Click it and Unblock the Notifications
മോഹന്ലാലിന്റെ മരക്കാര് സെന്സറിംഗ് പൂര്ത്തിയായി! ചരിത്ര റിലീസിങ്ങിനൊരുങ്ങി സിനിമ
മോഹന്ലാലിന്റെതായി ഒരുങ്ങുന്ന മരക്കാര് അറബിക്കടലിന്റെ സിംഹം റിലീസിനായി കാത്തിരിക്കുകയാണ് ആരാധകര്. പ്രിയദര്ശന് സംവിധാനം ചെയ്യുന്ന ബ്രഹ്മാണ്ഡ ചിത്രം നൂറ് കോടി ബഡ്ജറ്റിലാണ് അണിയറയില് ഒരുക്കുന്നത്. വമ്പന് താരനിര അണിനിരക്കുന്ന ചിത്രം കുഞ്ഞാലി മരക്കാര് നാലാമന്റെ കഥയാണ് പറയുന്നത്. എല്ലാവരും ആകാംക്ഷകളോടെ കാത്തിരിക്കുന്ന സിനിമയുടെ സെന്സറിംഗ് പൂര്ത്തിയായതായി റിപ്പോര്ട്ടുകള് വന്നിരിക്കുകയാണ്.
യു/എ സര്ട്ടിഫിക്കറ്റാണ് സെന്സര് ബോര്ഡ് ചിത്രത്തിന് നല്കിയിരിക്കുന്നത്. മലയാളത്തിന് പുറമെ തമിഴ്, തെലുങ്ക്, ഹിന്ദി ഭാഷകളിലും സിനിമ ഒരേസമയം പ്രദര്ശനത്തിനെത്തുന്നുണ്ട്. ആന്റണി പെരുമ്പാവൂര്, റോയ് സിജെ, സന്തോഷ് ടി കുരുവിള തുടങ്ങിയവര് ചേര്ന്നാണ് നിര്മ്മാണം. മലയാള സിനിമാ ചരിത്രത്തിലെ എറ്റവും ചെലവേറിയ ചിത്രമായിട്ടാണ് മരക്കാര് എത്തുന്നത്.
ഹൈദരാബാദിലെ റാമോജി റാവു ഫിലിം സിറ്റിയിലാണ് സിനിമ പ്രധാനമായും ചിത്രീകരിച്ചത്. മധു, സിദ്ധിഖ്, പ്രഭു, സുനില് ഷെട്ടി, അര്ജുന് സര്ജ, പ്രണവ് മോഹന്ലാല്, മഞ്ജു വാര്യര്, കീര്ത്തി സുരേഷ്, കല്യാണി പ്രിയദര്ശന്, തുടങ്ങിയവരാണ് ചിത്രത്തിലെ മറ്റു പ്രധാന താരങ്ങള്, സാബു സിറിളാണ് കലാസംവിധാനം നിര്വ്വഹിച്ചിരിക്കുന്നത്.
Continue with Google