സിനിമ ചെയ്തിട്ട് നാലു വർഷമായി എന്ന് തോന്നുന്നില്ല!പിന്തുണയ്ക്ക് നന്ദി, നസ്രിയയുടെ പ്രതികരണം കാണൂ

ഞാൻ ഇവിടെ തന്നെ ഉണ്ട്

നസ്രിയ തന്റെ ഫേസ് ബുക്ക് പേജിലൂടെയാണ് പ്രേക്ഷകരോട് നന്ദി അറിയിച്ചത്. രണ്ടാം വരവിൽ ആരാധകർ സമ്മാനിച്ച ഗംഭീര സ്വീകരണത്തിൽ താരം ഏറെ സന്തോഷവതിയാണ്. അത് വീഡിയോയിൽ നിന്ന് വ്യക്തമാണ്. പ്രേക്ഷകരുടെ ഈ പിന്തുണ കാണുമ്പോൾ താൻ ഒരു ചിത്രം അഭിനയിച്ചിട്ട് നാലു വർഷമായി എന്നോ നാലുവർഷത്തിനു ശേഷമാണ് വീണ്ടു സിനിമയിലേയ്ക്ക് തിരിച്ചു വരുന്നതെന്നുളള തോന്നലുല്ലെന്നും നസ്രിയ വീഡിയോയിൽ പറയുന്നുണ്ട്. ഞാൻ ഇവിടെ തന്നെ ഉണ്ടായിരുന്നുവെന്നുള്ള രീതിയിലാണ് തന്നെ പ്രേക്ഷകർ പരിഹണിച്ചിരിക്കുന്നതെന്നും താരം പറയുന്നു. ഇതു പോലെ ചിത്രത്തിലുടനീളം കൂടെയുണ്ടാകണമെന്നും താരം വീഡിയോയിൽ പറയുന്നുണ്ട്

അഞ്ജലി മേനോൻ മാജിക്

അ‍ഞ്ജലി മേനോൻ ചിത്രങ്ങൾ എല്ലാം തന്നെ പ്രേക്ഷകർ ആകാംക്ഷയോടേയും പ്രതീക്ഷയോടേയുമാണ് കാത്തിരിക്കുന്നത്. മഞ്ചാടിക്കുരു, ബംഗ്ലൂർ ഡെയ്സ്, ബോക്സ് ഓഫീസിൽ വൻ വിജയം നേടിയ ചിത്രങ്ങളായിരുന്നു. അതിനു ശേഷം പുറത്തു വരുന്ന ചിത്രമാണ് കൂടെ. ചിത്രത്തേയും ഏറെ ആകാംക്ഷയോടെയാണ് പ്രേക്ഷകർ കാത്തിരിക്കുന്നത്, പാർവതി, പൃഥ്വിരാജ്, നസ്രിയ എന്നീ യുവതാരങ്ങളാണ് ചിത്രത്തിൽ അണിനിരക്കുന്നത്.

പൃഥ്വി-നസ്രിയ കെമിസ്ട്രി

പൃഥ്വിയുടെ സഹോദരിയായിട്ടാണ് നസ്രിയ ചിത്രത്തിലെത്തുന്നത് . യഥാർഥ ജീവിതത്തിലുംതാരങ്ങൾ അങ്ങനെ തന്നെയാണ്. അതിനാൽ തന്നെ ഇവർ തമ്മിലുളള സീനുകളിൽ അത് പ്രതിഫലിക്കുമെന്നത് ഉറപ്പാണ്. നീലഗിരി താഴ്വരയിലെ കൊച്ചു ഗ്രാമമാണ് സിനിമയുടെ പശ്ചാത്തലം.സാധാരണ ഗ്രാമീണ കുടുംബം, സഹോദരങ്ങൾ തമ്മിലുള്ള അടുപ്പവുമാണ് ചിത്രത്തിലെ പ്രമേയം. കൂടെ അഞ്ജലി മേനോൻ ചിത്രങ്ങളിൽ കാണാറുള്ള സ്ഥിരം മാജികും കൂടെയി കാണും.

നസ്രിയയെ കൂടാതെ വൻ താരനിര

സംവിധായകൻ രഞ്ജിത്ത് പ്രധാന കഥാപാത്രത്തെ അവതരിപ്പിക്കുന്നു. പാർവതി, മാല പാർവതി, അതുൽ കുൽക്കർണി തുടങ്ങിയവർക്കൊപ്പം ആനന്ദ'ത്തിലെ റോഷൻ മാത്യു, ‘മായാനദി'യിൽ നായികയുടെ കൂട്ടുകാരിയായെത്തുന്ന ദർശന എന്നിവർ ഉൾപ്പെടെയുള്ള യുവ താരനിര ചിത്രത്തിൽ അണിനിരക്കുന്നുണ്ട്. കൂടൊതെ ചിത്രത്തിലെ ആദ്യ ഗാനം ഇപ്പോൾ യൂട്യൂബിൽ ട്രെന്റിങ്ങായിരിക്കുകയാണ്. ആറു പാട്ടുകളാണ് ചിത്രത്തിലുളളത്. അതിൽ നാലെണ്ണം ഒരുക്കിയിരിക്കുന്നത് ബോളിവു‍‍ഡ് സംഗീത സംവിധായകൻ രഘു ദീക്ഷിത്. രണ്ടെണ്ണം എം. ജയചന്ദ്രനും.