മോഹന്‍ലാലിനായി തീരുമാനിച്ച നായക വേഷം ശ്രീനിവാസന്‍ ചെയ്തു, കാരണം തുറന്നുപറഞ്ഞ് നടന്‍

പിന്നീട് തന്നിലേക്ക് ആ കഥാപാത്രം എങ്ങനെയാണെന്ന് എത്തിയതെന്നും നടന്‍ തുറന്നുപറഞ്ഞു. പൊന്മുട്ടയിലെ താറാവ് കഥ പറയുമ്പോള്‍ അതില്‍ നായകനായി അഭിനയിക്കാന്‍ തിരക്കഥാകൃത്ത് രഘുനാഥ് പലേരി തീരുമാനിച്ചത് മോഹന്‍ലാലിനെ ആയിരുന്നു എന്ന് ശ്രീനിവാസന്‍ പറയുന്നു. എന്നെ അതില്‍ ദുബായില്‍ നിന്ന് തിരിച്ചുവന്ന പില്‍ക്കാലത്ത് ജയറാം ചെയ്ത കഥാപാത്രമായിട്ടാണ് തീരുമാനിച്ചത്.

ആ വേഷം ശ്രീനിക്ക് ചെയ്തൂടെ എന്ന് ചോദിച്ചപ്പോള്‍ ഞാന്‍ സമ്മതം മൂളി. മാത്രമല്ല ഇതുപോലത്തെ രസമുളള എത് കഥയിലെ കഥാപാത്രമാവാനും എനിക്ക് ഇഷ്ടമാണ്. പക്ഷേ എന്തുക്കൊണ്ടോ ആ സിനിമ രഘുവിന് സംവിധാനം ചെയ്യാന്‍ സാധിച്ചില്ല. പിന്നെയും വര്‍ഷങ്ങള്‍ക്ക് ശേഷമാണ് സത്യന്‍ അന്തിക്കാട് ഈ കഥ കേള്‍ക്കുന്നതും പുളളിക്ക് താല്‍പര്യമുണ്ടാവുന്നതും.

അന്ന് രഘുവിന്റെ അഭിപ്രായമനുസരിച്ച് സത്യന്‍ അന്തിക്കാടും മോഹന്‍ലാലിനെ തന്നെ നായകനാക്കാനാണ് ഉദ്ദേശിച്ചത്. അങ്ങനെ ഈ എഴുതിയ തിരക്കഥ വെച്ചുകൊണ്ട് പല ചര്‍ച്ചകളും നടന്നു. അങ്ങനെ മുന്നോട്ട് പോയികൊണ്ടിരിക്കുമ്പോഴാണ് ഇന്നസെന്റ് ഈ കഥ കേള്‍ക്കുന്നത്. അപ്പോ ഇന്നസെന്റ് പറഞ്ഞു.

ഈ സിനിമയിലെ തട്ടാന്റെ കഥാപാത്രം ചെയ്യാന്‍ മോഹന്‍ലാലിന്‌റെ ആവശ്യം ഉണ്ടെന്ന് തോന്നുന്നില്ല. കാരണം അതൊരു ഹെവി വെയിറ്റ് ആവാന്‍ ചാന്‍സുണ്ട്. കാരണം മോഹന്‍ലാല് അത് വരെ ചെയ്ത കഥാപാത്രങ്ങളൊക്കെ വെച്ച് നോക്കുമ്പോള്‍ അങ്ങനെയൊരു ആളിന്റെ സാന്നിദ്ധ്യം ഹെവി വെയിറ്റ് ആയിപ്പോവുമോ എന്ന സംശയമുണ്ടായിരുന്നു. കാരണം ഇങ്ങനെയൊരു സിനിമയില്‍ നിന്നും ആളുകള്‍ കൂടുതല്‍ പ്രതീക്ഷിച്ചിട്ടുണ്ടെങ്കില്‍ അത് സിനിമയ്ക്ക് ദോഷം ചെയ്യും.

Recommended Video

Tiny Tom About His unforgettable Memories With Megastar Mammootty | FilmiBeat Malayalam

അപ്പോ ഇന്നസെന്റാണ് പറഞ്ഞത് ഈ കഥാപാത്രത്തിന് ശ്രീനിവാസന്‍ തന്നെയാണ് നല്ലതെന്ന്. സ്വഭാവികമായും രഘുനാഥ് പാലേരിയും സത്യന്‍ അന്തിക്കാടുമെല്ലാം അതിനെ കുറിച്ച് മാറ്റിചിന്തിച്ചുതുടങ്ങി. അങ്ങനെയാണ് ഞാന്‍ അതിലെ പ്രധാന കഥാപാത്രമായ ഭാസ്‌കരന്‍ എന്ന തട്ടാനായി വരുന്നത്. അഭിമുഖത്തില്‍ ശ്രീനിവാസന്‍ പറഞ്ഞു