പൃഥ്വിയും പാര്‍വതിയുമല്ല.. നസ്രിയയാണ് താരം.. അഞ്ജലി മേനോന്‍ ചിത്രത്തിന് 18ന് തുടക്കം!

ശക്തമായ തിരിച്ചുവരവ്

പ്രേക്ഷകര്‍ ആഗ്രഹിക്കുന്നത് പോലെ തന്നെ ശ്കതമായ കഥാപാത്രവുമായാണ് നസ്രിയ സിനിമയിലേക്ക് തിരിച്ചുവരുന്നത്. എന്നാല്‍ കഥാപാത്രത്തിന്റെ കൂടുതല്‍ വിവരങ്ങള്‍ ഇപ്പോഴും പുറത്തുവിട്ടിട്ടില്ല.

നായകനായി ദുല്‍ഖര്‍ എത്തുമെന്ന് പ്രചരിച്ചിരുന്നു

നസ്രിയയുടെ നായകനായി ദുല്‍ഖര്‍ സല്‍മാന്‍ എത്തുന്നുവെന്ന തരത്തിലും വാര്‍ത്തകള്‍ പ്രചരിച്ചിരുന്നു. പാര്‍വതിയും പൃഥ്വിരാജും നായികാനായകന്‍മാരായെത്തുന്ന ചിത്രത്തില്‍ നസ്രിയയുടെ വേഷത്തെക്കുറിച്ച് അറിയാനാണ് ആരാധകര്‍ കാത്തിരിക്കുന്നത്.

പേരിടാത്ത ചിത്രം

അഞ്ജലി മേനോന്‍ തിരക്കഥയൊരുക്കുന്ന ചിത്രത്തിന് ഇതുവരെ പേരിട്ടിട്ടില്ല. അഞ്ജലി മേനോനും രഞ്ജിത്തും ചേര്‍ന്നാണ് ചിത്രം നിര്‍മ്മിക്കുന്നത്. സംവിധാനത്തില്‍ മികവ് തെളിയിച്ചിട്ടുള്ള അഞ്ജലിയുടെ പുതിയ ചിത്രം പ്രഖ്യാപിച്ചപ്പോള്‍ പ്രേക്ഷകര്‍ ഏറെ സന്തോഷത്തിലായിരുന്നു.

ഊട്ടിയില്‍ ചിത്രീകരണം

ഒക്ടോബര്‍ 18 ന് ഊട്ടിയില്‍ വെച്ചാണ് ചിത്രത്തിന് തുടക്കം കുറിക്കുന്നത്. ദുബായിലും ഊട്ടിയിലുമായാണ് ചിത്രത്തിന്റെ പ്രധാന ഭാഗങ്ങള്‍ ചിത്രീകരിക്കുന്നത്. നായകന്റെ തിരക്കിനെത്തുടര്‍ന്നാണ് ചിത്രീകരണം നീളുന്നതെന്ന തരത്തിലും റിപ്പോര്‍ട്ടുകളുണ്ട്.

നസ്രിയയെ കാണാനായി കാത്തിരിക്കുന്നു

നസ്രിയയുടെ തിരിച്ചു വരവിനായാണ് സിനിമാലോകവും പ്രേക്ഷകരും കാത്തിരിക്കുന്നത്. നായകന്‍ ആരായാലും താരത്തിനെ കാണാനായുള്ള കാത്തിരിപ്പിലാണ് ആരാധകര്‍.

ഫഹദിന്റെ പിന്തുണ

ഓണ്‍സ്‌ക്രീനിലെ മികച്ച ജോഡികള്‍ ജീവിതത്തിലും മികച്ച കെമിസ്ട്രിയാണ് കാത്തുസൂക്ഷിക്കുന്നത്. വിവാഹ ശേഷം നസ്രിയയെ അഭിനയിക്കാന്‍ വിടുമോയെന്ന് ആരാധകര്‍ ഫഹദിനോട് ചോദിച്ചിരുന്നു. മികച്ച അവസരം ലഭിച്ചാല്‍ തിരിച്ചുവരുമെന്നായിരുന്നു ഇരുവരും വ്യക്തമാക്കിയിരുന്നത്.