മകന്റെ എട്ടാമത്തെ പിറന്നാൾ!! ജീവിതത്തിലെ ഏറ്റവും സന്തോഷകരമായ നിമിഷം പങ്കുവെച്ച് നവ്യ , കാണൂ

സോഷ്യൽ മീഡിയയിൽ സജീവം

സോഷ്യൽ മീഡിയയിൽ സജീവമായി നിൽക്കുന്ന താരമാണ് നവ്യ നായർ. തന്റെ ജീവിതത്തിൽ നടക്കുന്ന ഓരോ അവിസ്മരണീയമായ മൂഹൂർ‌ത്തം സോഷ്യൽ മീഡിയയിലൂടെ പ്രേക്ഷകരുമായി താരം പങ്കുവെയ്ക്കാറുണ്ട്. കുടുംബവുമൊത്തുളള സന്തോഷകരമായ മൂഹൂർത്തങ്ങളും കരിയിലെ മനോഹരമായ നിമിഷങ്ങളും നവ്യ പങ്കുവെയ്ക്കാൻ മറക്കാറില്ല. നവ്യയുടെ പോസ്റ്റുകൾക്ക് മികച്ച സ്വീകാര്യതയാണ് ലഭിക്കുന്നത്. സിനിമയിൽ നിന്ന് വിട്ട്നിന്നിട്ടും പ്രേക്ഷകരുടെ മനസിൽ ഇപ്പോഴും നവ്യയുണ്ടെന്നുളളതിന്റെ ഉത്തമ ഉദാഹരണമാണിത്.

മകന്റെ പിറന്നാൾ

ഇപ്പോൾ സോഷ്യൽ മീഡിയയിൽ വൈറലാകുന്നത് മകന്റെ പിറന്നാൾ ആഘോഷ ചിത്രങ്ങളാണ്. വിവാഹ ശേഷം ഭർത്താവിനും കുട്ടിയ്ക്കൊപ്പം നവ്യം മുബൈയിലാണ് താമസം. സായ് കൃഷ്ണയുടെ എട്ടാം പിറന്നാൾ ചിത്രമാണ് ഫേസ്ബുക്കിൽ പങ്കുവെച്ചിരിക്കുന്നത്. മകനോടൊപ്പവും ഭർത്താവിനോടൊപ്പവുമുളള പിറന്നാൾ ആഘോഷ ചിത്രമാണ് പങ്കുവെച്ചിരിക്കുന്നത്. 2010 ലായിരുന്നു സന്തോഷ് മേനോനുമായുള്ള നവ്യയുടെ വിവാഹം.

പുതിയ കാർ

കഴിഞ്ഞ കുറച്ച് ദിവസങ്ങൾ മുൻപായിരുന്നു നവ്യ പുതിയ കാറു വാങ്ങിയത്. പുതിയ കാറിനോടൊപ്പമുളള താര കുടുംബത്തിന്റെ ചിത്രം സോഷ്യൽ മീഡിയയിൽ വൈറലായിരുന്നു. ഭർത്താവ് സന്തോഷ് മേനോനും മകൻ സായ്ക്കൊപ്പം കാറിന്റെ തക്കോൽ വാങ്ങുന്നതും വാഹന പൂജ ചിത്രങ്ങളും താരം പങ്കുവെച്ചിരുന്നു. മെഴ്‌സിഡസ് ബെന്‍സിന്റെ ആഡംബര വാഹനങ്ങളിലൊന്നായ ഇ ക്ലാസാണ് താരകുടുംബം സ്വന്തമാക്കിയത്. ചിത്രത്തിന് മികച്ച സ്വീകാര്യതയായിരുന്നു സോഷ്യൽ മീഡിയയിലൂടെ ലഭിച്ചത്.

ചിന്നം ചെറു കിളിയേ

സിനിമയിൽ നിന്ന് ബ്രേക്ക് എടുത്തുവെങ്കിലും നൃത്തവുമായി താരം മുന്നോട്ട് പോകുകയാണ്. നൃത്തത്തിലൂടെ സിനിമയിൽ എത്തിയ നടിയാണ് നവ്യ. താരത്തിന്റെ ഏറ്റവും പുതിയ നൃത്ത ആൽബമാണ് ചിന്നം ചെറു കിളിയേ.അമ്മയും കുഞ്ഞും തമ്മിലുളള നിരുപാധികമായ സ്നേഹമാണ് നൃത്തത്തിന്റെ പ്രമേയം. അമ്മയ്ക്ക് കുഞ്ഞിനോടുള്ള സ്നേഹവും വാത്സല്യവും കരുതലും നൃത്ത രൂപത്തിൽ അവതരിപ്പിക്കുന്നുണ്ട്. ഏറെ ലാളിച്ച് വളർത്തിയ കുട്ടിയെ നഷ്ടമാകുമ്പോൾ ഒരു അമ്മ നേരിടുന്ന മനസികാവസ്ഥയും നൃത്തിലൂടെ നവ്യ പ്രേക്ഷകരിൽ എത്തിക്കുന്നുണ്ട്. ഇന്നത്തെ സാഹചര്യത്തിൽ ഏറെ പ്രസക്തമായ ഒരു പ്രമേയമാണ് നൃത്തരൂപത്തിൽ താരം അവതരിപ്പിച്ചിരിക്കുന്നത്. മികച്ച പ്രേക്ഷക സ്വീകാര്യതായാണ് ഡാൻസിന് ലഭിക്കുന്നത്.

സിനിമയിലെ റീ എൻട്രി

വർഷങ്ങൾ ഒരുപാട് കഴിഞ്ഞിട്ടും ഇന്നും പ്രേക്ഷകരുടെ മനസ്സിൽ നവ്യ ചെയ്ത അവിസ്മരണീയമാക്കിയ ഒരുപാട് കഥാപാത്രങ്ങളുണ്ട്. ചുരുങ്ങിയ സമയത്തിനുളളിൽ മികച്ച ചിത്രങ്ങളുടെ ഭാഗമാകാൻ താരത്തിന് കഴിഞ്ഞിട്ടുണ്ട്. നന്ദനത്തിലെ ബാലമണിയും, ഇഷ്ടത്തിലെ അഞ്ജനയും കല്യാണ രാമനിലെ ഗൗരിയുമെല്ലാം ഇന്നും ജനങ്ങൾക്കിടയിൽ ചർച്ച വിഷയമാകാറുണ്ട്. പഴയ നടിമാർ വിവാഹ ശേഷവും തിരിച്ച് സിനിമയിൽ എത്തുകയാണ്. നവ്യയുടെ റീ എൻട്രീ എപ്പോഴാണെന്നാണ് ആരാധകർ ഉറ്റുനോക്കുന്നത്. ഡാൻസിലൂടെ വീണ്ടും സിനിമയിൽ സജീവമാകാൻ പോകുകയാണോ എന്നാണ് പ്രേക്ഷകർ ചോദിക്കുന്നത്.