ദിലീപ് ഇനി വേണ്ട, അടുത്തത് മോഹന്‍ലാലിനുള്ള ഊഴം! രാമലീലയ്ക്ക് പിന്നാലെ അരുണ്‍ ഗോപിയുടെ സിനിമ വരുന്നു!

അരുണ്‍ ഗോപിയുടെ സിനിമ

അരുണ്‍ ഗോപി സംവിധാനം ചെയ്യാന്‍ പോവുന്ന അടുത്ത സിനിമയെ കുറിച്ചുള്ള വിവരങ്ങള്‍ സംവിധായകന്‍ തന്നെ പുറത്ത് വിട്ടിരിക്കുകയാണ്. ടോമിച്ചന്‍ മുളകുപാടത്തിനൊപ്പം തന്നെയാണ് രണ്ടാമതും സിനിമ ചെയ്യുന്നതെന്നാണ് സംവിധായകന്‍ പറയുന്നത്.

നായകന്‍ മോഹന്‍ലാലോ?

അരുണ്‍ ഗോപിയുടെ രണ്ടാമത്തെ സിനിമയെ കുറിച്ചുള്ള വിവരങ്ങള്‍ വന്നതിന് പിന്നാലെ ചിത്രത്തില്‍ മോഹന്‍ലാല്‍ നായകനായി അഭിനയിക്കുമെന്നായിരുന്നു റിപ്പോര്‍ട്ടുകള്‍. സംവിധായകന്‍ ഇപ്പോള്‍ പുറത്ത് വിട്ട ഫേസ്ബുക്ക് കുറിപ്പില്‍ അതിനെ കുറിച്ചും സൂചിപ്പിക്കുന്നുണ്ട്.

മോഹന്‍ലാല്‍ തന്നെയാണ്..

സിനിന നടനാവാന്‍ വേണ്ടി മാത്രം ജനിച്ച താരമായിരിക്കും സിനിമയില്‍ നായകനാവുന്നതെന്നും നിങ്ങളുടെ പ്രാര്‍ത്ഥനയും അനുഗ്രഹവും ഉണ്ടായിരിക്കണമെന്നും അരുണ്‍ പറയുന്നു. ഇതില്‍ സൂചിപ്പിച്ചിരിക്കുന്നത് മോഹന്‍ലാലിനെ തന്നെയാണെന്നാണ് ആരാധകര്‍ പറയുന്നത്.

ബിഗ് പ്രൊജക്റ്റാണോ?

2016 ല്‍ മലയാള സിനിമയുടെ അഭിമാനമായി മാറിയ പുലിമുരുകനിലൂടെയായിരുന്നു ടോമിച്ചന്‍ മുളകുപാടവും മോഹന്‍ലാലും ഒന്നിച്ചിരുന്നത്. ശേഷം ടീം ഒന്നിക്കുന്ന അരുണ്‍ ഗോപിയുടെ സിനിമ അതുപോലെ തന്നെ ബിഗ് പ്രൊജക്ടായിരിക്കുമെന്നുമാണ് റിപ്പോര്‍ട്ടുകള്‍.

വൈറലായ ചിത്രം

സിനിമയെ കുറിച്ചുള്ള വിവരങ്ങള്‍ വന്നതിന് പിന്നാലെ മോഹന്‍ലാല്‍, അരുണ്‍ ഗോപി, ടോമിച്ചന്‍ മുളകുപാടം എന്നിവര്‍ ഒന്നിച്ച് നില്‍ക്കുന്ന ചിത്രം പുറത്ത് വന്നിരുന്നു. സിനിമയുമായി ബന്ധപ്പെട്ട് നടത്തിയ കൂടികാഴ്ചയുടെ ചിത്രമായിരുന്നെന്നാണ് പറയുന്നത്.

ഒടിയന്‍ വരുന്നു

നിലവില്‍ വി എ ശ്രീകുമാര്‍ മേനോന്‍ സംവിധാനം ചെയ്യുന്ന ഒടിയനാണ് അടുത്ത് വരാനിരിക്കുന്ന മോഹന്‍ലാല്‍ ചിത്രം. പിന്നാലെ അജോയ് വര്‍മ്മ സംവിധാനം ചെയ്യുന്ന സിനിമയുടെ ചിത്രീകരണം ഏപ്രിലിലും ആരംഭിക്കാന്‍ പോവുകയാണ്.