മുന്തിരിവള്ളിയില്‍ മോഹന്‍ലാലിനെ കാസ്റ്റ് ചെയ്യാന്‍ നിര്‍മ്മാതാവിനെ പ്രേരിപ്പിച്ചത് ആ ഒരൊറ്റ കാരണം??

മോഹന്‍ലാലിനെ നായകനാക്കാന്‍ കാരണമുണ്ട്

മലയാള സിനിമയിലെ മുടിചൂടാമന്നനാണ് സൂപ്പര്‍സ്റ്റാര്‍ മോഹന്‍ലാല്‍. മലയാളിയുടെ സ്വകാര്യ അഹങ്കാരമെന്നും വിശേഷിപ്പിക്കാം. സാധാരണ പ്രേക്ഷകരെപ്പോലെ സോഫിയയും കട്ട മോഹന്‍ലാല്‍ ഫാനാണ്. പ്രൊഡക്ഷന്‍ ഹൗസ് തുടങ്ങുന്നതിന് മുന്‍പ് തന്നെ മോഹന്‍ലാല്‍ സിനിമ നിര്‍മ്മിക്കണമെന്ന ആഗ്രഹം സോഫിയയുടെ ഉള്ളില്‍ ഉണ്ടായിരുന്നു.

കഥ കേട്ടപ്പോഴേ നായകനെ തീരുമാനിച്ചു

സിനിമയിലെ ഒരു സുഹൃത്ത് മുഖേനയാണ് തിരക്കഥാകൃത്തായ സിന്ധുരാജ് കഥ പറയാന്‍ എത്തിയത്. കഥ കേട്ടപ്പോള്‍ മുതല്‍ ഉലഹന്നാനായി സങ്കല്‍പ്പിച്ചത് മോഹന്‍ലാലിനെയാണ്. പിന്നീട് ലാലേട്ടനോട് കഥ പറഞ്ഞപ്പോള്‍ അദ്ദേഹത്തിനും കഥ നന്നായി ഇഷ്ടപ്പെട്ടു.

ആനിയമ്മയും ഉലഹന്നാനും ഇനി പ്രേക്ഷകരുടെ മുന്നില്‍

മുന്തിരിവള്ളികളിലെ ഉലഹന്നാനെ ഇത്ര ഭംഗിയായി അവതരിപ്പിക്കാന്‍ ലാലേട്ടനെ കഴിയൂ. മറ്റൊരാള്‍ ചെയ്താല്‍ ഇത്ര ഭംഗിയാകുമെന്ന് തോന്നുന്നില്ല. തിരക്കഥ എഴുതുമ്പോള്‍ മുതല്‍ സിന്ധുരാജിന്റെ മനസ്സിലും മോഹന്‍ലാല്‍ ആണ് ഉണ്ടായിരുന്നത്.

ആനിയമ്മയാവാന്‍ വിദ്യാ ബാലനെ ക്ഷണിച്ചിരുന്നു

ഉലഹന്നാന്റെ പ്രിയ പത്‌നി ആനിയമ്മയുടെ വേഷം അവതരിപ്പിക്കുന്നതിനായി വിദ്യാ ബാലനെ കാസ്റ്റ് ചെയ്യാനായിരുന്നു ആദ്യം തീരുമാനിച്ചത്. എന്നാല്‍ വിദ്യയുടെ ഡേറ്റ് ലഭിച്ചില്ല. പിന്നീട് അധികമാരെയും അന്വേഷിക്കാതെ മീനയെ സമീപിക്കുകയായിരുന്നു. മലയാളികള്‍ക്ക് സുപരിചിതയായ മീനയെ ആനിയമ്മയാവാന്‍ ക്ഷണിച്ചു.