മുണ്ടുടുത്ത് മോഹന്‍ലാല്‍ വീണ്ടും

മുണ്ടുടുത്ത് മോഹന്‍ലാല്‍ വീണ്ടും

മോഹന്‍ലാലിന്റെ മുണ്ടുടുത്ത കഥാപാത്രങ്ങളുടെ കൂട്ടത്തിലേയ്‌ക്കെത്തുന്ന മറ്റൊന്നാണ് ദൃശ്യത്തിലെ ജോര്‍ജ്ജുകുട്ടി. അഞ്ചാം ക്ലാസ് വരെ മാത്രം പഠിച്ച ജോര്‍ജ്ജുകുട്ടിയ്ക്ക് കൃഷിയും സ്വന്തം നാടും കുടുംബവും തന്നെയാണ് ലോകം.

മുണ്ടുടുത്ത് മോഹന്‍ലാല്‍ വീണ്ടും

തൂമ്പയുമായി പറമ്പില്‍ കിളയ്ക്കാനിറങ്ങുകയും കൃഷിയൊരുക്കുകയും ചെയ്യുന്ന ലാലിന്റെ കഥാപാത്രത്തെക്കാത്തിരിക്കുകയാണ് ആരാധകര്‍.

മുണ്ടുടുത്ത് മോഹന്‍ലാല്‍ വീണ്ടും

മോഹന്‍ലാലും മീനയും നായകനും നായികയുമായി അഭിനയിക്കുന്ന ഏഴാമത്തെ ചിത്രമാണ് ദൃശ്യം. മുമ്പ് ഇവരൊന്നിച്ച ചിത്രങ്ങളെല്ലാം ശ്രദ്ധിക്കപ്പെട്ടിരുന്നു. രണ്ട് കുട്ടികളുടെ മാതാപിതാക്കളായിട്ടാണ് മീനയും ലാലും ചിത്രത്തില്‍ വേഷമിടുന്നത്.

മുണ്ടുടുത്ത് മോഹന്‍ലാല്‍ വീണ്ടും

അഞ്ചാം ക്ലാസുവരെ മാത്രം പഠിച്ച ഭര്‍ത്താവും പത്താംക്ലാസുകാരിയായ ഭാര്യയും തമ്മിലുള്ള ഈഗോയും മറ്റും വളരെ രസകരമായി ആവിഷ്‌കരിക്കുന്ന ചിത്രമാണ് ദൃശ്യമെന്നാണ് ജീത്തു ജോസഫ് പറയുന്നത്. ഒട്ടേറെ ഹൃദയഹാരിയായ രംഗങ്ങളും നര്‍മ്മം കലര്‍ന്ന രസകരമായി സീനുകളും ചിത്രത്തിലുണ്ട്.

മുണ്ടുടുത്ത് മോഹന്‍ലാല്‍ വീണ്ടും

മോഹന്‍ലാലിന്റെ ക്രിസ്മസ് ചിത്രമായിട്ടാണ് ദൃശ്യം ഒരുക്കുന്നത്. നേരത്തേ സിമ്രന്‍ നായികയായി എത്തുമെന്നായിരുന്നു റിപ്പോര്‍ട്ടുകള്‍. ഒടുവില്‍ മീനയെ തീരുമാനിയ്ക്കുകയായിരുന്നു.

മുണ്ടുടുത്ത് മോഹന്‍ലാല്‍ വീണ്ടും

ഇടുക്കിയാണ് ദൃശ്യത്തിന്റെ പ്രധാന ലൊക്കേഷന്‍. ഇതിന് മുമ്പും മോഹന്‍ലാലിന്റെ ചില ചിത്രങ്ങള്‍ക്ക് ഇടുക്കി പ്രധാന ലൊക്കേഷനായിട്ടുണ്ട്.

മുണ്ടുടുത്ത് മോഹന്‍ലാല്‍ വീണ്ടും

സീരിയലില്‍ നിന്നും സിനിമയിലെത്തിയ നടി ആശ ശരത്ത് ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഒരു പൊലീസ് വേഷത്തിലാണ് ആശയെ ദൃശ്യത്തില്‍ കാണാനാവുക.

മുണ്ടുടുത്ത് മോഹന്‍ലാല്‍ വീണ്ടും

ചിത്രത്തില്‍ മോഹന്‍ലാലിന് നായികയെക്കിട്ടാനായി താന്‍ നന്നേ ബുദ്ധിമുട്ടിയുട്ടുണ്ടെന്ന് സംവിധായകന്‍ നേരത്തേ തന്നെ പറഞ്ഞിരുന്നു. മുതിരര്‍ന്ന രണ്ട് പെണ്‍കുട്ടികളുടെ അമ്മയായി അഭിനയിക്കാന്‍ മലയാളത്തിലെ മുന്‍നിര നടിമാരൊന്നും തയ്യാറായില്ലെന്നും ഒടുക്കം അന്യഭാഷകളില്‍ നിന്നും നടിമാരെ കൊണ്ടുവരാന്‍ തീരുമാനിച്ചെന്നും ജീത്തു പറയുന്നു. ഒടുവിലാണ് മീനയ്ക്ക് നറുക്കുവീണത്.