രാഷ്ട്രീയം എനിക്ക് പറ്റിയതല്ല! ഒരു നടനായി നിലനില്‍ക്കാനാണ് ആഗ്രഹം! തുറന്നുപറഞ്ഞ് മോഹന്‍ലാല്‍

മോഹന്‍ലാലിന്റെ രാഷ്ട്രീയ പ്രവേശനം

അടുത്തിടെ മോഹന്‍ലാലിനെ സ്ഥാനാര്‍ത്ഥിയാക്കുന്നതുമായി ബന്ധപ്പെട്ട് കൂടുതലും പ്രതികരിച്ചിരുന്നത് ബിജെപി വൃത്തങ്ങളായിരുന്നു. ബിജെപി എംഎല്‍എ ഒ രാജഗോപാലും ശ്രീധരന്‍പിളളയുമെല്ലാം പലപ്പോഴും ഇക്കാര്യത്തെക്കുറിച്ച് മാധ്യമങ്ങളോട് സംസാരിച്ചിരുന്നു. വരാനിരിക്കുന്ന ലോക്‌സഭ തിരഞ്ഞെടുപ്പില്‍ തിരുവനന്തപുരം മണ്ഡലത്തില്‍നിന്നും മോഹന്‍ലാല്‍ മല്‍സരിക്കുമെന്നായിരുന്നു റിപ്പോര്‍ട്ടുകള്‍ വന്നത്. മോഹന്‍ലാലിനൊപ്പം തന്നെ മമ്മൂട്ടി.മഞ്ജു വാര്യര്‍ തുടങ്ങിയവരും രാഷ്ട്രീയത്തിലേക്ക് വരുമെന്ന തരത്തിലും സ്ഥിരീകരിക്കാത്ത റിപ്പോര്‍ട്ടുകള്‍ പ്രചരിച്ചിരുന്നു.

നരേന്ദ്ര മോഡിയുമായുളള കൂടിക്കാഴ്ച

കഴിഞ്ഞ വര്‍ഷം സെപ്റ്റംബറില്‍ പ്രധാനമന്ത്രി നരേന്ദ്ര മോഡിയുമായുളള ലാലേട്ടന്റെ കൂടിക്കാഴ്ചക്കു ശേഷമായിരുന്നു താരം മല്‍സരിക്കുമെന്ന തരത്തിലുളള പ്രചാരണങ്ങള്‍ ശക്തമായത്. എന്നാല്‍ പിന്നീട് തന്റെ അച്ഛനമ്മമാരുടെ പേരിലുളള വിശ്വശാന്തി ഫൗണ്ടേഷന്റെ കാര്യങ്ങള്‍ ചര്‍ച്ച ചെയ്യാനായിട്ടാണ് മോഹന്‍ലാല്‍ പോയതെന്ന് റിപ്പോര്‍ട്ടുകള്‍ വന്നു. ഇക്കാര്യത്തെക്കുറിച്ച താരം പിന്നീട് പ്രതികരിക്കുകയും ചെയ്തിരുന്നു. വയനാട്ടില്‍ തുടങ്ങുന്ന ക്യാന്‍സര്‍ സെന്ററിന്റെ ഉദ്ഘാടന ചടങ്ങിന് ക്ഷണിക്കാന്‍ വേണ്ടിയാണ് താന്‍ പ്രധാനമന്ത്രിയെ സന്ദര്‍ശിച്ചതെന്ന് മോഹന്‍ലാല്‍ ഫേസ്ബുക്കില്‍ വ്യക്തമാക്കിയതോടെയാണ് വിവാദങ്ങള്‍ അവസാനിച്ചത്..

ഒരു നടനായി നിലനില്‍ക്കാനാണ്

അടുത്തിടെ ടൈംസ് ഓഫ് ഇന്ത്യയ്ക്ക് നല്‍കിയ അഭിമുഖത്തില്‍ രാഷ്ട്രീയ പ്രവേശനത്തെക്കുറിച്ച് മോഹന്‍ലാല്‍ സംസാരിച്ചിരുന്നു. രാഷ്ട്രീയം എനിക്ക് പറ്റിയതല്ലെന്നും ഒരു നടനായി നിലനില്‍ക്കാനാണ് എന്നും ആഗ്രഹിച്ചിട്ടുളളതെന്നും മോഹന്‍ലാല്‍ പറയുന്നു. ഈ പ്രൊഫഷനില്‍ ഉളള സ്വാതന്ത്ര്യം ഞാന്‍ ആസ്വദിക്കുന്നു. ധാരാളം ആളുകള്‍ നമ്മളെ ആശ്രയിച്ചിരിക്കുന്ന അവസ്ഥയാണ് രാഷ്ട്രീയത്തില്‍. അതത്ര എളുപ്പമല്ല. മാത്രമല്ല. എനിക്ക് വലുതായെന്നും അറിയാത്ത വിഷയവുമാണ് രാഷ്ട്രീയം. അതിലേക്ക് വരാന്‍ താല്‍പര്യമില്ല. അഭിമുഖത്തില്‍ മോഹന്‍ലാല്‍ വൃക്തമാക്കി.

പ്രമുഖ താരങ്ങളൊന്നും ഉണ്ടാവില്ല

രാഷ്ട്രീയത്തിലേക്ക് ഇറങ്ങുമോയെന്നുളള ചോദ്യത്തിന് അടുത്തിടെ നടന്‍ മമ്മൂട്ടിയുടെ പ്രതികരണവും എത്തിയിരുന്നു. തന്റെ രാഷ്ട്രീയം സിനിമയാണെന്നും മല്‍സരിക്കാനൊന്നും താനില്ലെന്നുമുളള നിലപാടിലാണ് മമ്മൂട്ടിയുളളത്. മമ്മൂട്ടിക്ക് പിന്നാലെ മഞ്ജു വാര്യരും ഈ വിഷയത്തില്‍ പ്രതികരിച്ചിരുന്നു. കലയാണ് തന്റെ രാഷ്ട്രീയമെന്നായിരുന്നു മഞ്ജു പ്രതികരിച്ചിരുന്നത്. ഇപ്പോള്‍ പുറത്തുവരുന്ന റിപ്പോര്‍ട്ടുകള്‍ പ്രകാരം നിലവില്‍ കേരളത്തിലെ പ്രമുഖ താരങ്ങളൊന്നും ലോക്‌സഭ ഇലക്ഷനില്‍
മമല്‍സര രഗംത്തുണ്ടാവില്ലെന്ന് തന്നെയാണ് അറിയുന്നത്.