അപ്പുച്ചേട്ടന് വല്ലോം പറ്റുമോയെന്ന ആധിയായിരുന്നു, ആദി കണ്ടതിനെക്കുറിച്ച് മോഹന്‍ലാലിന്‍റെ 'മകള്‍'!

രാജാവിന്റെ മകന്റെ സിനിമ

രാജാവിന്റെ മകന്റെ സിനിമ കണ്ടതിനെക്കുറിച്ച് മീനാക്ഷി പോസ്റ്റ് ചെയ്ത കുറിപ്പ് സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുകയാണ്. ആദിയുടെ ഫ്‌ളക്‌സ് ബോര്‍ഡിന് അടുത്ത നില്‍ക്കുന്ന ഫോട്ടോയും താരം പോസ്റ്റ് ചെയ്തിട്ടുണ്ട്.

ആശീര്‍വാദില്‍ത്തന്നെ പോയി

രാജാവിന്റെ തിയേറ്ററില്‍ ( ആശീര്‍വാദ് സിനിമാസ്) പോയാണ് ആദി കണ്ടതെന്ന് മീനാക്ഷി കുറിച്ചിട്ടുണ്ട്. ആദി കാണുന്നതിനിടയില്‍ തന്നെ അലട്ടിയ ആധിയെക്കുറിച്ചും കൊച്ചുമിടുക്കി വിശദീകരിച്ചിട്ടുണ്ട്.

അപ്പുച്ചേട്ടന് വല്ലോം പറ്റുമോയെന്ന ആധി

ആദി കാണുന്നതിനിടയില്‍ അപ്പുച്ചേട്ടന് വല്ലോം പറ്റുമോയെന്ന ആദിയായിരുന്നു തന്നെ അലട്ടിയത്. പാര്‍ക്കൗര്‍ പരിപാടി പെണ്‍കുട്ടികള്‍ക്ക് ചെയ്യാന്‍ പറ്റുമോയെന്നും മീനാക്ഷി ചോദിക്കുന്നുണ്ട്.

ആരിഷിന്റെ ആവശ്യം

ആദി കണ്ട് വന്നതില്‍പ്പിന്നെ ആരിഷ് ഈ ആവശ്യം വീട്ടില്‍ ഉന്നയിച്ചിട്ടുണ്ട്. പാര്‍ക്കൗര്‍ പഠിക്കണമെന്നാണ് അവന്റെ ഇപ്പോഴത്തെ ആഗ്രഹമെന്നും മീനാക്ഷി പറയുന്നു. മീനാക്ഷിയുടെ അനുജനാണ് ആരിഷ്.

വില്ലന്‍ റെഡ്ഡിയായി അമ്മ

വില്ലന്‍ റെഡ്ഡിയുടെ സ്ഥാനത്താണ് ഇപ്പോ അമ്മ. അനുജനെ പിടിക്കാന്‍ നടക്കുവാ, ഇതിനോടകം തന്നെ വീട്ടിലെ പാത്രങ്ങളുടെ കാര്യത്തില്‍ അവനൊരു തീരുമാനമാക്കിയിട്ടുണ്ട്.

ഷറഫു ചേട്ടന്‍ കരയിപ്പിച്ചു

സിദ്ദിഖങ്കിളും ലെന ചേച്ചീം അനുശ്രീ ചേച്ചിയുമൊക്കെ മികച്ച പ്രകടനമാണ് കാഴ്ച വെച്ചത്. പിന്നെ ഷറഫു ചേട്ടനാണ് കരയിപ്പിച്ചതെന്നും മീനാക്ഷി പറയുന്നു.

ഇനിയും കാണൂ

എന്തായലും ആദി ഇഷ്ടമായി, ഇനിയും കാണാന്‍ പോകും, മീനാക്ഷിയുടെ പോസ്റ്റ് വായിക്കൂ.

ചേച്ചിക്ക് പിന്നാലെ അനിയനും

മീനാക്ഷിക്ക് പിന്നാലെ അനിയന്‍ ആരിഷും സിനിമയിലേക്ക് എത്തുകയാണ്. പൃഥ്വിരാജ് ചിത്രമായ രണത്തില്‍ പൃഥ്വിയുടെ കുട്ടിക്കാലമാണ് ആരിഷ് അവതരിപ്പിക്കുന്നത്.