അച്യുതന്‍ തട്ടിലില്ലെന്നറിയാതെ മോശം കമന്‍റിട്ടു! സിനിമ കണ്ട് കാശ് പോയെന്ന്! പിന്നീട് സംഭവിച്ചതോ?കാണൂ

പൊട്ട പടം കാശ് പോയി

റിലീസ് ചെയ്ത് മണിക്കൂറുകള്‍ പിന്നിടുന്നതിനിടിയലല്ല മറിച്ച് തിയേറ്ററുകളിലേക്കെത്താനുള്ള അവസാന ഘട്ട തയ്യാറെടുപ്പുകള്‍ പുരോഗമിച്ച് വരുന്നതിനിടയിലാണ് സിനിമയെക്കുറിച്ച് ഇത്തരത്തിലൊരു കമന്റ്. റിലീസ് ചെയ്‌തോ ഇല്ലയോ എന്ന കാര്യത്തെക്കുറിച്ച് പോലും കമന്റിട്ടയാള്‍ക്ക് ബോധ്യമില്ലെന്ന് വ്യക്തമായിരിക്കുകയാണ് ഇപ്പോള്‍. പൊട്ട പടം കാശ് പോയെന്നായിരുന്നു ഹിഷാം എന്നയാളുടെ കമന്റ്. ക്രിസ്മസിന് ഏത് സിനിമയായിരിക്കും ബോക്‌സോഫീസ് തകര്‍ക്കുന്നതെന്ന തരത്തിലുള്ള ചര്‍ച്ചയ്ക്കിടയിലായിരുന്നു ഇത്തരത്തിലൊരു കമന്റ്.

ടൈമിങ് തെറ്റി

സിനിമ റിലീസായിട്ടില്ലെന്നും ടൈമിങ്ങ് തെറ്റിയെന്നുമായിരുന്നു ഒരാളുടെ കമന്റ്. ഇത്തരത്തിലുള്ളവരെ പോത്സാഹിപ്പിക്കരുതെന്ന തരത്തിലുള്ള കമന്റുകളും സോഷ്യല്‍ മീഡിയയില്‍ ഉയര്‍ന്നുവന്നിട്ടുണ്ട്. മാസങ്ങളോളം നീണ്ടുനിന്ന പ്രയ്തനത്തിനൊടുവിലാണ് സിനിമയുമായി സംവിധായകനും സംഘവും എത്തുന്നത്. അത് എത്തേണ്ടവരിലേക്ക് എത്താനുള്ള സമയം പോലും നല്‍കാതെയുള്ള പ്രവര്‍ത്തികളെ അംഗീകരിക്കാനാവില്ലെന്നും ആരാധകര്‍ വ്യക്തമാക്കുന്നു. സോഷ്യല്‍ മീഡിയയിലൂടെ വ്യാപക പ്രതിഷേധമാണ് അരങ്ങേറിക്കൊണ്ടിരിക്കുന്നത്.

നാളെ പടം കാണണേ

തട്ടുംപുറത്ത് അച്യുതന്‍ റിലീസായി എന്ന് കരുതി പാവം, ഹിഷാമെ നാളെ പടം കാണണമേയെന്നും പറഞ്ഞ് സംവിധായകനായ ലാല്‍ ജോസ് കമന്റിന്‍രെ സ്‌ക്രീന്‍ ഷോട്ട് ഫേസ്ബുക്കിലൂടെ പങ്കുവെച്ചിട്ടുണ്ട്. ഇതിനോടകം തന്നെ അദ്ദേഹത്തിന്റെ പോസ്റ്റും വൈറലായി മാറിയിട്ടുണ്ട്. നിരവധി പേരാണ് പോസ്റ്റിന് കീഴില്‍ കമന്റുകളുമായി എത്തിയിട്ടുള്ളത്.

ഫ്രീയായി ടിക്കറ്റ് കൊടുക്കൂ

നാളെ സിനിമ കാണാനുള്ള ടിക്കറ്റ് അദ്ദേഹത്തിന് ഫ്രീയായി കൊടുക്കൂ എന്നായിരുന്നു ഒരാളുടെ കമന്റ്. ഇതിനോടകം തന്നെ കമന്റിട്ടയാളുടെ പേജിലും പൊങ്കാല തുടങ്ങിയിരുന്നു. ഇത്തരത്തിലുള്ള വ്യാജ പ്രചാരണങ്ങളെ വച്ച് പൊറുപ്പിക്കരുതെന്ന തരത്തിലുള്ള ആഹ്വാനങ്ങളുമായി കുഞ്ചാക്കോ ബോബന്റെ ആരാധകരും രംഗത്തെത്തിയിട്ടുണ്ട്.

ഇത് കലക്കി

ഇത്തരത്തിലുള്ള പ്രചാരണങ്ങളെ കൈയ്യോടെ പിടികൂടിയ നീക്കം കലക്കിയെന്നും അയാള്‍ക്ക് നല്‍കിയ മറുപടി കലക്കിയെന്നും പറഞ്ഞായിരുന്നു ഒരാളുടെ കമന്റ്. സിനിമ കാണാതെയാണ് പലരും ഒടിയനെതിരെ നെഗറ്റീവ് പോസ്റ്റിട്ടതെന്ന് സംവിധായകനും താരങ്ങളുമൊക്കെ വ്യക്തമാക്കിയിരുന്നു. സമാനമായ കാര്യങ്ങളാണ് ഇപ്പോഴത്തേതെന്ന് വ്യക്തമാക്കിയാണ് സോഷ്യല്‍ മീഡിയ രംഗത്തെത്തിയത്.

സംവിധായകന്റെ പോസ്റ്റ് കാണൂ

ലാല്‍ ജോസിന്റെ പോസ്റ്റ് കാണാം.