മോഹന്‍ലാലിനെ വീണ്ടും മുപ്പത് വയസുക്കാരനായി കാണാന്‍ കാത്തിരുന്നവര്‍ക്ക് സന്തോഷ വാര്‍ത്ത!

ഒടിയന്‍ മാണിക്യന്‍

മോഹന്‍ലാലിന്റെ കഥാപാത്രമായ ഒടിയന്‍ മാണിക്യന്റെ വ്യത്യസ്ത ഗെറ്റപ്പുകളിലുള്ള ചിത്രങ്ങള്‍ പുറത്ത് വന്നിരുന്നു. ഇനി വരാനിരിക്കുന്നത് യുവാവിന്റെ വേഷത്തിലുള്ള മാണിക്യനാണ്. അതിന് വേണ്ടിയുള്ള കാത്തിരിപ്പിലാണ് ആരാധകര്‍.

മാണിക്യന്‍ വരുന്നു

കാത്തിരിപ്പുകള്‍ക്ക് വിരാമമിട്ട് മോഹന്‍ലാലിന്റെ മേക്കോവര്‍ പുറത്ത് വരാന്‍ പോവുകയാണ്. ഈ മാസം 13 ന് മോഹന്‍ലാല്‍ തന്നെ സോഷ്യല്‍ മീഡിയയിലൂടെ ലുക്ക് പുറത്ത് വിടുമെന്നാണ് പറയുന്നത്. ഇതിന്റെ ടീസറും ഈ ദിവസങ്ങളില്‍ ലോഞ്ച്് ചെയ്യും.

കഠിന പരിശീലനം

ഈയൊരു ലുക്കിന് വേണ്ടി മോഹന്‍ലാല്‍ കഠിന പരിശീലനമായിരുന്നു. വിദേശത്ത് നിന്നും എത്തിയ പരിശീലകരായിരുന്നു മോഹന്‍ലാലിന്റെ ശരീരഭാരം കുറയ്ക്കുന്നതിന് വേണ്ടി സാഹയിച്ചിരുന്നത്. മുപ്പത് വയസുകാരന്റെ ലുക്കിലെത്തുന്നതിന് വേണ്ടി പതിനഞ്ച് കിലേ ആയിരുന്നു കുറയ്ക്കാനുണ്ടായിരുന്നത്.

ഫ്രഞ്ച് വിദഗ്ധര്‍

അടുത്ത ഷെഡ്യൂള്‍ ഫെബ്രുവരിയിലാണ് ആരംഭിക്കുന്നത്. അതിനുള്ളില്‍ മോഹന്‍ലാലിന്റെ ശരീരഭാരം നിയന്ത്രിക്കുന്നതിനായി ഫ്രാന്‍സില്‍ നിന്നും വിദ്ഗധന്മാര്‍ എത്തിയിരിക്കുകയായിരുന്നു.

പീറ്റര്‍ ഹെയിനിന്റെ ആക്ഷന്‍

പുലിമുരുകന് ശേഷം പീറ്റര്‍ ഹെയിന്‍ തന്നെയാണ് ഒടിയന് വേണ്ടി ആക്ഷന്‍ രംഗങ്ങള്‍ ഒരുക്കുന്നത്. ക്ലൈമാക്‌സിലും പീറ്റര്‍ ഹെയിന്‍ ഒരുക്കുന്ന ആക്ഷന്‍ രംഗങ്ങളുണ്ട്. മറ്റുള്ള സിനിമകള്‍ മാറ്റിവെച്ചാണ് ഒടിയന് വേണ്ടി പീറ്റര്‍ ഹെയിന്‍ എത്തിയിരുന്നത്.