പോലീസുകാരനെ ചവിട്ടുന്ന മോഹന്‍ലാല്‍! ആ രംഗം ചിത്രീകരിച്ചത് സുജിത്ത് വാസുദേവല്ല പിന്നെയോ? കാണൂ!

സുജിത്ത് വാസുദേവല്ല ചിത്രീകരിച്ചത്

ലൂസിഫറിന്റെ ദൃശ്യമികവിന് പിന്നിലെ കരം സുജിത്ത് വാസുദേവിന്റേതാണെന്ന കാര്യത്തെക്കുറിച്ച് എല്ലാവര്‍ക്കും അറിയാവുന്നതാണ്. മോളി ആന്റി റോക്‌സില്‍ അഭിനയിക്കുന്നതിനിടയിലാണ് പൃഥ്വിരാജ് സുജിത്തിനോട് താന്‍ സിനിമ സംവിധാനം ചെയ്യുമ്പോള്‍ വന്നേക്കണമെന്ന് പറഞ്ഞത്. നീണ്ട നാളത്തെ പ്രയത്‌നത്തിനൊടുവില്‍ ആ സ്വപ്‌നം യാഥാര്‍ത്ഥ്യമാവുമ്പോള്‍ പൂര്‍ണ്ണ പിന്തുണയുമായി സുജിത്തും ഒപ്പമുണ്ടായിരുന്നു. പോലീസുകാരന്റെ നെഞ്ചില്‍ ചവിട്ടിയുള്ള രംഗം ചിത്രീകരിച്ചത് പൃഥ്വിരാജ് തന്നെയായിരുന്നുവെന്നുള്ള വിവരമാണ് ഇപ്പോള്‍ പുറത്തുവന്നിട്ടുള്ളത്. സിനിമയുടെ ആക്ഷന്‍ കോറിയോഗ്രാഫറായ സ്റ്റണ്ട് സില്‍വയാണ് ഇക്കാര്യത്തെക്കുറിച്ച് തുറന്നുപറഞ്ഞിട്ടുള്ളത്.

പൃഥ്വിരാജിന്റെ കര്‍ശന നിര്‍ദേശം

കേബിള്‍ കെട്ടിത്തൂക്കി അഭിനേതാക്കളെക്കൊണ്ട് സ്റ്റണ്ട് ചെയ്യിക്കുന്ന രീതി ലൂസിഫറില്‍ ആവര്‍ത്തിക്കരുതെന്ന കാര്യത്തില്‍ പൃഥ്വിരാജ് കര്‍ശന നിര്‍ദേശം നല്‍കിയിരുന്നു. മറ്റ് സംവിധാനങ്ങളൊന്നും ഇല്ലാതെയാണ് മോഹന്‍ലാല്‍ ആ രംഗം പൂര്‍ത്തിയാക്കിയത്. പ്രേക്ഷകര്‍ കാണാനാഗ്രഹിക്കുന്ന തരത്തിലുള്ള ആക്ഷന്‍ തന്നെയായിരുന്നു ഇത്. തന്റെ കുട്ടികളെ തൊട്ടാല്‍ എന്നുള്ള മോഹന്‍ലാലിന്‍രെ ഡയലോഗിനും നിറഞ്ഞ കൈയ്യടിയായിരുന്നു ലഭിച്ചത്.

