മഞ്ജു വാര്യര്‍ വീണ്ടും ഭാര്യയാവുന്നു, ഒപ്പം ??

ദമ്പതികളായി മോഹന്‍ലാലും മഞ്ജുവും

സമീപകാലത്ത് ഇറങ്ങിയ എന്നും എപ്പോഴും സിനിമയില്‍ മഞ്ുവും മോഹന്‍ലാലും ഒരുമിച്ച് അഭിനയിച്ചിരുന്നു. മേജര്‍ രവി ചിത്രത്തിന്റെ അവസാന ഘട്ട ഷൂട്ടിങ്ങിലാണ് മോഹന്‍ലാല്‍ ഇപ്പോള്‍. സൂര്യപുത്രി അമലയോടൊപ്പം കെയര്‍ ഓഫ് സൈറാബാനുവിലാണ് മഞ്ജു ഇപ്പോള്‍ അഭിനയിച്ചു കൊണ്ടിരിക്കുന്നത്.

മാര്‍ച്ചില്‍ ചിത്രീകരണം തുടങ്ങും

ചിത്രത്തിന്റെ ഷൂട്ടിങ്ങ് മാര്‍ച്ചില്‍ ആരംഭിക്കും . വാഗമണ്ണിലാണ് പ്രധാന ലൊക്കേഷന്‍. 50, 55 ദിവസത്തിനുള്ളില്‍ ചിത്രീകരണം പൂര്‍ത്തിയാക്കാനാണ് സംവിധായകന്‍ ലക്ഷ്യമിടുന്നത്.

പ്രമുഖര്‍ അണിനിരക്കുന്നു

തമിഴ് താരങ്ങളായ വിശാല്‍, ഹന്‍സിക, തെലുങ്ക് താരം ശ്രീകാന്ത്, രാശി ഖന്ന തുടങ്ങിയവര്‍ മലയാളത്തില്‍ അരങ്ങേറുന്ന ചിത്രം കൂടിയാണിത്. ചിത്രത്തില്‍ ശക്തമായ കഥാപാത്രങ്ങളുമായാണ് ഓരോരുത്തരും എത്തുന്നത്. ചിത്രത്തിന്റെ കൂടുതല്‍ വിശദാംശങ്ങള്‍ സംവിധായകന്‍ വെളിപ്പെടുത്തിയിട്ടില്ല.

മോഹന്‍ലാല്‍ തടി കുറയ്ക്കുന്നു

ബി ഉണ്ണികൃഷ്ണന്‍ ചിത്രത്തില്‍ അഭിനയിക്കുന്നതിനു വേണ്ടി തടി കുറയ്ക്കാനുള്ള ആയുര്‍വേദ ചികിത്സയ്ക്കായി മോഹന്‍ലാല്‍ പൂമുള്ളി മനയിലേക്ക് പോയിരുന്നു. സ്ഥിരം ഗെറ്റപ്പില്‍ നിന്നും മാറി അല്‍പ്പം വ്യത്യസ്തമായ ലുക്കിലാണ് താരം ഈ ചിത്രത്തില്‍ പ്രത്യക്ഷപ്പെടുന്നത്. വി ആര്‍ എസ് എടുത്ത പോലീസുകാരനായാണ് മോഹന്‍ലാല്‍ പ്രത്യക്ഷപ്പെടുന്നത്.

സാധാരണ പ്രണയ ചിത്രമല്ല

മോഹന്‍ലാലും മഞ്ജുവും ദമ്പതികളായി വേഷമിടുന്ന സിനിമയില്‍ പ്രണയത്തിന് വല്ലയ പ്രാധാന്യമൊന്നുമില്ല. പ്രണയ ചിത്രമല്ല. തന്റേതായ വ്യക്തിത്വമുള്ള ശക്തമായ കഥാപാത്രമായാണ് മഞ്ജു എത്തുന്നത്.