മോഹന്‍ലാലിന്‍റെ സര്‍പ്രൈസ് പ്രൊജക്ടായ നീരാളിയുടെ ഷൂട്ട് പൂര്‍ത്തിയായി, ഇനി നാളെണ്ണി കാത്തിരിക്കാം!

നീരാളിയുടെ ചിത്രീകരണം പൂര്‍ത്തിയാക്കി

നീരാളിയുടെ ചിത്രീകരണം പൂര്‍ത്തിയാക്കിയെന്നുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്. ഫേസ്ബുക്ക് പേജിലൂടെയാണ് അണിയറപ്രവര്‍ത്തകര്‍ ഈ സന്തോഷ വാര്‍ത്ത പുറത്തുവിട്ടത്.

ത്രില്ലര്‍ സിനിമയാണെന്ന് റിപ്പോര്‍ട്ടുകള്‍

രാംഗോപാല്‍ വര്‍മ്മ, രാജീവ് അഞ്ചല്‍ തുടങ്ങിയവരുടെ അസോസിയേറ്റായി പ്രവര്‍ത്തിച്ച പരിചയവുമായാണ് അജോയ് വര്‍മ്മ സിനിമയൊരുക്കുന്നത്. സിനിമയെക്കുറിച്ചുള്ള കൂടുതല്‍ വിവരങ്ങളൊന്നും അണിയറപ്രവര്‍ത്തകര്‍ ഇതുവരെ പുറത്തുവിട്ടിരുന്നില്ല.

മോഹന്‍ലാലിന്റെ ഭാര്യയായി നദിയ മൊയ്തു

വര്‍ഷങ്ങള്‍ നീണ്ട ഇടവേളയ്ക്ക് ശേഷമാണ് നദിയ മൊയ്തു മലയാള സിനിമയിലേക്ക് തിരിച്ചെത്തുന്നത്. മോഹന്‍ലാലിന്റെ ഭാര്യയായാണ് താരം അഭിനയിക്കുന്നത്. ഇരുവരും ഒരുമിച്ചുള്ള ചിത്രം സോഷ്യല്‍ മീഡിയയിലൂടെ വൈറലായിരുന്നു.

പാര്‍വതി നായരും സിനിമയിലുണ്ട്

സിജു തോമസിന്റെ തിരക്കഥയിലൊരുക്കിയ ചിത്രത്തില്‍ പാര്‍വതി നായരും അഭിനയിക്കുന്നുണ്ട്. സുരാജ് വെഞ്ഞാറമൂട്, ദിലീഷ് പോത്തന്‍, സായ്കുമാര്‍ തുടങ്ങിയവരും ചിത്രത്തില്‍ വേഷമിടുന്നുണ്ട്.

സംവിധായകന്‍ തന്നെ എഡിറ്റ് ചെയ്യുന്നു

സന്തോഷ് തുണ്ടിയിലാണ് സിനിമട്ടോഗ്രഫി കൈകാര്യം ചെയ്യുന്നത്. സറ്റീഫന്‍ ദേവസിയാണ് സംഗീത വിഭാഗം കൈകാര്യം ചെയ്യുന്നത്. മൂണ്‍ ഷോട്ട് എന്റര്‍ടൈയിന്‍മെന്റിന്റെ ബാനറില്‍ സന്തോഷ് ടി കുരുവിളയാണ് ചിത്രം നിര്‍മ്മിക്കുന്നത്.

വിഷുവിന് തിയേറ്ററുകളിലേക്കെത്തുമെന്നുള്ള റിപ്പോര്‍ട്ടുകള്‍

ഒടിയന് മുന്‍പ് ചിത്രീകരണം ആരംഭിച്ച സിനിമ നേരത്തെ തന്നെ റിലീസ് ചെയ്യുമെന്നും റിപ്പോര്‍ട്ടുകളുണ്ട്. വിഷുവിന് ചിത്രം തിയേറ്ററുകളിലേക്കെത്തിക്കാനുള്ള തയ്യാറെടുപ്പിലാണ് അണിയറപ്രവര്‍ത്തകര്‍. എന്നാല്‍ ഇക്കാര്യത്തെക്കുറിച്ചുള്ള ഔദ്യോഗിക സ്ഥിരീകരണം ഇതുവരെയും വന്നിട്ടില്ല.