For Quick Alerts
    ALLOW NOTIFICATIONS  
    For Daily Alerts

    ലാലേട്ടാ ഇതെന്തോന്ന് പൂവാ?

    By Staff
    |

    സത്യന്‍ അന്തിക്കാട്‌ സംവിധാനം ചെയ്‌ത ഇന്നത്തെ ചിന്താവിഷയത്തില്‍ ഷൂട്ടിംഗ്‌ ലൊക്കേഷനില്‍ മീരയുടെ വൈകി വരവ്‌ പ്രസിദ്ധമായിരുന്നു. ഒരിയ്‌ക്കല്‍ സൂപ്പര്‍ താരം മോഹന്‍ലാല്‍ പോലും മേക്കപ്പണിഞ്ഞതിന്‌ ശേഷം മീരയ്‌ക്കു വേണ്ടി മണിക്കൂറുകളോളം കാത്തിരിയ്‌ക്കേണ്ട സാഹചര്യവും ലൊക്കേഷനില്‍ ഉണ്ടായി.

    ചിത്രത്തിലെ ഒരു ഗാനരംഗം അതിരാവിലെ ഷൂട്ട്‌ ചെയ്യാന്‍ സത്യന്‍ തീരൂമാനിച്ചു. ഇത്‌ പ്രകാരം എല്ലാവരോടും അടുത്ത ദിവസം അതിരാവിലെ ലൊക്കേഷനെത്താനും സംവിധായകന്‍ നിര്‍ദ്ദേശിച്ചു. തേനിയ്‌ക്കടുത്തെ ബോട്ടാണിക്കല്‍ ഗാര്‍ഡനിലായിരുന്നു ഷൂട്ടിംഗ്‌.

    പിറ്റെ ദിവസം ആറു മണിയ്‌ക്ക്‌ യൂണിറ്റ്‌ മുഴുവന്‍ ലൊക്കേഷനിലെത്തിയിട്ടും മീര മാത്രമെത്തിയില്ല. നടി ഉറങ്ങുകയായിരുന്നുവെന്നാണ്‌ അന്വേഷിച്ചപ്പോള്‍ മറുപടി കിട്ടിയത്‌. ഏതാണ്ട്‌ പത്തു മണിയോടെ ലൊക്കേഷനിലെത്തിയ മീര എല്ലാവരുടെയും മുഖം കറുത്തിരിയ്‌ക്കുന്നത്‌ കണ്ട്‌ കുശലം പറച്ചിലിലൂടെ പ്രശ്‌നം ലഘൂകരിയ്‌ക്കാന്‍ ശ്രമിച്ചു.

    സെറ്റില്‍ പാര്‍ക്ക്‌ ചെയ്‌തിരുന്ന കാറിനുള്ളില്‍ കണ്ട പാവക്കുട്ടിയുടെ ഭംഗിയെക്കുറിച്ചായിരുന്നു ആദ്യ കമന്റ്‌. ഹായ്‌ എന്തു ഭംഗിയാ? ഇതെവിടെ നിന്നാ വാങ്ങിയത്‌. എന്തെങ്കിലും മറുപടി പറഞ്ഞാല്‍ കൂടിപ്പോകുമെന്ന്‌ കരുതി ക്ഷമാശീലനായ സത്യന്‍ അന്തിക്കാട്‌ മൗനം പാലിച്ചു.

    പിന്നീട്‌ ക്ഷമയുടെ നെല്ലിപ്പലക കണ്ടിരിയ്‌ക്കുന്ന ലാലിന്റെയടുത്തെത്തിയ നടി സമീപത്തെ മരത്തില്‍ വിരിഞ്ഞു നില്‌ക്കുന്ന പൂക്കള്‍ കാണുകയും ലാലിനോട്‌ അതിനെക്കുറിച്ച്‌ ചോദിയ്‌ക്കുകയും ചെയ്‌തു.

    ലാലേട്ടാ ഇതെന്തോന്ന്‌ പൂവാ?, ഇത്‌ ക്ഷമയുടെ പൂവാണു മോളേയെന്ന്‌‌ ലാല്‍ നിസംഗതയോടെ മറുപടി നല്‌കുകയും ചെയ്‌തു. ലാലിന്റെ മറുപടി ലൊക്കേഷനില്‍ ചിരിയുടെ മാലപ്പടക്കം പൊട്ടിച്ചുവെന്നും നടിയുടെ സ്വഭാവത്തില്‍ മാറ്റം വരുത്തിയതുമൊക്കെ പിന്നത്തെ കഥ.

    മുന്‍ പേജില്‍

    ബന്ധപ്പെട്ട വാര്‍ത്തകള്‍

    മീരയുടെ ശാലീന അഴക്

    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X