അമ്മയില്‍ നിന്ന് വേര്‍പെട്ട് കെപിഎസി ലളിത പുതിയ സംഘടന രൂപീകരിക്കുന്നോ, നടി പറയുന്നു

പ്രചരിച്ച വാര്‍ത്ത

താരസംഘടനയായ അമ്മയില്‍ നിന്ന് വേര്‍പിരിഞ്ഞ് കെപിഎസി ലളിത പുതിയ സംഘടന രൂപീകരിക്കാന്‍ പോകുന്നു എന്നും അത് സ്ത്രീ സംഘടനയാണെന്നുമായിരുന്നു വാര്‍ത്തകള്‍.

ലളിതയോട് ചോദിച്ചപ്പോള്‍

തീര്‍ത്തും വാസ്തവ വിരുദ്ധമായ കാര്യമാണ് പ്രചരിക്കുന്നത് എന്നാണ് കെപിഎസി ലളിതയോട് ഇത് സംബന്ധിച്ച് പ്രതികരണം ചോദിച്ചപ്പോള്‍ കിട്ടിയ മറുപടി. അങ്ങനെ ഒരു ചിന്തയേ തനിക്കില്ല എന്നും ലളിത പറഞ്ഞു.

എന്റെ ലോകത്താണ്

ഇങ്ങനെ ഒരു സംഘടന രൂപീകരിക്കുന്നതായ കാര്യം ഞാനെവിടെയും കേട്ടിട്ടില്ല. ഞാന്‍ എന്റേതായ ലോകത്താണ്. വിവാദങ്ങളോടൊന്നും താത്പര്യമില്ല. ഒന്നിനോടും പ്രതികരിക്കാനും ഞാനില്ല- എന്നാണ് ലളിത പറഞ്ഞത്.

മഞ്ജു പറഞ്ഞത്

മഞ്ജു വാര്യരും വിവാദങ്ങളില്‍ നിന്നെല്ലാം വിട്ടു നില്‍ക്കുകയാണ്. പാര്‍വ്വതി വിഷയത്തില്‍ പ്രതികരണം ചോദിച്ചപ്പോഴും പ്രതികരിക്കാന്‍ താത്പര്യമില്ലെന്ന് നടി പറഞ്ഞു.