ബറോസിലെ റോളിനെ കുറിച്ച് കേട്ടപ്പോള്‍ പൃഥ്വി ആദ്യം പറഞ്ഞത്, വെളിപ്പെടുത്തി മോഹന്‍ലാല്‍

പൃഥ്വി ബറോസിലേക്ക് എത്തിയതിനെ കുറിച്ച് മാധ്യമ പ്രവര്‍ത്തകരോട് മോഹന്‍ലാല്‍ സംസാരിച്ചിരുന്നു. ഒപ്പം നടനൊപ്പമുളള സിനിമാനുഭവങ്ങളും ലാലേട്ടന്‍ പങ്കുവെച്ചു. ബറോസിലേക്ക് പൃഥ്വിരാജിനെ തീരുമാനിച്ചത് എപ്പോഴാണെന്ന് ചോദിച്ചപ്പോള്‍ സിനിമ തുടങ്ങിയപ്പോള്‍ മുതല്‍ അദ്ദേഹത്തിന്‌റെ പേര് ഉണ്ടായിരുന്നു എന്ന് മോഹന്‍ലാല്‍ പറയുന്നു. ഒരുപാട് ഓപ്ഷന്‍സ്‌ ആലോചിക്കേണ്ടി വന്നിട്ടില്ല.

പൃഥ്വിയുടെ പേര് ആദ്യം മുതല്‍ ഉണ്ടായിരുന്നു. പക്ഷേ ഈ സിനിമ തുടങ്ങി മുന്നോട്ടു വന്നപ്പോഴേക്കും ഒരുപാട് പ്രതികൂല സാഹചര്യങ്ങളുണ്ടായി. കോവിഡ് തന്നെയായിരുന്നു അതിന് പ്രധാന കാരണം, മോഹന്‍ലാല്‍ പറയുന്നു. അതുകഴിഞ്ഞ് പെട്ടെന്നാണ് ഈ ചിത്രം വീണ്ടും സംഭവിക്കുന്നത്.

അങ്ങനെ പൃഥ്വിയോട് ചോദിച്ചു. ചോദിച്ചപ്പോള്‍ തന്നെ ഒരു സെക്കന്‌റ് പോലും ആലോചിക്കാതെ ഞാനുണ്ട് എന്നാണ് പറഞ്ഞത്. അങ്ങനെയായിരിക്കാം സംഭവിക്കേണ്ടത്. അദ്ദേഹത്തിന്‌റെ മറ്റുപല സിനിമകളും അങ്ങോട്ടും ഇങ്ങോട്ടും മാറ്റിയാണ് അദ്ദേഹം ബറോസിനായെത്തിയത്. വളരെ ഷോര്‍ട്ട് നോട്ടീസിലാണ് സിനിമയില്‍ അഭിനയിക്കാമോയെന്ന് ചോദിക്കുന്നത്.

എന്റെ അടുത്ത് പെട്ടെന്ന് വന്ന് അങ്ങനെ ചോദിച്ചാലുളള ബുദ്ധിമുട്ട് എനിക്ക് അറിയാം. ഇനി അദ്ദേഹം വന്ന് അടുത്ത ആഴ്ച സിനിമ ചെയ്യുമോയെന്ന് ചോദിച്ചാല്‍ ഒരുപക്ഷെ അതെ ഞാന്‍ റെഡി എന്ന് പറഞ്ഞേക്കാം. മോഹന്‍ലാല്‍ പറഞ്ഞു. അതേസമയം ആശിര്‍വാദ് സിനിമാസിന്‌റെ ബാനറില്‍ ആന്റണി പെരുമ്പാവൂരാണ് ബറോസ് നിര്‍മ്മിക്കുന്നത്.

Recommended Video

Mammootty speech About Mohanlal Directing Film

ഗോവ, പോര്‍ച്ചൂഗീസ് തുടങ്ങിയവിടങ്ങളാണ് സിനിമയുടെ പ്രധാന ലൊക്കേഷനുകള്‍. മോഹന്‍ലാലിനും പൃഥ്വിരാജിനുമൊപ്പം വിദേശ താരങ്ങളും ചിത്രത്തില്‍ അഭിനയിക്കുന്നുണ്ട്. ജിജോ പുന്നൂസിന്‌റെ തിരക്കഥയില്‍ വരുന്ന ബറോസ് ത്രീഡി ഫോര്‍മാറ്റിലാണ് പുറത്തിറങ്ങുക. ബോളിവുഡില്‍ നിന്നുളള താരങ്ങളും ചിത്രത്തില്‍ അഭിനയിക്കുന്നുണ്ടെന്ന് അറിയുന്നു. മറ്റു ഭാഷകളിലും സിനിമ മൊഴിമാറ്റി പ്രദര്‍ശനത്തിനെത്തുമെന്നാണ് റിപ്പോര്‍ട്ടുകള്‍. സന്തോഷ് ശിവനാണ് ബിഗ് ബഡ്ജറ്റ് ചിത്രത്തിന്‌റെ ഛായാഗ്രഹണം നിര്‍വ്വഹിക്കുന്നത്. ലിഡിയന്‍ നാദസ്വരം മോഹന്‍ലാല്‍ ചിത്രത്തിന് സംഗീതമൊരുക്കുന്നു.