പൂക്കളമിട്ട് സദ്യയൊരുക്കി മിയയുടെ ഓണാഘോഷം! വൈറല്‍ വീഡിയോ

അതേസമയം വിവാഹ ഒരുക്കങ്ങള്‍ക്കിടെ കുടുംബത്തോടൊപ്പം ഓണം ആഘോഷിച്ച മിയയുടെ വീഡിയോ സമൂഹ മാധ്യമങ്ങളില്‍ പുറത്തിറങ്ങിയിരുന്നു. ഇത്തവണ കുടുംബത്തോടൊപ്പം പാലായിലെ വീട്ടില്‍ വെച്ചായിരുന്നു നടിയുടെ ഓണം. മിയയുടെ സഹോദരി ജിനിയാണ് ഇതിന്റെ വീഡിയോ തന്റെ യൂടൂബ് ചാനലില്‍ പങ്കുവെച്ചത്. മിയയുടെ സഹോദരിയും ഭര്‍ത്താവും മകളുമെല്ലാം ഇത്തവണ ഓണത്തിന് വീട്ടിലുണ്ടായിരുന്നു.

ഓണത്തിന് പൂക്കളവും സദ്യയുമൊരുക്കുന്നതെല്ലാം വീഡിയോയിലുണ്ടായിരുന്നു. അതേസമയം സെപ്റ്റംബറിലാണ് നടിയുടെ വിവാഹം. ബിസിനസുകാരനാണ് മിയയുടെ പ്രതിശ്രുത വരനായ അശ്വിന്‍. മിയയുടെ വിവാഹ വാര്‍ത്ത എല്ലാവരിലും സന്തോഷമുണ്ടാക്കിയിരുന്നു. അടുത്തിടെയായിരുന്നു തന്റെ പ്രതിശ്രുത വരനായ അശ്വിന്‍ ഫിലിപ്പിനെ നടി എല്ലാവര്‍ക്കും പരിചയപ്പെടുത്തിയത്.

പ്രണയ വിവാഹമല്ലെന്നും മാട്രിമോണി വഴി വീട്ടുകാര്‍ തമ്മില്‍ പറഞ്ഞുറപ്പിച്ചതാണെന്നും നടി അറിയിച്ചിരുന്നു. ഇവരുടെ മനസമ്മത ചടങ്ങില്‍ അടുത്ത ബന്ധുക്കളും സുഹൃത്തുക്കളും മാത്രമായിരുന്നു പങ്കെടുത്തത്. പിന്നാലെ മിയയ്ക്കും അശ്വിനും ആശംസകള്‍ നേര്‍ന്ന് ആരാധകരും സിനിമാ ലോകവും ഒന്നടങ്കം എത്തിയിരുന്നു.

നടിയ്ത്ക്കും പ്രതിശ്രുത വരനായ അശ്വിനും ആശംസകളുമായി സുഹൃത്തുക്കളായ ഗോവിന്ദ് പത്മസൂര്യ, വിനയ് ഫോര്‍ട്ട്, അനു സിത്താര, മുക്ത, ശ്രിന്ദ, ശ്രുതി ലക്ഷ്മി, പാരീസ് ലക്ഷ്മി, ആര്യ തുടങ്ങിയ താരങ്ങളും സോഷ്യല്‍ മീഡിയയില്‍ എത്തിയിരുന്നു. അതേസമയം നടി ഭാവനയുടെ കല്യാണം കഴിഞ്ഞ സമയം മുതലേ മിയയുടെ വിവാഹകാര്യം അമ്മ മനസില്‍കൊണ്ടു നടന്നിരുന്നു.

ഒടുവില്‍ മിയയുടെ അമ്മ തന്നെയാണ് മകള്‍ക്ക് അശ്വിനെ കണ്ടെത്തികൊടുക്കുന്നത്. മാട്രിമോണി സൈറ്റില്‍ അശ്വിന്റെ ചിത്രം കണ്ട് ഇഷ്ടപ്പെട്ട അമ്മ മിയയെ ഫോട്ടോ കാണിച്ചു കൊടുക്കുകയായിരുന്നു. മാട്രിമോണിയില്‍ ആയിരത്തോളം പ്രൊഫൈലുകളില്‍ നിന്നാണ് മിയയുടെ അമ്മ ഒടുവില്‍ അശ്വിനെ കണ്ടെത്തിയത്. കണ്‍സ്ട്രക്ഷന്‍ കമ്പനി ഉടമ കൂടിയാണ് മിയയുടെ പ്രതിശ്രുത വരനായ അശ്വിന്‍. ഡ്രൈവിംഗ്, സ്‌പോര്‍ട്‌സ് പോലുളള സമാന ഇഷ്ടങ്ങള്‍ ഇരുവര്‍ക്കുമുണ്ട്.