ഏത് നിമിഷവും എന്തും സംഭവിക്കാം!! ബിഗ്ബോസ് സീസൺ 1 ലെ വിജയിയെ കുറിച്ച് മോഹൻലാൽ...

ഏത് നിമിഷവും എന്തും സംഭവിക്കാം

നിങ്ങളെപ്പോലെ ഞാനും കാത്തിരിക്കുകയാണ്. ആകസ്മികതയാണ് ബിഗ്ബേസ് ഷോയുടെ ഏറ്റവും വലിയ പ്രത്യേകത. ഏത് നിമിഷവും എന്ത് സംഭവിക്കാം. പ്രേക്ഷകർ നൽകുന്ന വോട്ടിംഗ് നിലമാറി മറിയാം. ചിലപ്പോൾ പ്രേക്ഷകർ വിജയസാധ്യത കൽപ്പിച്ചവർ തന്നെ കിരീടം ചൂടിയേക്കാം. എന്നാൽ ചിലപ്പോൾ അവസാന റൗണ്ടിൽവരെ പിന്നിലായവർ ട്രാക്കിൽ വിജയക്കുതിപ്പ് നടത്തി മുന്നിലായേക്കാമെന്നും ലാലേട്ടൻ പറയുന്നു.

തകർപ്പൻ ഗ്രാന്റ് ഫിനാലെ

എല്ലാത്തവണത്തേയും പോലെ മോഹൻലാലും ബിഗ് ബോസിലെ ശേഷിക്കുന്ന മത്സരാർഥികളും മാത്രമല്ല ഇന്ന് പ്രേക്ഷകർക്ക് മുന്നിൽ എത്തുന്നത്. വിവിധതരം കലാപരിപാടികളുമായി മുൻ മത്സരാർഥികളും ഗ്രാന്റ് ഫിനാലെയിൽ എത്തുന്നുണ്ട്. മൂന്നര മണിക്കൂർ ദൈർഘ്യമുളള ഈ ഷോയിൽ സംഗീതം, നൃത്തപരിപാടികള്‍ അങ്ങനെ എല്ലാം ഉൾപ്പെടുത്തിയിട്ടുണ്ട്.

പ്രവചനാതീതം

ബിഗ് ബോസ് റിയാലിറ്റി ഷോ പ്രവചനാതീതമാണ്. ഏത് നിമിഷവും എന്ത് സംഭവിക്കാം. ഇതു തന്നെയാണ് ഈ നൂറ് ദിവസവും കണ്ട് വന്നിരുന്നത്. ഇതുവരെ കണ്ടിട്ടില്ലാത്ത മത്സരങ്ങളും നിയമങ്ങളുമായിരുന്ന ഷോയിൽ ഉണ്ടായിരുന്നത്. ഓരോ ദിവസത്തെ കാര്യം എടുത്ത് പരിശേധിച്ചാൽ ആ കാര്യം മനസ്സിലാകും. ടാസ്ക്ക് മുതൽ എലിമിനേഷൻ രെ അങ്ങനെ തന്നെ. ഒരിക്കലും പ്രതീക്ഷിക്കാത്ത രീതിയിലുള്ള പുറത്തു പോക്കും. റി എൻട്രികളുമായിരുന്നു ബിഗ്ബോസ് ഹൗസിൽ നടന്നിരുന്നത്. അതു പോലെ ഏറെ സർപ്രൈസുകൾ മത്സരാർഥികൾക്ക് നൽകിയാണ് ഈ നൂറ് ദിവസംവും കടന്നു പോയിരുന്നത്.

പേളിയോ സാബുവോ

സോഷ്യൽ മീഡിയയിലെ ചർച്ച ബിഗ്ബോസ് വിന്നറിനെ കുറിച്ചാണ്. പേളി മാണിയോ സാബുവോ ആയിരിക്കണം ബിഗ്ബോസ് വിജയി എന്നാണ് പ്രേക്ഷകർ ആഗ്രഹിക്കുന്നത്. ഇവരുവർക്ക് സോഷ്യൽമീഡിയയിലൂടെ മികച്ച പിന്തുണയാണ് ലഭിക്കുന്നത്. ഇപ്പോൾ ബിഗ്ബോസിൽ അവശേഷിക്കുന്ന മത്സരാർഥികളിൽ മികച്ച രീതിയിൽ ഗൈയിം കതളിക്കുന്നത് ഇവരാണെന്നാണ് പ്രേക്ഷകരുടെ വാദം. അതിനാൽ തന്നെ ഇവരിൽ ഒരാൾക്ക് ലഭിക്കണമെന്നും പ്രേക്ഷകർ അഭിപ്രായപ്പെടുന്നുണ്ട്.

കൂടിച്ചേരൽ

ബിഗ് ബോസ് അതിന്റെ ഗ്രന്റ് ഫിനാലെയിലേയ്ക്ക് അടുക്കുമ്പോൾ മത്സരാർഥികൾക്ക് സപ്പോർട്ടുമായി ഷോയിൽ നിന്ന് പുറത്തു പോയ മത്സരാർഥികൾ എത്തിയിരുന്നു. ഗ്രാന്റ് ഫിനാലെത്തിയ അ‍ഞ്ച് പേർക്കും ആശംസകളും ഇവർ നേർന്നിട്ടുണ്ട്. കൂടാതെ മത്സരാർഥികളിൽ ഭൂരിഭാഗം പേരും സാബു ജയിക്കണമെന്നാണ് ആഗ്രഹിക്കുന്നത്. അത് അവർ പ്രകടിപ്പിക്കുകയും ചെയ്തു. കൂടാതെ ഗ്രാന്റ് ഫിനാലെ വേദിയിൽ തുടക്കത്തിലേതു പോലെ തന്നെ ഇവരുടെ തകർപ്പൻ പ്രകടനങ്ങളുമുണ്ടാകും.