ലെഗ്‌ഡേ ഹാഷ്ടാഗില്‍ പുതിയ ചിത്രവുമായി നസ്രിയ! ഫഹദിനൊപ്പമുളള ചിത്രം ഏറ്റെടുത്ത് ആരാധകര്‍

ചിത്രത്തില്‍ ഫഹദിനൊപ്പം സ്ലിം ആയിട്ടാണ് നസ്രിയയുളളത്. നടിയുടെ പുതിയ ചിത്രത്തിന് താഴെ കമന്റുകളുമായി ആരാധകരും സഹതാരങ്ങളുമെല്ലാം തന്നെ എത്തിയിരുന്നു. ബാംഗ്ലൂര്‍ ഡേയ്‌സിന്റെ വലിയ വിജയത്തിന് പിന്നാലെയാണ് ഫഹദും നസ്രിയയും ജീവിതത്തിലും ഒന്നിച്ചത്. അടുത്തിടെയാണ് ഇരുവരും തങ്ങളുടെ ആറാം വിവാഹ വാര്‍ഷികം ആഘോഷിച്ചിരുന്നത്.

വിവാഹ ശേഷം നാല് വര്‍ഷത്തിന്‌ ശേഷമാണ് നസ്രിയ വീണ്ടും സിനിമയില്‍ സജീവമായത്. അഞ്ജലി മേനോന്‍ സംവിധാനം ചെയ്ത കൂടെ എന്ന ചിത്രത്തിലൂടെയായിരുന്നു നടിയുടെ തിരിച്ചുവരവ്. തിരിച്ചുവരവില്‍ അഭിനയത്തിന് പുറമെ നിര്‍മ്മാതാവായും ഗായികയായുമൊക്കെ നസ്രിയ തിളങ്ങിയിരുന്നു. അതേസമയം വിവാഹ ശേഷം നസ്രിയ നല്‍കാറുളള പിന്തുണയെ കുറിച്ചൊക്കെ ഫഹദ് തുറന്നുപറഞ്ഞിട്ടുണ്ട്.

വിവാഹ ശേഷം ഈ വര്‍ഷമാദ്യം ട്രാന്‍സ് എന്ന ചിത്രത്തിലും ഫഹദും നസ്രിയയും ഒന്നിച്ചഭിനയിച്ചിരുന്നു. അന്‍വര്‍ റഷീദ് സംവിധാനം ചെയ്ത ചിത്രത്തിന് സമ്മിശ്ര പ്രതികരണമാണ് തിയ്യേറ്ററുകളില്‍ ലഭിച്ചത്. തിരുവോണത്തിന് പുറത്തിറങ്ങിയ മണിയറയിലെ അശോകനാണ് നസ്രിയയുടെതായി ഒടുവില്‍ ഇറങ്ങിയ ചിത്രം.

ദുല്‍ഖര്‍ സല്‍മാന്‍ നിര്‍മ്മിച്ച ചിത്രത്തില്‍ അതിഥി വേഷത്തിലാണ് നസ്രിയ അഭിനയിച്ചത്. മലയാളത്തിന് പുറമെ തമിഴിലും തിളങ്ങിയ താരമാണ് നസ്രിയ. തമിഴില്‍ സൂപ്പര്‍ താരങ്ങളുടെയെല്ലാം നായികയായി നടി തിളങ്ങിയിരുന്നു. അറ്റ്‌ലീ സംവിധാനം ചെയ്ത രാജാറാണി എന്ന ചിത്രത്തിലെ നടിയുടെ പ്രകടനം വലിയ രീതിയില്‍ ശ്രദ്ധിക്കപ്പെട്ടിരുന്നു. ആര്യയാണ് ചിത്രത്തില്‍ നായക വേഷത്തില്‍ എത്തിയിരുന്നത്.