മേഘ്‌ന രാജിന് വീണ്ടും പരീക്ഷണം, നടിക്കും കുഞ്ഞിനും അസുഖം സ്ഥിരീകരിച്ചു, ആധിയോടെ ആരാധകര്‍

ചിന്‍റുവിന്‍റെ വരവ്

അപ്രതീക്ഷിതമായി പ്രിയതമനെ നഷ്ടമായപ്പോള്‍ മേഘ്‌ന രാജിന് പ്രതീക്ഷയേകിയത് കുഞ്ഞതിഥിയുടെ വരവായിരുന്നു. കുഞ്ഞിലൂടെ ചിരു പുനര്‍ജനിക്കുമെന്നായിരുന്നു താരം പറഞ്ഞത്. ചിരു ആഗ്രഹിച്ചത് പോലെ തന്നെ ആണ്‍കുഞ്ഞായിരുന്നു ജനിച്ചത്. തനിക്ക് ജനിക്കുന്നത് ആണ്‍കുഞ്ഞായിരിക്കുമെന്നും താന്‍ കാണിച്ച വികൃതികളെല്ലാം അവനും കാണിക്കുമെന്നും ചിരു ധ്രുവയോട് പറഞ്ഞിരുന്നു. വിയോഗ ശേഷവും എല്ലാ കാര്യങ്ങളിലും മേഘ്‌ന ചിരുവിനെ കൂടെക്കൂട്ടിയിരുന്നു.

ചിരുവിന്‍റെ സാന്നിധ്യം

സീമന്ത ചടങ്ങിലും ബേബി ഷവര്‍ പാര്‍ട്ടിയും ആശുപത്രിയിലുമെല്ലാം ചിരിച്ച മുഖത്തോടെയുള്ള ചിരുവിന്റെ ഫോട്ടോയുണ്ടായിരുന്നു. കുഞ്ഞതിഥിയെ ചിരുവിന്റെ ഫോട്ടോയോട് ചേര്‍ത്തുള്ള ചിത്രവും സോഷ്യല്‍ മീഡിയയിലൂടെ വൈറലായി മാറിയിരുന്നു. ചിരുവിന്റേയും മേഘ്‌നയുടേയും എന്‍ഗേജ്മന്റ് ആനിവേഴ്‌സറി ദിനത്തിലായിരുന്നു കുഞ്ഞതിഥിയുടെ വരവ്. മരുമകന്‍ തിരികെ വന്നത് പോലെയാണ് തോന്നുന്നതെന്നായിരുന്നു മേഘ്‌നയുടെ പിതാവ് പറഞ്ഞത്. ചിന്റുവെന്നാണ് അവന്റെ വിളിപ്പേരെന്നും അദ്ദേഹം പറഞ്ഞിരുന്നു.

മേഘ്ന പറഞ്ഞത്

അസുഖം സ്ഥിരീകരിച്ചതിനെക്കുറിച്ചും ഇപ്പോഴത്തെ അവസ്ഥയെക്കുറിച്ചും പറഞ്ഞ് മേഘ്‌ന രാജും എത്തിയിട്ടുണ്ട്. അച്ഛനും അമ്മയ്ക്കും തനിക്കും കുഞ്ഞിനും കൊവിഡ് സ്ഥിരീകരിച്ചിരിക്കുകയാണ്. തങ്ങളുമായി ബന്ധം പുലര്‍ത്തിയവരോടെല്ലാം ഇതേക്കുറിച്ച് പറഞ്ഞിട്ടുണ്ട്. എല്ലാവരും സുഖമായിരിക്കുകയാണ്. ജൂനിയര്‍ ചിരുവിനും സുഖമാണ്. എന്നെ എപ്പോഴും തിരക്കുള്ളയാളാക്കി മാറ്റുന്നുണ്ട് അവന്‍. വൈകാതെ തന്നെ ഞങ്ങളെല്ലാം പഴയ സ്ഥിതിയിലേക്ക് തിരിച്ച് വരുമെന്നുമായിരുന്നു മേഘ്‌ന കുറിച്ചത്.