തിരിച്ചുവരവില്‍ ഏറെ കടപ്പെട്ടിരിക്കുന്നത് നാദിര്‍ഷയോട്; സലീം കുമാര്‍

കട്ടപ്പനയിലൂടെ തിരിച്ചുവരവ്

ജോലിക്കുപോയാല്‍ കുടുംബം രക്ഷപ്പെടും. രാജ്യം രക്ഷപ്പെടും അതോടെ ലോകവും രക്ഷപ്പെടും, അപ്പോള്‍ പാകിസ്ഥാനും രക്ഷപ്പെടും അതുകൊണ്ട് ഞാന്‍ ജോലിക്ക് പോകില്ലെന്ന നക്‌സല്‍ ചന്ദ്രന്റെ ഡയലോഗ് പ്രേക്ഷകര്‍ ഏറ്റെടുത്തു കഴിഞ്ഞു. സൂപ്പര്‍ താരങ്ങളില്ലാത്ത സിനിമയായതിനാല്‍ വിജയിക്കുമോ എന്ന ടെന്‍ഷന്‍ ഉണ്ടായിരുന്നു. എന്നാല്‍ കുറവുകള്‍ കൂടുതലുള്ളവന്റെ കഥ പ്രേക്ഷകര്‍ ഏറ്റെടുത്തു കഴിഞ്ഞു.

പതിവ് ക്ലാപ്പടി

നാദിര്‍ഷയുടെ ആദ്യ ചിത്രമായ അമര്‍ അക്ബര്‍ അന്തോണിയില്‍ അഭിനയിക്കാന്‍ സാധിച്ചിരുന്നില്ല. ശാരീരിക അസ്വസ്ഥതകള്‍ കാരണം ബുദ്ധിമുട്ടനുഭവിക്കുന്ന സമയമായിരുന്നു. പക്ഷേ ആ ചിത്രത്തിന് ക്ലാപ്പടിച്ചത് താനാണെന്നും സലീംകുമാര്‍ പറഞ്ഞു. കട്ടപ്പനയിലെ ഋതിക് റോഷനിലും ആ റോള്‍ ഞാനാണ് ചെയ്തത്.

ബോറടിച്ചപ്പോള്‍ ഇടവേള എടുത്തു

ബോറടിച്ചാല്‍ സിനിമ വിടുമെന്ന് നേരത്തേ ഞാന്‍ പറഞ്ഞിരുന്നു. മൂന്നുവര്‍ഷത്തോളം സിനിമയില്‍ നിന്ന് വിട്ടുനിന്നു. എന്റെ രോഗങ്ങളും അതിനൊരു കാരണമായെന്ന് സലീം കുമാര്‍ പറയുന്നു.

ഹാസ്യനടനായി അഭിനയിക്കാനാണ് താല്‍പര്യം

ആത്യന്തികമായി താന്‍ ഹാസ്യനടനാണ്. കോമഡിയാണ് എന്നെ വളര്‍ത്തിയത്. കോമഡി റോളുകള്‍ ചെയ്യാനാണ് കൂടുതല്‍ താല്‍പര്യമെന്നും താരം വ്യക്തമാക്കി.