പുലിമുരുകന്‍ തരംഗം തീരുന്നില്ല, പുതിയ വേര്‍ഷന്‍ പിന്നാലെ തന്നെയുണ്ട്!!!

പുലിമുരുകന്റെ ജൈത്രയാത്ര

മലയാളക്കരയുടെ പൂര്‍ണ സപ്പോര്‍ട്ടും നേടിയാണ് പുലിമുരുകന്‍ ജൈത്രയാത്ര തുടരുന്നത്. അതിനിടെ ചിത്രം ത്രീഡി വേര്‍ഷനില്‍ കൂടി റിലീസ് ചെയ്യുകയാണ്.

ഇന്നാണ് റിലീസ്

ജൂലൈ 21 ന് ചിത്രം റിറിലീസ് ചെയ്യുമെന്ന് പറഞ്ഞിരുന്നെങ്കിലും ചില സാങ്കേതിക തടസ്സം കാരണം ചിത്രത്തിന്റെ റിലീസിങ് മാറ്റുകയായിരുന്നു.

ത്രീഡിയ്ക്ക് പിന്നാലെ 4ഡിയും

പുലിമുരുകന്‍ ത്രീഡി വേര്‍ഷന് പിന്നാലെ 4ഡിയിലും ചിത്രം നിര്‍മ്മിക്കുന്നുണ്ടെന്നാണ് വാര്‍ത്തകള്‍. ത്രീഡി ചിത്രത്തിന് വേണ്ടി തയ്യാറാക്കിയ പോസ്റ്ററിലാണ് 4ഡി ദൃശ്യമികവോട് കൂടി ചിത്രം വരുന്ന കാര്യം പറഞ്ഞിരിക്കുന്നത്.

റെക്കോര്‍ഡ് കളക്ഷന്‍

നിലവില്‍ ഏറ്റവുമധികം ബോക്‌സ് ഓഫീസ് കളക്ഷന്‍ നേടിയ ചിത്രം എന്ന പേരിലാണ് പുലിമുരുകന്‍. 100 കോടി ക്ലബ്ബിലെത്തുന്ന ആദ്യത്തെ മലയാള സിനിമയായിരുന്നു പുലിമുരുകന്‍.

150 കോടി നേടി

100 കോടി വിജയം പിന്നിട്ടതിന് ശേഷം 150 കോടി നേടിയാണ്് ചിത്രം കേരള ബോക്‌സ് ഓഫീസിനെ ഞെട്ടിച്ചിരുന്നത്. ശേഷം ഇപ്പോള്‍ പുതിയ റെക്കോര്‍ഡുകള്‍ വാരിക്കൂട്ടാനുള്ള തയ്യാറെടുപ്പിലാണ് പുലിമുരുകന്‍.

100 തിയറ്ററുകളില്‍

ഇന്ന് റിലീസ് ചെയ്യുന്ന ചിത്രം 100 തിയറ്ററുകളില്‍ പ്രദര്‍ശിപ്പിക്കുമെന്ന് ആദ്യം പറഞ്ഞിരിന്നെങ്കിലും അറുപത് തിയറ്ററുകളില്‍ മാത്രമാണ് റിലീസ് ചെയ്യുകയുള്ളു. എന്നാല്‍ അടുത്ത ആഴ്ചയോട് കൂടി കൂടുതല്‍ തിയറ്ററുകളിലേക്ക് ചിത്രം എത്തിക്കാനുള്ള ശ്രമത്തിലാണ് അണിയറ പ്രവര്‍ത്തകര്‍.

തമിഴിലും ത്രീഡി

ചിത്രം തമിഴിലേക്ക് റിമേക്ക് ചെയ്തപ്പോള്‍ ത്രീഡി ദൃശ്യമികവോടെ തന്നെയായിരുന്നു റിലീസ് ചെയ്തിരുന്നത്. ശേഷമാണ് മലയാളത്തിലും ത്രീഡി യില്‍ ചിത്രം പ്രദര്‍ശനത്തിനെത്തുന്നത്.