മോഹന്‍ലാല്‍ നിവിന് പാരയാവുമോ? അന്ന് ജയറാമും സുരേഷ് ഗോപിയും അനുഭവിച്ചത് പോലെയാവുമോ?

പുതിയ ചിത്രമെത്തി

ഇത്തിക്കര പക്കിയും കായംകുളം കൊച്ചുണ്ണിയും മുഖാമുഖം നോക്കുന്ന പുതിയ ചിത്രം മോഹന്‍ലാലാണ് പുറത്തുവിട്ടിട്ടുള്ളത്. ഫേസ്ബുക്കിലൂടെ പുറത്തുവിട്ട ചിത്രം സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുകയാണ്.

അതിഥി കൊണ്ടുപോവുമോ?

നിവിന്‍ പോളിയുടെ കരിയറില്‍ ഏറെ വ്യത്യസ്തമാര്‍ന്ന സിനിമയാണ് ഇതെങ്കിലും ഈ ചിത്രം മോഹന്‍ലാലിന്റെപേരില്‍ അറിയപ്പെടുമോയെന്ന ആശങ്കയാണ് നിവിന്‍ ആരാധകരെ അലട്ടുന്നത്.

നേരത്തെ വിസ്മയിപ്പിച്ചിട്ടുണ്ട്

അതിഥി താരമായെത്തി പ്രേക്ഷകരെ വിസ്മയിപ്പിച്ച ചരിത്രം മോഹന്‍ലാലിന്റെ കാര്യത്തില്‍ നേരത്തെ തന്നെയുണ്ട്. ഒരുനിമിഷം കൊണ്ടാണ് മോഹന്‍ലാല്‍ സിനിമ തന്റെതാക്കി മാറ്റിയത്.

സുരേഷ് ഗോപിക്കും ജയറാമിനും സംഭവിച്ചത് പോലെ

സുരേഷ് ഗോപിയുടെയും ജയറാമിന്റെയും അസാമാന്യ പ്രകടനത്തെ നിമിഷനേരം കൊണ്ടാണ് മോഹന്‍ലാല്‍ മറി കടന്നത്. പറഞ്ഞുവന്നത് സമ്മര്‍ ഇന്‍ ബത്‌ലേഹേമിലെ കാര്യത്തെക്കുറിച്ചാണ്. നിരഞ്ജനെന്ന ജയില്‍ പുള്ളിയായി അവസാന ഭാഗത്താണ് താരം പ്രത്യക്ഷപ്പെട്ടത്.

കൊച്ചുണ്ണിക്കൊപ്പം ഇത്തിക്കര പക്കിയായി

നിവിന്‍ പോളിയാണ് ടൈറ്റില്‍ കഥാപാത്രമായ കായംകുളം കൊച്ചുണ്ണിയെ അവതരിപ്പിക്കുന്നത്. കൊച്ചുണ്ണിയുടെ സുഹൃത്തായ ഇത്തിക്കര പക്കിയുടെ വേഷത്തിലാണ് മോഹന്‍ലാല്‍ എത്തുന്നത്.

20 മിനിറ്റോളം

20 മിനിറ്റോളം സമയമാണ് മോഹന്‍ലാല്‍ പ്രത്യക്ഷപ്പെടുന്നതെങ്കിലും വളരെ പ്രധാനപ്പെട്ട കഥാപാത്രമാണ് അദ്ദേഹത്തിന് വേണ്ടി മാറ്റി വെച്ചതെന്ന് സംവിധായകന്‍ നേരത്തെ വ്യക്തമാക്കിയിരുന്നു.

10 ദിവസം

നീരാളിയുടെ ചിത്രീകരണം പൂര്‍ത്തിയാക്കിയതിന് ശേഷമാണ് മോഹന്‍ലാല്‍ കൊച്ചുണ്ണിയിലേക്ക് എത്തിയത്. പത്ത് ദിവസത്തെ ഡേറ്റാണ് താരം ഈ സിനിമയ്ക്കായി നല്‍കിയിട്ടുള്ളത്.

മോഹന്‍ലാലിന്റെ പോസ്റ്റ് കാണൂ

ഫേസ്ബുക്കിലൂടെ മോഹന്‍ലാല്‍ പുറത്തുവിട്ട ചിത്രം കാണൂ.