വിമര്‍ശകരുടെ വായടപ്പിച്ച് മോഹന്‍ലാലിന്‍റെ മറുപടി! ഈ നീക്കം ഗംഭീരമായി! ചിത്രങ്ങളും വീഡിയോയും വൈറല്‍!

കുഞ്ഞാലി മരക്കാര്‍ നാലാമന്റെ ജീവിതകഥയുമായാണ് പ്രിയദര്‍ശനും മോഹന്‍ലാലും എത്തുന്നത്. മഞ്ജു വാര്യര്‍ നായികയായി എത്തുന്ന ചിത്രത്തില്‍ തെന്നിന്ത്യന്‍ സിനിമയിലെ പ്രമുഖരാണ് അണിനിരന്നിട്ടുള്ളത്. പിന്നണിയിലും മുന്നണിയിലും താരപുത്രന്‍മാരും താരപുത്രികളും അണിനിരക്കുന്നുവെന്നതും ഈ ചിത്രത്തിന്റെ പ്രത്യേകതയാണ്. ബ്രഹ്മാണ്ഡമായിരിക്കും ഇത്തവണത്തെ വരവെന്ന് തുടക്കം മുതലേ വ്യക്തമായിരുന്നു. സിനിമയുടെ ചിത്രീകരണം ആരംഭിച്ചതിന് പിന്നാലെയായാണ് ചിത്രങ്ങളും പുറത്തുവന്നത്. പ്രിയദര്‍ശനൊപ്പമിരിക്കുന്ന മോഹന്‍ലാലിന്റെ ചിത്രം വൈറലായി മാറിയിരുന്നു.

ചിത്രങ്ങള്‍ പുറത്തുവന്നതിന് പിന്നാലെയായാണ് വിമര്‍ശകരും രംഗത്തെത്തിയത്. ക്യാരക്ടര്‍ പോസ്റ്റര്‍ പുറത്തുവിട്ടപ്പോഴും അല്ലാതെയുള്ള ചിത്രങ്ങള്‍ പുറത്തുവന്നപ്പോഴുമൊക്കെ ഇത് തുടരുകയായിരുന്നു. സമൂഹ മാധ്യമങ്ങളിലൂടെ നിമിഷനേരം കൊണ്ടായിരുന്നു ഇത് ശ്രദ്ധ നേടിയത്. മോഹന്‍ലാലിന്റെ വയറും ലുക്കുമൊക്കെയായിരുന്നു വിമര്‍ശകര്‍ എടുത്ത് പറഞ്ഞത്.

താരത്തിന്‍രെ ശരീരത്തെയും ലുക്കിനേയും അധിക്ഷേപിക്കുന്ന തരത്തിലുള്ള കമന്റുകളും ഉയര്‍ന്നുവന്നിരുന്നു. വിവിധ ഫേസ്ബുക്ക് ഗ്രൂപ്പുകളിലൂടെയായിരുന്നു ഇഇത് പ്രചരിച്ചത്. മോഹന്‍ലാലിന്റെ തടിയും വയറുമൊക്കെയായിരുന്നു വിമര്‍ശകര്‍ ആയുധമാക്കിയത്. ബോഡി ഷേമിംഗ് ട്രോളുകളും പ്രചരിച്ചിരുന്നു. അടുത്തിടെയായിരുന്നു സിനിമയ്ക്കായി ചിത്രീകരിച്ച ചില ദൃശ്യങ്ങള്‍ പുറത്തുവിട്ടത്. ആശീര്‍വാദത്തോടെ ലാലേട്ടന്‍ പരിപാടിക്കിടയിലായിരുന്നു സിനിമയുമായി ബന്ധപ്പെട്ട കൂടുതല്‍ വിശേഷങ്ങള്‍ പുറത്തുവന്നത്.

സോഷ്യല്‍ മീഡിയയിലൂടെ ഈ സംഭവം വൈറലായി മാറിയതിന് പിന്നാലെയായാണ് മറുപടിയുമായി മോഹന്‍ലും എത്തിയത്. വാക്കുകളിലൂടെയായിരുന്നില്ല അദ്ദേഹം ഇതേക്കുറിച്ച് പ്രതികരിച്ചത്. പുതിയ വര്‍ക്കൗട്ട് വീഡിയോയും ചിത്രങ്ങളും പുറത്തുവന്നതോടെ വിമര്‍ശകരും പത്തിയടിക്കുകയായിരുന്നു. ഈ നീക്കം പൊളിച്ചുവെന്നായിരുന്നു ആരാധകരുടെ കമന്റ്.

പതിവില്‍ നിന്നും വ്യത്യസ്തമായി ശാരീരികമായ തയ്യാറെടുപ്പുകള്‍ നടത്തിയും അദ്ദേഹം അടുത്തിടെ വിസ്മയിപ്പിച്ചിരുന്നു. ഒടിയന് വേണ്ടി നടത്തിയ ശ്രമങ്ങള്‍ ശ്രദ്ധേയമായിരുന്നു. ലുക്കില്‍ വ്യത്യസ്തത നിലനിര്‍ത്താറുള്ള താരം അത്യപൂര്‍വ്വമായി മാത്രമേ കടുത്ത ശാരീരിക തയ്യാറെടുപ്പുകള്‍ നടത്താറുള്ളൂ. ഒടിയന്‍ മാണിക്യനാവുന്നതിന് മുന്നോടിയായി അദ്ദേഹം ശരീരഭാരം കുറച്ചിരുന്നു.

വിമര്‍ശകര്‍ക്ക് മറുപടി നല്‍കുന്ന കാര്യത്തില്‍ പല താരങ്ങളും ഏറെ മുന്നിലാണ്. വാക്കുകളിലൂടെ മാത്രമല്ല പ്രവര്‍ത്തിയിലൂടെയുമായും പല താരങ്ങളും പ്രതികരിക്കാറുണ്ട്. ഫിറ്റ്‌നസിന്റെ കാര്യത്തില്‍ അതീവ ശ്രദ്ധാലുവാണ് താനെന്ന് വ്യക്തമാക്കി എത്തിയിരിക്കുകയാണ് മോഹന്‍ലാല്‍ ഇപ്പോള്‍. ഫാന്‍സ് ഗ്രൂപ്പുകളിലൂടെയും മറ്റുമായി ചിത്രം ഇതിനകം തന്നെ വൈറലായി മാറിയിരുന്നു.

സമൂഹ മാധ്യമങ്ങളിലൂടെ വൈറലായിക്കൊണ്ടിരിക്കുന്ന വീഡിയോ കാണാം. വീഡിയോ കടപ്പാട്: മോഹന്‍ലാല്‍ ഫാന്‍സ് ക്ലബ് ഫേസ്ബുക്ക് പേജ്.