ലാലേട്ടന്‍ നേരത്തെയും ചെയ്തിട്ടുണ്ട്

തന്റെ മിടുക്കല്ല അത് മോഹന്‍ലാലിനും പൃഥ്വിരാജിനുമാണ് ആ രംഗം നന്നായതിന്റെ ക്രഡിറ്റ് നല്‍കേണ്ടതെന്നും സില്‍വ പറയുന്നു. മോഹന്‍ലാല്‍ എന്ന നടനും പൃഥ്വിരാജെന്ന സംവിധായകനും ഒരുപോലെ പ്രയത്‌നിച്ചതിനാലാണ് അത് മനോഹരമായി മാറിയത്. മോഹന്‍ലാലിനെ സംബന്ധിച്ച് ഇതാദ്യത്തെ അനുഭവമല്ല. അദ്ദേഹം നേരത്തെയും ഇത്തരത്തിലുള്ള രംഗങ്ങളില്‍ അഭിനയിച്ചിട്ടുണ്ട്. ഒളിമ്പ്യന്‍ അന്തോണി ആദത്തിലെ സമാനമായ രംഗത്തിന്റെ ചിത്രം സോഷ്യല്‍ മീഡിയയിലൂടെ വൈറലായിരുന്നു.

അദ്ദേഹത്തിന്‍രെ മാത്രം ആശയം

പൃഥ്വിരാജാണ് ആരംഗം ചിത്രീകരിച്ചത്. താന്‍ ആ സമയത്ത് അവിടെ ഇല്ലായിരുന്നുവെന്നും സില്‍വ പറയുന്നു. അദ്ദേഹത്തിന്‍രെ മാത്രം ആശയമായിരുന്നു അത്. പ്രേക്ഷകരൊക്കെ ഈ രംഗത്തെക്കുറിച്ച് അത്ഭുതപ്പെടുന്നുണ്ടെങ്കിലും തന്നെ സംബന്ധിച്ച് അതത്ര വലിയ സംഭവമൊന്നുമായിരുന്നില്ലെന്നും അദ്ദേഹം പറയുന്നു. മോഹന്‍ലാലിന് ഇതല്ല ഇതിനപ്പുറവും സാധിക്കുമെന്നും സില്‍വ സാക്ഷ്യപ്പെടുത്തിയിട്ടുണ്ട്.

വിവാദവും വിമര്‍ശനങ്ങളും

പ്രഖ്യാപനവേള മുതല്‍ വാര്‍ത്തകളില്‍ നിറഞ്ഞുനിന്ന സിനിമയായിരുന്നു ലൂസിഫര്‍. ഐറ്റം നമ്പറും പോലീസുകാരനെ നെഞ്ചില്‍ ചവിട്ടുന്നതുമൊക്കെ വലിയ അപരാധമാണെന്ന തരത്തിലുള്ള വിമര്‍ശനങ്ങളുമായി ഒരുവിഭാഗം രംഗത്തെത്തിയിരുന്നു. എന്നാല്‍ ഇതാദ്യമായല്ല നേരത്തെയും നിരവധി സിനിമകളില്‍ ഇത്തരത്തിലുള്ള രംഗം ആവര്‍ത്തിച്ചിരുന്നു. സിനിമയില്‍ പോലീസുകാരനെ കൈയ്യേറ്റ്ം ചെയ്യുന്ന തരത്തിലുള്ള രംഗം ആദ്യമായി ഉപയോഗിച്ചത് ലൂസിഫറിലല്ലെന്നായിരുന്നു ആരാധകര്‍ പറഞ്ഞത്.

തിയേറ്ററുകള്‍ ഇളകിമറിഞ്ഞു

തിയേറ്ററുകള്‍ ഒന്നടങ്കം ഇളകിമറിഞ്ഞ് ആസ്വദിച്ച രംഗം കൂടിയായിരുന്നു ഇത്. മോഹന്‍ലാലിന്‍രെ ആക്ഷനും ഡയലോഗും തന്നെയായിരുന്നു ഈ രംഗത്തിന്റെ മുഖ്യസവിശേഷത. പ്രേക്ഷകര്‍ കാണാനാഗ്രഹിച്ചിരുന്ന രംഗം കൂടിയായിരുന്നു ഇത്. ഈ രംഗത്തിന്‍രെ പോസ്റ്ററും ചിത്രങ്ങളുമൊക്കെ സോഷ്യല്‍ മീഡിയയിലൂടെ വൈറലായിരുന്നു.