വിദേശത്തും ലാലേട്ടന്‍ കൊലമാസാണ്, തുടര്‍ച്ചയായി 125 ദിവസം, റേക്കോര്‍ഡ് നേട്ടവുമായി മോഹന്‍ലാല്‍

ചരിത്രം സൃഷ്ടിച്ച് ദൃശ്യം

യുഎഇ തിയേറ്ററില്‍ തുടര്‍ച്ചയായി 125 ദിവസം പ്രദര്‍ശിപ്പിച്ച ആദ്യ സിനിമയെന്ന റെക്കോര്‍ഡ് ദൃശ്യത്തിന്. നൂറു കോടി ചിത്രമായ പുലിമുരുകന്‍ 98 ദിവസമാണ് പ്രദര്‍ശിപ്പിച്ചത്. 37.09 കോടിയാണ് പുലിമുരുകന്റെ ഗ്രോസ് കളക്ഷന്‍.

തൊട്ടുപിറകില്‍ പുലിമുരുകനും ടൈറ്റാനിക്കും

യുഎഇ തിയേറ്ററില്‍ ഏറ്റവുമധികം ദിവസം പ്രദര്‍ശിപ്പിച്ച മലയാള സിനിമയെന്ന റേക്കോര്‍ഡ് ദ്യശ്യത്തിന്റെ പേരിലാണ്. ജിത്തു ജോസഫ് മോഹന്‍ലാല്‍ കൂട്ടുകെട്ടില്‍ പുറത്തിറങ്ങിയ ദൃശ്യത്തിന് കേരളത്തിലും വന്‍സ്വീകാര്യതയാണ് ലഭിച്ചത്. 110 ദിവസം പ്രദര്‍ശിപ്പിച്ച ടൈറ്റാനിക്ക് ആണ് തൊട്ടുപിറകിലുള്ളത്. 98 ദിവസ പ്രദര്‍ശിപ്പിച്ച പുലിമുരുകന്‍ മൂന്നാം സ്ഥാനത്തുണ്ട്.

നാല് ഭാഷകളിലേക്ക്

ത്രില്ലര്‍ ചിത്രമായ ദൃശ്യത്തില്‍ മോഹന്‍ലാലും മീനയുമാണ് പ്രധാന കഥാപാത്രങ്ങളെ അവതരിപ്പിച്ചത്. ആശീര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മ്മിച്ചത്. തമിഴ്, കന്നഡ, തെലുങ്ക്, ഹിന്ദി ഭാഷകളിലേക്ക് ചിത്രം മൊഴിമാറ്റം ചെയ്തിരുന്നു.

പുലിമുരുകനും മേലെ

കുടുംബ പശ്ചാത്തലത്തിലൊരുങ്ങിയ ചിത്രത്തില്‍ സസ്പെന്‍സ് ഏറെയുണ്ടായിരുന്നു. ജിത്തു ജോസഫ് സിനിമകളുടെ മുഖമുദ്രയായ ത്രില്ലര്‍ സ്വഭാവം ഈ ചിത്രത്തിനുമുണ്ട്. വര്‍ഷങ്ങള്‍ക്കു ശേഷം മോഹന്‍ലാല്‍ മീന താരജോ‍ഡികള്‍ ഒരുമിച്ച് പ്രത്യക്ഷപ്പെട്ട കുടുംബ ചിത്രത്തെ ഇരുകൈയ്യും നീട്ടിയാണ് പ്രേക്ഷകര്‍ സ്വീകരിച്ചത്.