മമ്മൂട്ടിയും നെടുമുടി വേണുവും തമ്മില്‍ കടുത്ത മത്സരം, അവസാനം വരെ മത്സരിച്ചു, ഒടുവില്‍ വിജയിച്ചതോ ??

പുരസ്‌കാരത്തിനായി ഏറ്റുമുട്ടിയ താരങ്ങള്‍

താരങ്ങളുടെ അഭിനയ മികവിന് പ്രേക്ഷകര്‍ മാത്രമല്ല സംസ്ഥാന സര്‍ക്കാരും പുരസ്‌കാരം നല്‍കാറുണ്ട്. അവാര്‍ഡ് നല്‍കുന്നതുമായി ബന്ധപ്പെട്ട് പ്രവര്‍ത്തിക്കുന്ന ജൂറിയാണ് പുരസ്‌കാരങ്ങള്‍ ആര്‍ക്കു ലഭിക്കണമെന്നുള്ളത് തീരുമാനിക്കുന്നത്. പ്രേക്ഷകരടക്കം മികച്ചതെന്ന് വിലയിരുത്തിയ പല ചിത്രങ്ങള്‍ക്കും താരങ്ങള്‍ക്കും പുരസ്‌കാരങ്ങള്‍ ലഭിക്കാതിരുന്ന സംഭവങ്ങളും ഉണ്ടായിട്ടുണ്ട്.

നെടുമുടി വേണുവും മമ്മൂട്ടിയും നേര്‍ക്കു നേര്‍

1987 ലെ സംസ്ഥാന പുരസ്‌കാരവേളയിലാണ് മമ്മൂട്ടിയും നെടുമുടി വേണുവും ഏറ്റുമുട്ടിയത്. മികച്ച നടനുള്ള പുരസ്‌കാരത്തിനായി ഇരുവരും തമ്മില്‍ അവസാനം വരെ പോരാടിയിരുന്നു. ഒന്നിനൊന്ന് മികച്ച ചിത്രങ്ങളുമായി മികച്ച നടനുള്ള അവസാന പട്ടികയില്‍ ഇരുവരും മത്സരിച്ചിരുന്നു.

മമ്മൂട്ടി ഓര്‍ നെടുമുടി വേണു, ആ വര്‍ഷത്തെ പുരസ്‌കാരം ലഭിച്ചത്

മികച്ച നടനെ തിരഞ്ഞെടുക്കുന്നതിനായി ആ വര്‍ഷത്തെ ജൂറി ഏറെ ബുദ്ധിമുട്ടിയിരുന്നു. തനിയാവര്‍ത്തനത്തിലെ ബാലനും ന്യൂഡല്‍ഹിയിലെ ജികെയും മമ്മൂട്ടിയുടെ കരിയറിലെ തന്നെ എക്കാലത്തെയും മികച്ച കഥാപാത്രങ്ങളായിരുന്നു. ഒരു മിന്നാമിനുങ്ങിന്റെ നുറുങ്ങുവെട്ടത്തിലെ മാഷായി നെടുമുടി വേണുവും മികച്ച പ്രകടനമാണ് കാഴ്ച വെച്ചത്.

മമ്മൂട്ടിയെ കടത്തിവെട്ടി നെടുമുടി വേണു പുരസ്കാരം നേടി

1987 ല്‍ മികച്ച നടനുള്ള പുരസ്‌കാരം സ്വന്തമാക്കിയത് നെടുമുടി വേണുവായിരുന്നു. മിന്നാമിനുങ്ങിന് നുറുങ്ങുവെട്ടം എന്ന ചിത്രത്തിലെ അവിസ്മരണീയ പ്രകടനമാണ് താരത്തിന് ഈ നേട്ടം സമ്മാനിച്ചത്.