എന്നെ ട്രാന്‍സ്‌ജെന്ററായി കാണുന്നവരുണ്ട്, പുരുഷന്മാരുമായി ഡേറ്റ് ചെയ്തതിനെ കുറിച്ച് രഞ്ജിനി ഹരിദാസ്

എല്ലാം ശരിയാവും

എന്നാലും രഞ്ജിനിയുടെ ആത്മവിശ്വാസമൊന്നും ചോര്‍ന്നിട്ടില്ല. എല്ലാം ശരിയാവും എന്ന് തന്നെയാണ് രഞ്ജിനി ഇപ്പോഴും വിശ്വസിയ്ക്കുന്നത്. ഒരു ഫ്രീലാന്‍സ് ആര്‍ട്ടിസ്റ്റിന്റെ പരിമിതികളാണിതെന്നാണ് ഒരു അഭിമുഖത്തില്‍ സംസാരിക്കവെ രഞ്ജിനി പറഞ്ഞത്.

ഞാന്‍ പുരുഷ വിരോധിയല്ല

എന്നെ പലരും കാണുന്നത് ഒരു പുരുഷ വിരോധിയായിട്ടാണ്. എന്നാല്‍ എന്റെ ഏറ്റവും അടുത്ത സുഹൃത്തുക്കളെല്ലാം ആണ്‍ കുട്ടികളാണ്. ആണ്‍ - പെണ്‍ വ്യത്യാസമില്ലാതെ തെറ്റ് എവിടെ കണ്ടാലും ഞാന്‍ പ്രതികരിക്കും. അതൊന്നും പുരുഷ വിരോധം കൊണ്ടല്ല എന്ന് രഞ്ജിനി പറഞ്ഞു.

വിവാഹം എപ്പോള്‍

ഒരു സാധാരണ പെണ്‍കുട്ടി ഡേറ്റ് ചെയ്യുന്നതിനെക്കാള്‍ കൂടുതല്‍ പുരുഷന്മാരെ ഞാന്‍ ഡേറ്റ് ചെയ്തിട്ടുണ്ട്. എന്നെ നന്നായി മനസ്സിലാക്കാന്‍ പറ്റിയ ഒരാളെ കിട്ടിയാല്‍ വിവാഹം കഴിക്കാന്‍ ആഗ്രഹിക്കുന്നുണ്ട് എന്ന് രഞ്ജിനി വെളിപ്പെടുത്തി.

ഞാന്‍ ട്രാന്‍സ്‌ജെന്ററാണെന്ന്

എന്നെ ട്രാന്‍സ്‌ജെന്ററായി കാണുന്നവരുണ്ട് എന്ന് രഞ്ജിനി പറയുന്നു. സ്ത്രീകളുടെയും ട്രാന്‍സ്‌ജെന്റേഴ്‌സിന്റെയും മൃഗങ്ങളുടെയും കാര്യത്തില്‍ ശബ്ദമുയര്‍ത്തിയതിന്റെ പേരില്‍ ഒത്തിരി വിമര്‍ശനങ്ങള്‍ കേള്‍ക്കേണ്ടി വന്നിട്ടുണ്ട്. അതോടെ ഞാന്‍ ട്രാന്‍സ്‌ജെന്ററായി. മനുഷ്യത്വത്തിന് മുന്നില്‍ ഇതൊന്നും ഞാന്‍ കാര്യമാക്കുന്നില്ലെന്ന് രഞ്ജിനി പറയുന്നു.

പട്ടി സ്‌നേഹം

കുട്ടിക്കാലത്ത് അച്ഛന് തെരുവില്‍ നിന്ന് കിട്ടിയ പോമേറിയന്‍ പട്ടിയെ വീട്ടില്‍ കൊണ്ടു വന്നതോടെയാണ് രഞ്ജിനിയ്ക്ക് പട്ടിപ്രേമം തുടങ്ങിയത്. അച്ഛന്‍ മരിച്ച് കുറച്ച് നാള്‍ കഴിഞ്ഞപ്പോള്‍ ആ പട്ടിയും മരിച്ചു. അതിന് ശേഷം രഞ്ജിനി പെറ്റ്‌സിനെ വളര്‍ത്തിയിട്ടില്ലത്രെ. പിന്നീട് രഞ്ജിനി ജോലി ആവശ്യത്തിന് പുറത്തേക്ക് വന്നപ്പോള്‍ അമ്മ ഒറ്റയ്ക്കായപ്പോഴാണ് വീണ്ടും പെറ്റ്‌സിനെ വളര്‍ത്താന്‍ തുടങ്ങിയത്.