»   » രാജമൗലിയുടെ അടുത്ത ചിത്രത്തില്‍ നായകനായി മോഹന്‍ലാല്‍? 500 കോടി ബഡ്ജറ്റില്‍ ബ്രഹ്മാണ്ഡ ചിത്രം?

രാജമൗലിയുടെ അടുത്ത ചിത്രത്തില്‍ നായകനായി മോഹന്‍ലാല്‍? 500 കോടി ബഡ്ജറ്റില്‍ ബ്രഹ്മാണ്ഡ ചിത്രം?

Posted By:
Subscribe to Filmibeat Malayalam

ബാഹുബലി2ന് ശേഷം രാജമൗലി സംവിധാനം ചെയ്യുന്ന ചിത്രത്തില്‍ മോഹന്‍ലാല്‍ നായകനാവുന്നുവെന്ന് റിപ്പോര്‍ട്ടുകള്‍. ഇക്കാര്യത്തെക്കുറിച്ച് അറിഞ്ഞതോടെ മോഹന്‍ലാല്‍ ആരാദകര്‍ ആകെ ആവേശത്തിലാണ്. മോഹന്‍ലാല്‍ ആരാധകനാണ് നേരത്തെ രാജമൗലി വ്യക്തമാക്കിയിരുന്നു. അതിന് പിന്നാലെയാണ് അടുത്ത സിനിമയില്‍ നായകനായി അദ്ദേഹമെത്തുമെന്നുമുള്ള റിപ്പോര്‍ട്ടുകള്‍ പുറത്തുവന്നത്. പുരാണവും ഇതിഹാസ കഥയുമൊക്കെ മാറ്റി നിര്‍ത്തി അധോലോക കഥയാണ് പുതിയ ചിത്രത്തിലേതെന്നും റിപ്പോര്‍ട്ടുകളില്‍ പറയുന്നു.

രാജമൗലിയുടെ അച്ഛന്‍ കെവി വിജയേന്ദ്രപ്രസാദാണ് ചിത്രത്തിന് തിരക്കഥ ഒരുക്കുന്നത്.പുലിമുരുകന്‍, ഒടിയന്‍ എന്നീ ചിത്രങ്ങള്‍ക്ക് ശേഷം പീറ്റര്‍ ഹെയ്‌നും മോഹന്‍ലാലും ഈ സിനിമയിലൂടെ വീണ്ടും ഒരുമിക്കുമെന്നും റിപ്പോര്‍ട്ടുകളുണ്ട്. തെലുങ്ക് മാധ്യമങ്ങളാണ് ഇതേക്കുറിച്ച് റിപ്പോര്‍ട്ട് ചെയ്തിട്ടുള്ളത്. വര്‍ഷങ്ങള്‍ നീണ്ട ഇടവേളയ്ക്ക് ശേഷം മോഹന്‍ലാലും ഷാജി കൈലാസും ഒരുമിക്കുന്ന സിനിമയിലും മോഹന്‍ലാല്‍ അധോലോക നായകനായാണ് എത്തുന്നത്. ഇതേക്കുറിച്ച് കഴിഞ്ഞ ദിവസമാണ് പ്രഖ്യാപിച്ചത്.

Mohanlal, Rajamouli

വിഎ ശ്രീകുമാര്‍ മേനോന്‍ സംവിധാനം ചെയ്യുന്ന ഒടിയനിലാണ് താരം ഇപ്പോള്‍ അഭിനയിച്ചുകൊണ്ടിരിക്കുന്നത്. പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന സിനിമയാണിത്. അതിനിടയിലാണ് പുതിയ ചിത്രത്തെക്കുറിച്ചുള്ള വാര്‍ത്ത പുറത്തുവന്നത്. 500 കോടി ബഡ്ജറ്റില്‍ ഒരുക്കുന്ന സിനിമയില്‍ മോഹന്‍ലാലിനൊപ്പം ജൂനിയര്‍ എന്‍ടിആറും രാം ചരണും അഭിനയിക്കുമെന്നും റിപ്പോര്‍ട്ടുകളില്‍ പറയുന്നു. ഇക്കാര്യത്തെക്കുറിച്ചുള്ള ഔദ്യോഗിക സ്ഥിരീകരണത്തിനായി കാത്തിരിക്കുകയാണ് ആരാധകര്‍.

English summary
Mohanlal joins with Rajamouli.
Please Wait while comments are loading...

Malayalam Photos

Go to : More Photos

വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam