ലാലേട്ടന്റെ വാച്ചിലെ സമയം, വസ്ത്രധാരണത്തിന്റെ നിറം!! ഇതൊക്കെ കണ്ടിരുന്നോ? ലൂസിഫറിലെ അബദ്ധങ്ങൾ

വൻ താരനിര അണിനിരന്ന ഒരു ബിഗ് ബജറ്റ് ചിത്രമായിരുന്നു ലൂസിഫർ. മലയാളത്തിലെ പ്രിയതാരങ്ങളോടൊപ്പം തെന്നിന്ത്യ- വിദേശതാരങ്ങളും ചിത്രത്തിൽ പ്രധാനകഥാപാത്രങ്ങളെ അവതരിപ്പിച്ചിരുന്നു. മലയാള സിനിമയിലെ മികച്ച സങ്കേതിക പ്രവർത്തകരായിരുന്നു ലൂസിഫറിന്റെ അണിയറയിൽ. വൻ താരനിര അണിനിരന്ന ചിത്രത്തിൽ കേവലം 58 അബദ്ധങ്ങൾ മാത്രമാണുള്ളത്. ചിത്രീകരണ വേളയിലെ തുടർച്ച നഷ്ടപ്പെടുന്നതു കൊണ്ട് സംഭവിക്കുന്ന തെറ്റുകളാണിവ. എന്നാൽ ഈ തെറ്റുകളൊന്നും ചിത്രത്തെ നെഗറ്റീവായി ബാധിക്കുന്നില്ല, വാച്ചിലെ സമയം , വസ്ത്രധാരണത്തിന്റെ നിറം, ഇന്ദ്രജിത്ത് അവതരിപ്പിച്ച ഗോവർദ്ധൻ എന്ന കഥാപാത്രം ഫേസ്ബുക്ക് ഉപയോഗിക്കുന്ന രംഗങ്ങൾ എന്നിങ്ങനെയുള്ള ചെറിയ അബദ്ധങ്ങളാണ് ചിത്രം ചൂണ്ടി കാണിക്കുന്നത്.

ഇത്രയും സൂഷ്മാമായ അബദ്ധങ്ങൾ കണ്ടു പിടിക്കാൻ അസാധ്യ നിരീക്ഷണ പാടവം വേണമെന്നും വീഡിയോയ്ക്ക് ചുവടെ കമന്റുകൾ പ്രത്യക്ഷപ്പെടുന്നു. അത്രയ്ക്ക് സൂഷ്മമായ തെറ്റുകളാണ് വീഡിയോയിൽ ചൂണ്ടി കാണിക്കുന്നത്.

റിലീസ് ചെയ്ത് എട്ട് ദിവസം കൊണ്ട് നൂറ് കോടി രൂപയാണ് ലൂസിഫർ സ്വന്തമാക്കിയത്. ഒരാഴ്ച കൊണ്ട് നൂറ് കോടി ഗ്രോസ് കളക്ഷൻ സ്വന്തമാക്കിയ ചിത്ര കൂടിയാണിത്. ചുരുങ്ങിയ കാലം കൊണ്ട് നൂറ്കോടി ക്ലബ്ബിൽ ഇടം പിടിച്ച റെക്കോഡും ലൂസിഫർ നേടിയിട്ടുണ്ട്.

ലൂസിഫർ സൂപ്പർ ഡ്യൂപ്പർ ഹിറ്റായി വിജഗാഥ തുടരുമ്പോൾ പ്രേക്ഷകർ ആകാംക്ഷയോടെ കാത്തിരിക്കുന്നത് എബൂരാന് വേണ്ടിയാണ് . ഏറെ പ്രതീക്ഷയൊടെയാണ് ചിത്രത്തിന്റെ രണ്ടാം ഭാഗത്തെ കാത്തിരിക്കുന്നത്. പ്രേക്ഷകർ മാത്രമല്ല സിനിമ ലോകം ഒന്നടങ്കം ചിത്രത്തിനു വേണ്ടി കാത്തിരിക്കുന്നത്. ലാലേട്ടന്റെ കൊച്ചിയിലെ വസതിയിൽ വെച്ചായിരുന്നു ചിത്രത്തിന്റെ പ്രഖ്യാപനം.. 2020 പകുതിയോടെ രണ്ടാം ഭാഗത്തിന്റെ ചിത്രീകരണം ആരംഭിക്കും.