നിവിന്‍ പോളി ചിത്രത്തിലെ മുകേഷിന്റെ പിന്മാറ്റത്തിന് പിന്നില്‍??? പകരക്കാരനോ 'കട്ട ദിലീപ് ഫാൻ?

ഹേയ് ജൂഡ്

നിവിന്‍ പോളിയെ നായകനാക്കി ശ്യാമ പ്രസാദ് സംവിധാനം ചെയ്യുന്ന ചിത്രമാണ് ഹേയ് ജൂഡ്. തൃഷ ആദ്യമായി മലയാളത്തിലെത്തുന്ന ഈ ചിത്രത്തില്‍ ഒരു പ്രധാന വേഷത്തില്‍ മുകേഷും കാസ്റ്റ് ചെയ്യപ്പെട്ടിരുന്നു. എന്നാല്‍ ചിത്രത്തില്‍ നിന്നും മുകേഷ് പിന്മാറിയതായാണ് റിപ്പോര്‍ട്ട്. സിനിമയുടെ ചിത്രീകരണം കഴിഞ്ഞ ദിവസം ഗോവയില്‍ ആരംഭിച്ചിരുന്നു.

ഡേറ്റ് പ്രശ്‌നം

ഡേറ്റ് പ്രശ്‌നം മൂലമാണ് ചിത്രത്തില്‍ നിന്നും പിന്മാറിയതിന് കാരണമായി പറയുന്നത്. ചിത്രീകരണത്തിനിടെ അഞ്ച് ദിവസത്തെ അവധിയെടുത്ത് നിവിന്‍ പോളി അമേരിക്ക് പോകുന്നത് ഡേറ്റ് ക്ലാഷിന് കാരണമായി എന്നാണ് റിപ്പോര്‍ട്ടുകള്‍.

വിവാദത്തില്‍ കുടുങ്ങിയ മുകേഷ്

നടി ആക്രമിക്കപ്പെട്ട കേസില്‍ ദിലീപിന് അനുകൂലമായി നടപടി സ്വീകരിക്കുകയും മാധ്യമങ്ങളെ അധിക്ഷേപിക്കുകയും ചെയ്ത് വിവാദത്തിലായിരിക്കുകയാണ് മുകേഷ്. കേസ് സംബന്ധമായി മുകേഷിനെ ചോദ്യം ചെയ്‌തേക്കുമെന്നും റിപ്പോര്‍ട്ടുകളുണ്ട്.

പകരമെത്തുന്നതോ?

ഹേയ് ജൂഡില്‍ മുകേഷിന് പകരക്കാരനായി സിദ്ധിഖ് എത്തുമെന്നാണ് വിവരം. ദിലീപ് അറസ്റ്റിലായതിന് ശേഷവും ദിലീപിന് അനുകൂലമായ നിലപാട് സ്വീകരിച്ച വ്യക്തിയാണ് സിദ്ധിഖ്. തിരക്കിട്ട് അമ്മയില്‍ നിന്നും ദിലീപിനെ പുറത്താക്കിയതിനേയും സിദ്ധിഖ് വിമര്‍ശിച്ചിരുന്നു.

ദിലീപ് അല്ല കാരണം

ദിലീപ് വിഷയത്തില്‍ പ്രേക്ഷകരുടെ വിമര്‍ശനത്തിന് കാരണമായതല്ല മുകേഷിന്റെ പിന്മാറ്റത്തിന് കാരണമായതെന്നാണ് പകരക്കാരനായി സിദ്ധിഖ് എത്തുന്നതിലൂടെ സൂചിപ്പിക്കുന്നത്. മാധ്യമങ്ങള്‍ക്കെതിരെയും സിദ്ധിഖ് ശക്തമായി രംഗത്ത് വന്നിരുന്നു.