For Quick Alerts
ALLOW NOTIFICATIONS  
For Daily Alerts

    മോഹന്‍ലാല്‍ കാശ്മീരില്‍ നിന്ന് കൂതറയിലെത്തി

    By Aswathi
    |

    കാശ്മീരില്‍ ക്യാമ്പ് ചെയ്യുന്ന ടെറിറ്റോറിയല്‍ ആര്‍മി ട്രൂപ്പിനെ കണ്ട് ലഫ്. കേണല്‍ മോഹന്‍ലാല്‍ കേരളത്തില്‍ തിരിച്ചെത്തി. തിരിച്ചെത്തിയ ലാല്‍ തന്റെ പുതിയ ചിത്രമായ കൂതറയുടെ സെറ്റിലാണിപ്പോള്‍. കാശ്മീരില്‍ നിന്നും തിരിച്ചെത്തിയിരിക്കുന്നെന്നും ശ്രീനാഥ് രാജേന്ദ്രന്‍ സംവിധാനം ചെയ്യുന്ന കൂതറ ചിത്രത്തിന്റെ ടീമില്‍ റീജോയില്‍ ചെയ്‌തെന്നും ലാല്‍ തന്റെ ഔദ്യോഗിക ഫേസ്ബുക്ക് പേജിലൂടെയാണ് അറിയിച്ചത്.

    അഞ്ച് ദിവസത്തെ കാശ്മീര്‍ സന്ദര്‍ശനത്തിന് ഡിസംബര്‍ രണ്ടിനാണ് മോഹന്‍ലാല്‍ കാശ്മീരിലേക്ക് പുറപ്പെട്ടത്. ലഫ് കേണല്‍ ആയശേഷം ആദ്യമായാണ് ലാല്‍ കാശ്മീരിലെത്തിയത്. ലാലിന്റെ സന്ദര്‍ശനം സൈനികര്‍ക്കെല്ലാം ആവേശമായിരുന്നു. ദൃശ്യം, ജില്ല, കൂതറ എന്നീ ചിത്രങ്ങളുടെ ചിത്രീകരണത്തിരക്കിലായിരുന്നു ലാലിന്റേ കാശ്മീര്‍ സന്ദര്‍ശനം. തിരിച്ചെത്തിയയുടന്‍ ലൊക്കേഷനിലേക്ക് മടങ്ങിയെത്തുകയും ചെയ്തു.

    Mohanlal

    പേര് കൊണ്ട് തന്നെ ആദ്യമെ ശ്രദ്ധിക്കപ്പെട്ട ചിത്രമാണ് ശ്രീനാഥ് രാജേന്ദ്രന്റെ കൂതറ. മോഹന്‍ലാലിന്റെ വേഷത്തെ കുറിച്ച് കൂടുതല്‍ വിവരങ്ങളൊന്നും പുറത്തുവിട്ടിട്ടില്ലെങ്കിലും ഒരതിഥിവേഷമാണെന്നാണ് കേള്‍ക്കുന്നത്. സണ്ണി വെയ്‌നും തമിഴ് നടന്‍ ഭരത്തുമാണ് പ്രധാന വേഷങ്ങള്‍ ചെയ്യുന്നത്. കൂടാതെ പഴയകാല നടി രഞ്ജിനി, തെന്നിന്ത്യന്‍ താരം ജനനി അയ്യര്‍ ഡയമണ്ട് ലെക്ലൈസ് ഫെയ്ം ഗൗതമി മേനോന്‍ തുടങ്ങിയവരും അഭിനയിക്കുന്നുണ്ട്.

    മോഹന്‍ലാല്‍ പ്രേക്ഷകര്‍ പ്രതീക്ഷയോടെ കാത്തിരിക്കുന്ന മറ്റൊരു ചിത്രമാണ് ഇളയദളപതി വിജയ്‌ക്കൊപ്പം അഭിനയിച്ച ജില്ല. ചിത്രം പൊങ്കാലിന് തിയേറ്ററിലെത്തും. ദൃശ്യമാണ് മറ്റൊരു ചിത്രം. മെമ്മറീസിന്റെ വിജയത്തിന് ശേഷം ജിത്തു ജോസഫ് സംവിധാനം ചെയ്യുന്ന ചിത്രത്തില്‍ ലാലിന്റെ നായികയായെത്തുന്നത് മീനയാണ്. ഇടുക്കിയിലെ ഒരു കര്‍ഷകന്റെ കഥ പറയുന്ന ചിത്രം ക്രിസ്മസ്- ന്യൂയര്‍ പ്രമാണിച്ച് തിയേറ്ററിലെത്തും.

    English summary
    Mohanlal, the actor who was on duty at the Jammu And Kashmir, to motivate the soldiers, has reportedly landed back in Kerala. Mohanlal has joined the sets of his upcoming movie Koothara.

    വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more