വിവാഹ ശേഷം അങ്ങനെ ചെയ്യണമെന്ന് ആഗ്രഹിച്ചിരുന്നു, ആ സിനിമ വിജയിക്കാതെ പോയെന്നും നവ്യ നായര്‍

ആഗ്രഹം തോന്നി

വിവാഹ ശേഷം കേട്ട സ്ക്രിപ്റ്റിൽ എനിക്ക് ചെയ്യാൻ ആഗ്രഹം തോന്നിയ സിനിമ സീൻ ഒന്ന് നമ്മുടെ വീടാണ്. അത് വിജയിക്കാത്തതിനാൽ ബുദ്ധി മോശം കാണിച്ചു എന്ന് പറയാൻ കഴിയില്ല. നല്ല ചിത്രമായിരുന്നു പക്ഷെ എന്തോ ഭാഗ്യ ദോഷം കൊണ്ട് ഓടിയില്ല. തിയേറ്ററിൽ വിജയിക്കാൻ സാധ്യതയുള്ള ഒരു സിനിമ തന്നെയായിരുന്നു അത് . സാധാരണ ജനങ്ങൾക്ക് വേണ്ടിയുള്ള സിനിമയായിരുന്നു അതെന്നും നവ്യ നായര്‍ പറയുന്നു.

ബോധപൂര്‍വ്വമായ തീരുമാനം

ഫാമിലി പ്രേക്ഷകർക്ക് ഇഷ്ടമാകുന്ന സിനിമ എന്ന നിലയിലാണ് ചെയ്തത്. കല്യാണം കഴിഞ്ഞു അത്തരത്തിലൊരു സിനിമ ചെയ്യണം എന്നത് ബോധപൂർവമായ തീരുമാനം തന്നെയായിരുന്നുവെന്നുമായിരുന്നു നവ്യ പറഞ്ഞത്. വന്‍പ്രതീക്ഷയോടെയായിരുന്നു ഈ സിനിമ തിയേറ്ററുകളിലേക്കെത്തിയത്. പക്ഷേ, വിചാരിച്ചത്ര ശ്രദ്ധ നേടാതെ പോവുകയായിരുന്നു. മഞ്ജുവെന്ന കഥാപാത്രത്തെയായിരുന്നു നവ്യ നായര്‍ അവതരിപ്പിച്ചത്. തിലകന്‍റെ അവസാന സിനിമകളിലൊന്നായിരുന്നു ഇത്. ലാലായിരുന്നു ചിത്രത്തിലെ നായകന്‍. ഷൈജു അന്തിക്കാടായിരുന്നു ചിത്രത്തിന്‍റെ സംവിധായകന്‍.

ഒരുത്തിയിലൂടെ

നാളുകള്‍ക്ക് ശേഷമായി ഒരുത്തിയിലൂടെ താരമെത്തുന്നുണ്ട്. ലോക് ഡൗണായതോടെയായിരുന്നു സിനിമയുടെ റിലീസ് നീട്ടിവെച്ചത്. 8 വര്‍ഷത്തെ ഇടവേള അവസാനിപ്പിച്ചാണ് നവ്യ എത്തുന്നത്. തുടക്കം മുതലേ വാര്‍ത്തകളില്‍ നിറഞ്ഞുനിന്ന സിനിമയായിരുന്നു ഇത്. എറണാകുളം-വൈപ്പിന്‍ റൂട്ടില്‍ സര്‍വീസ് നടത്തുന്ന ബോട്ടിലെ കണ്ടക്ടറായാണ് താരം ഈ ചിത്രത്തില്‍ വേഷമിടുന്നത്. കൊച്ചിയിലും പരിസര പ്രദേശങ്ങളിലുമായാണ് ചിത്രീകരണം നടത്തിയത്. സൈജു കുറുപ്പ്, കെപിഎസി ലളിത, സന്തോഷ് കീഴാറ്റൂര്‍ തുടങ്ങി വന്‍താരനിരയാണ് ചിത്രത്തിനായി അണിനിരന്നിട്ടുള്ളത്.

Recommended Video

ഒരുത്തിയുടെ പൂജ ദൃശ്യങ്ങള്‍ | Oruthi Movie pooja visuals | Filmibeat Malayalam

സോഷ്യല്‍ മീഡിയയില്‍

സോഷ്യല്‍ മീഡിയയില്‍ സജീവമാണ് നവ്യ നായര്‍. പങ്കുവെക്കുന്ന വിശേഷങ്ങളെല്ലാം പെട്ടെന്നാണ് വൈറലായി മാറുന്നത്. സിനിമയില്‍ സജീവമല്ലാത്ത സമയത്തും താരം വിശേഷങ്ങള്‍ പങ്കുവെക്കാറുണ്ട്. എന്നാണ് സിനിമയിലേക്ക് തിരിച്ചുവരില്ലേയെന്നായിരുന്നു ആരാധകര്‍ താരത്തോട് ചോദിച്ചിരുന്നു. 8 വര്‍ഷത്തിന് ശേഷമായാണ് ഒരുത്തിയില്‍ നവ്യ അഭിനയിച്ചത്.