ലാലേട്ടനും പ്രണവുമില്ല, ഒടിയൻ മാണിക്യനെ കാണാൻ ഫസ്റ്റ് ഷോയിൽ സുചിത്ര മോഹൻലാൽ!!

ആന്റണി പെരുമ്പാവൂരിനോടൊപ്പം

പ്രേക്ഷകരെ പോലെ രാവിലെയുളള ആദ്യ ഷോയ്ക്കാണ് സുചിത്രയും എത്തിയത്. എറണാകുളം കവിതയിൽ ചിത്രത്തിന്റെ നിർമ്മാതാവ് ആന്റണി പെരുമ്പാവൂരിന്റെ കുടുംബത്തോടൊപ്പമാണ് സുചിത്രയും എത്തിയത്. ചിത്രം കാണാൻ എത്തിയ താര പത്നമിയോട് അഭിപ്രായം ആരാഞ്ഞ് മാധ്യമങ്ങൾ ചുറ്റു കൂടിയിരുന്നു.

നല്ല കഥ

ചിത്രത്തിനെ കുറിച്ച് സുചിത്ര പറഞ്ഞതിങ്ങനെയാണ്. ഒടിയൻ എന്റർടെയ്മെന്റ് ഗണത്തിൽ കൂട്ടാൻ പറ്റിയ വളരെ നല്ല ചിത്രമാണ്. അതു പോലെ വളരെ നല്ല കഥായാണെന്നു താര പത്നി പറഞ്ഞു. അതേസമയം സമ്മിശ്ര പ്രതികരണമാണ് ചിത്രത്തിന് ലഭിക്കുന്നത്. പ്രേക്ഷക പ്രതീക്ഷയ്ക്കൊത്ത് ചിത്രത്തിന് ഉയരാൻ സാധിച്ചില്ലെന്നാണ് ആരാധകരുടെ ഭാഷ്യം. അതേസമയം സിനിമ മേഖലയിൽ നിന്ന് മികച്ച അഭിപ്രായമാണ് ഒടിയന് ലഭിക്കുന്നത്.

ഫസ്റ്റ് ഷോയിൽ

ലാലേട്ടന്റെ ഭൂരിഭാഗം ചിത്രങ്ങളുടേയും ഫസ്റ്റ് ഷോ കാണാൻ സുചിത്ര എത്താറുണ്ട്. ഇത് വാർത്തകളിൽ സ്ഥാനം പിടിക്കാറുമുണ്ട്. അതേസമയം അച്ഛന്റെ ബ്രഹ്മണ്ഡ ചിത്രം കാണാൻ പ്രണവ് എത്തിയതായി കേൽക്കുന്നില്ല. അരുൺ ഗോപി ചിത്രമായ ഇരുപത്തിയെന്നാം നൂറ്റാണ്ടിൽ അഭിനയിച്ചു വരുകയാണ് താരം.

ആദ്യ ഷോ കാണാൻ ഉണ്ണി മുകുന്ദനും

ഒടിയന്റെ ആദ്യ ഷോ കാണാൻ ഉണ്ണി മുകുന്നും എത്തിയിരുന്നു. 4.30 ഷോയ്ക്കാണ് താരം എത്തിയത്. ചിത്രത്തിന്റെ അണിയറ പ്രവർത്തകർക്കും ലാലേട്ടനും അഭിനന്ദനമറിയിച്ചിട്ടുണ്ട്. എല്ലാത്തരം ആരാധകർക്കും ഇഷ്ടപ്പെടുന്ന ചിത്രമാണ് ഒടിയൻ. ചിത്രത്തിലെ പാട്ടും പശ്ചാത്തല സംഗതിവും ആക്ഷൻ രംഗങ്ങളുമെല്ലാം ഒടിയനെ കൂടുതൽ മനോഹരമാക്കുന്നുവെന്നും ഉണ്ണി ഫേസ്ബുക്കിൽ കുറിച്ചു. ഉണ്ണിയെ കൂടാതെ നീരജ് മാധവ്, ഫർഹാൻ ഫാസിൽ, സംയുക്ത മേനോൻ എന്നിവരും ചിത്രം കാണാൻ എത്തിയിരുന്നു.