യഥാര്‍ത്ഥ നിരുപമയാവാനൊരുങ്ങി മഞ്ജു വാര്യര്‍, ഹോര്‍ട്ടികോര്‍പ് ബ്രാന്‍ഡ് അംബാസിഡര്‍

വിഷരഹിത പച്ചക്കറി ലഭ്യമാക്കാന്‍ മഞ്ജുവും

വിഷമയമായ പച്ചക്കറി പൂര്‍ണ്ണമായി ഒഴിവാക്കി ജൈവകൃഷി രീതിയെ പോത്സാഹിപ്പിക്കാനാണ് ഹോര്‍ട്ടികോര്‍പ്പ് ലക്ഷ്യമിടുന്നത്. സംവിധായകന്‍ വിനയനാണ് ഹോര്‍ട്ടികോര്‍പ്പിന്റെ ചെയര്‍മാന്‍. ബ്രാന്‍ഡ് അംബാസിഡറായാണ് മഞ്ജു വാര്യര്‍ സ്ഥാനമേല്‍ക്കുന്നത്.

യഥാര്‍ത്ഥ നിരുപമയാവുന്നു

പ്രതിഫലം കൈപ്പറ്റാതെയാണ് മഞ്ജു വാര്യരുടെ സേവനമെന്ന് വിനയന്‍ പറഞ്ഞു. ഓണ്‍ സ്‌ക്രീനിനുമപ്പുറത്തേക്ക് ലക്ഷ്യം സാക്ഷാത്കരിക്കാനാണ് മഞ്ജു വാര്യരും വിനയനും ലക്ഷ്യമിടുന്നത്.

ഹൗ ഓള്‍ഡ് ആര്‍യു ഇഫക്റ്റ്

ഹൗ ഓള്‍ഡ് ആര്‍ യൂ എന്ന ചിത്രം ഇറങ്ങിയതിനു ശേഷം വീട്ടമ്മമാര്‍ നിരുപമയില്‍ നിന്നും പ്രചോദനം ഉള്‍ക്കൊണ്ട് വീട്ടിലും മട്ടുപ്പാവിലും ജൈവകൃഷി ആരംഭിച്ചിരുന്നു. അതു കൊണ്ടു തന്നെയാണ് മഞ്ജുവിനെ ബ്രാന്‍ഡ് അംബാസിഡറായി തിരഞ്ഞെടുക്കുന്നതെന്നാണ് ചെയര്‍മാന്‍ അറിയിച്ചിട്ടുള്ളത്.

ആമിയായി മഞ്ജു എത്തുമെന്നുള്ള പ്രചാരണങ്ങള്‍

മാധവിക്കുട്ടിയെ അവതരിപ്പിക്കാന്‍ മഞ്ജു വാര്യര്‍ എത്തുമെന്നുള്ള റിപ്പോര്‍ട്ടുകളാണ് സമൂഹ മാധ്യമങ്ങളിലൂടെ പ്രചരിക്കുന്നത്. എന്നാല്‍ ഇതേക്കുറിച്ചുള്ള ഒൗദ്യോഗിക സ്ഥിരീകരണമൊന്നും വന്നിട്ടില്ല.