എല്ലാവരെയും കണ്ണുമടച്ച് വിശ്വസിച്ചതുകൊണ്ട് ഒരുപാട് പണികിട്ടി; പ്രിയാമണിയുടെ വെളിപ്പെടുത്തല്‍

ഒരുപാട് പണികിട്ടി

എല്ലാവരെയും കണ്ണുമടച്ച് വിശ്വസിക്കുന്ന ആളായിരുന്നു ഞാന്‍. അതുകൊണ്ട് തന്നെ ഒരുപാട് പണികിട്ടിയിട്ടുണ്ട്. ആദ്യകാലങ്ങളില്‍ പണികിട്ടിയത് നിര്‍മാതാക്കളില്‍ നിന്നാണെന്ന് പ്രിയ വെളിപ്പെടുത്തുന്നു.

അത് മാറ്റിയെടുത്തത് മുസ്തഫ

പക്ഷെ ഇപ്പോള്‍ ഞാന്‍ ഒരുപാട് മാറി. എന്നെ മാറ്റിയെടുത്തത് ഭാവി വരന്‍ മുസ്തഫ രാജാണെന്ന് പ്രിയ പറയുന്നു. കാഴ്ചപ്പാടില്‍ മാത്രമല്ല, തന്റെ വസ്ത്രധാരണത്തില്‍ പോലും മുസ്തഫ മാറ്റം വരുത്തി എന്നാണ് പ്രിയ പറഞ്ഞത്.

ആണും പെണ്ണും തുല്ല്യര്‍

പെണ്ണിനെ ഒരു ചരക്കായി കാണാതെ ബഹുമാനിക്കാനാണ് പുരുഷന്‍ പഠിക്കേണ്ടത്. ആണും പെണ്ണും തുല്യരാണ്. ശരീരികമായി സ്ത്രീകള്‍ കുറച്ച് വീക്കായിരിയ്ക്കും. പക്ഷെ ബാക്കി എല്ലാ കാര്യത്തിലും ആണും പെണ്ണും ഒരുപോലെയാണെന്ന് പ്രിയ പറഞ്ഞു.

പിന്തുണ വേണം

ശാരീരികമായുള്ള സ്ത്രീകളുടെ ബലഹീനത മറികടക്കാന്‍ പുരുഷന്മാരുടെ പിന്തുണയാണ് സ്ത്രീകള്‍ക്ക് വേണ്ടത്. അതിന് പകരം പീഡിപ്പിക്കാന്‍ തുടങ്ങിയാല്‍ എങ്ങിനെ ഞങ്ങള്‍ സുരക്ഷിതരാകും എന്ന് പ്രിയ ചോദിയ്ക്കുന്നു.

എല്ലാവരും മോശമല്ല

സമൂഹത്തില്‍ എല്ലാ പുരുഷന്മാരും മോശക്കാരല്ല. അങ്ങനെ ചിലര്‍ ഉണ്ടെന്ന് മാത്രം. അവരുടെ നോട്ടം കണ്ടാല്‍ മനസ്സിലാവും - പ്രിയാമണി പറഞ്ഞു.