മരക്കാർ അറബിക്കടലിലെ സിംഹം എന്ന ചിത്രം ഉണ്ടായതിങ്ങനെ!! സിനിമ ഒരു പക്കാ എന്റർടൈനർ

മരയ്ക്കാറുണ്ടായത്

ദാമോദരൻ മാസ്റ്ററിലൂടെയാണ് കു‍ഞ്ഞാലി മരയ്ക്കാറെന്ന ഈ പ്രോജക്ടിനെ കുറിച്ചുള്ള ചിന്ത തന്റെ മനസ്സിൽ എത്തിയതെന്ന് പ്രിയദർശൻ പറഞ്ഞു. മൂന്നാം ക്സാസിൽ പഠിച്ച് കുഞ്ഞാലി മരയ്ക്കാറെ തന്റെ മനസ്സിൽ ഹീറോ ആക്കുകയായിരുന്നു. ആ നയാകന്റെ അവതരണമാണ് ഈ സിനിമയെന്ന് പ്രിയദർശൻ പറഞ്ഞു.

പ്രേക്ഷകരെ രസിപ്പിക്കുന്ന ചിത്രം

റിസർച്ചിനു ശേഷവും ചരിത്രപരമായ കുറച്ച് വിവരങ്ങൾ മാത്രമാണ് കുഞ്ഞാലി മരയ്ക്കാറെ കുറിച്ച് ലഭിച്ചത്. അതിനാൽ തന്നെ ചരിത്രത്തെക്കാൾ കൂടുതൽ ഫിക്ഷനാകും ചിത്രത്തിലുണ്ടാവുക. എന്നിരുന്നാലും പ്രേക്ഷകരെ എന്റെർടൈൻ ചെയ്യുന്ന ഒരു ചിത്രമായിരിക്കും കുഞ്ഞാലി മരയ്ക്കാറെന്നുമുള്ള പ്രതീക്ഷയും സംവിധായകൻ പങ്കുവെച്ചു.

45ാം മത്തെ ചിത്രം

മോഹൻലാൽ -പ്രിയദർശൻ കൂട്ട്കെട്ടിൽ പിറക്കുന്ന 45ാം മത്തെ ചിത്രമാണ് മരയ്ക്കാർ അറബികടലിലെ സിംഹം. ഏറെ പ്രതീക്ഷയോടേയും ആകാംക്ഷയോടേയും കാത്തിരിക്കുന്ന ഒരു ചിത്രമാണ്. വർഷങ്ങൾക്ക് ശേഷമാണ് മോഹൻലാൽ- പ്രിയദർശൻ ജോഡി വീണ്ടും ഒന്നിക്കുന്നത്. അതിനാൽ തന്നെ പ്രേക്ഷകർ അതീവ ആകാക്ഷയോടെയാണ് ചിത്രത്തിനായി കാത്തിരിക്കുന്നത്. വൻതാരനിരയാണ് ചിത്രത്തിൽ അണിനിരക്കുന്നത് .

മോഹൻലാലും പ്രണവും

മോഹൻലാലും പ്രണവ് മോഹൻലാലും ഈ ചിത്രത്തിലുണ്ട്. ലാലേട്ടന്റെ ചെറുപ്പകാലഘട്ടമാണ് പ്രണവ് അവതരിപ്പിക്കുന്നത്. ഇതാദ്യമായിട്ടാണ് അച്ഛനും മകനും ഒരു ചിത്രത്തിൽ എത്തുന്നത്. പ്രിയദർശന്റെ മകൾ കല്യാണി പ്രയദർശനും, നടി മേനകയുടെ മകൾ കീർത്തി സുരേഷും ചിത്രത്തിൽ പ്രധാനകഥാപാത്രങ്ങളെ അവതരിപ്പിക്കുന്നുണ്ട്. മഞ്ജുവാര്യർ ചിത്രത്തിൽ പ്രധാനപ്പെട്ട റോളിൽ ചിത്രത്തിലെത്തുന്നുണ്ട്.