാത്രമാണെങ്കിലും അഭിനയിച്ചേനെയെന്നായിരുന്നു താരം പറഞ്ഞത്.

വേട്ടയിലും അഭിനയിച്ചു

ഹൗ ഓള്‍ഡ് ആര്‍യൂ എന്ന ചിത്രത്തിന് ശേഷം വേട്ടയ്ക്കായാണ് ഞങ്ങള്‍ വീണ്ടും ഒരുമിച്ചത്. ഞങ്ങളെ സംബന്ധിച്ച് വേട്ട ഏറെ പ്രധാനപ്പെട്ട ചിത്രമാണ്. ഒരേ സമയം സന്തോഷവും വേദനയും ഞങ്ങള്‍ക്ക് തരുന്ന സിനിമയാണ്. വേദനിക്കുന്ന ഭാഗം അവിടെ മാറ്റി നിര്‍ത്തി സംസാരിക്കുകയാണ്. ജീവിതത്തില്‍ ഒരിക്കലും മറക്കാനാവാത്ത അനുഭവമാണ് വേട്ടയുടെ ഷൂട്ടിംഗ് സമയത്ത് ചാക്കോച്ചന് ലഭിച്ചത്. കവിള്‍ തഴുകി ചിരിച്ചുകൊണ്ടായിരുന്നു മഞ്ജു വാര്യര്‍ ഇതേക്കുറിച്ച് ചോദിച്ചത്.

ചാക്കോച്ചന്റെ മറുപടി

ഇങ്ങനെ ആത്മാര്‍ത്ഥമായിട്ട് പ്രാര്‍ത്ഥനയും സ്‌നേഹവും എന്ന് പറഞ്ഞയാളാണ് നാല് തവണ കരണം നോക്കി പുകച്ചത്. ചിരിച്ചുകൊണ്ടായിരുന്നു കുഞ്ചാക്കോ ബോബന്‍ ആ സംഭവത്തെക്കുറിച്ച് തുറന്നുപറഞ്ഞത്. ചിത്രത്തിലെ ഒരു സ്വീക്വന്‍സിനിടയില്‍ മെല്‍വിന്‍ ഫിലിപ്പ് എന്തോ കമന്റ് പറഞ്ഞു. ചൊറിയുന്ന ഡയലോഗായിരുന്നു. അത് കേട്ട് വന്നിട്ട് പുള്ളിക്കാരി കരണത്ത് അടിക്കുന്ന സീനായിരുന്നു. ഒട്ടും പ്രതീക്ഷിക്കാത്ത ആക്ഷനായിരുന്നു.

ശരിക്കും കൊടുത്തോളൂ

രാജേഷല്ലേ ചിത്രത്തിന്റെ സംവിധായകന്‍ ശരിക്കും കൊടുത്തോളാനായിരുന്നു പറഞ്ഞത്. എനിക്ക് പറ്റില്ലെന്ന് മഞ്ജു പറഞ്ഞിരുന്നു. കുഴപ്പമില്ല, ചെയ്‌തോളൂയെന്ന് പറഞ്ഞിരുന്നു. അങ്ങനെ പുള്ളിക്കാരി അറിഞ്ഞ് ചെയ്യുകയായിരുന്നു. ശരിക്കും മൂന്നാല് അടി കിട്ടി. മൂന്നാല് ടേക്ക് എടുക്കേണ്ടി വന്നിരുന്നു. പുള്ളിക്കാരി ടപ്പ് എന്ന് പറഞ്ഞ് അടിക്കും. അപ്പോള്‍ത്തന്നെ സോറിയും പറയും. അപ്പോള്‍ കട്ടിംഗ് പോയിന്റുണ്ടായിരുന്നില്ല. മഞ്ജൂ എന്താണ് കാണിക്കുന്നതെന്നായിരുന്നു ആ സമയത്ത് രാജേഷ് ചോദിക്കാറുള്ളത്.

എനിക്ക് പണിയുണ്ടാക്കല്ലേ

സഹോദരി എനിക്ക് പണിയുണ്ടാക്കല്ലേയെന്നാണ് ഞാന്‍ പറയാറുള്ളത്. അടിച്ചോ, അടിച്ച് കഴിഞ്ഞിട്ട് എന്നോട് സോറി പറയല്ലേ, അപ്പോള്‍ വീണ്ടും അടി കൊള്ളേണ്ടി വരും. ഒന്ന് രണ്ടുമൂന്ന് പ്രാവശ്യം അടിക്കേണ്ടി വന്നു. അതാണ് പുള്ളിക്കാരി പറഞ്ഞത്. നായികാപ്രാധാന്യമുള്ള ചിത്രത്തില്‍ അഭിനയിക്കേണ്ടി വന്നതിനെക്കുറിച്ച് ചോദിച്ചിരുന്നു.