Don't Miss!
- News 'രാഹുല് ഗാന്ധി ലീഗ് പതാക പിടിച്ചു': ഹിന്ദു വിരുദ്ധ വികാരം പടർത്തുന്നുവെന്ന് കേന്ദ്ര മന്ത്രി
- Technology മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട്
- Automobiles ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ
- Sports IPL 2024: 42ലും കിങ്, ഒരൊറ്റ ഓവറില് ധോണിക്ക് ഫിഫ്റ്റി! അപ്പോള് നേരത്തേ ഇറങ്ങിയാല് എന്താവും?
- Travel ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ
- Lifestyle രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
- Finance കുറയാൻ മറന്നിട്ടില്ല, സംസ്ഥാനത്ത് സ്വർണവിലയിൽ നേരിയ കുറവ്, ഇന്നത്തെ നിരക്കറിയാം
മഞ്ജു വാര്യരും ഐശ്വര്യ ലക്ഷ്മിയുമല്ല! മികച്ച നടിയായി നിമിഷ സജയൻ! ഇത്തവണ അവാർഡ് പൊളിച്ചു!
Recommended Video
49-ാം കേരള സംസ്ഥാന ചലച്ചിത്ര പുരസ്കാരങ്ങള് പ്രഖ്യാപിച്ചു. കഴിഞ്ഞ വര്ഷത്തെ പ്രകടനത്തില് മികച്ച നടനും നടിയും ആരായിരിക്കുമെന്ന് അറിയാനായിരുന്നു എല്ലാവരുടെയും കാത്തിരിപ്പ്. സാംസ്കാരിക മന്ത്രി എകെ ബാലനായിരുന്നു പുരസ്കാരങ്ങള് പ്രഖ്യാപിച്ചത്. പുരസ്കാരങ്ങള് പ്രഖ്യാപിക്കാന് മണിക്കൂറുകള് ബാക്കി നില്ക്കവേ നടി മഞ്ജു വാര്യര് മത്സരത്തിനില്ലെന്നുള്ള സൂചനകള് പുറത്ത് വന്നിരുന്നു.
ഒടുവില് ആരാധകരുടെ പ്രതീക്ഷകള് ശരിയാണെന്ന് വരുത്തി നടി നിമിഷ സജയൻ മികച്ച നടിയ്ക്കുള്ള പുരസ്കാരം സ്വന്തമാക്കിയിരിക്കുകയാണ്. ചോല എന്ന സിനിമയിലെ പ്രകടത്തിലൂടെയായിരുന്നു നിമിഷയെ തേടി ഈ അംഗീകാരം ലഭിച്ചത്.
നിമിഷ മികച്ച നടി
2018 ലെ മികച്ച നടിയായി തിരഞ്ഞെടുക്കപ്പെട്ടത് നടി നിമിഷ സജയനായിരുന്നു. സനല് കുമാര് ശശിധരന് സംവിധാനം ചെയ്ത ചോല എന്ന ചിത്രത്തിലൂടെയായിരുന്നു നിമിഷ സജയന് മികച്ച നടിയ്ക്കുള്ള പുരസ്കാരം ലഭിച്ചത്. സ്ത്രീ കേന്ദ്രീകൃതമാല്ലെങ്കിലും ലിംഗ രാഷ്ട്രീയം പറഞ്ഞൊരു ചിത്രമായിരുന്നു ചോല. ഇതൊരു റോഡ് മൂവിയായിരുന്നു.
തൊണ്ടിമുതലിലൂടെ
ദിലീഷ് പോത്തന് സംവിധാനം ചെയ്ത തൊണ്ടിമുതലും ദൃക്സാക്ഷിയും എന്ന ചിത്രത്തിലൂടെയായിരുന്നു നിമിഷ സജയന് സിനിമയിലേക്ക് അരങ്ങേറ്റം നടത്തിയത്. ആദ്യ സിനിമയിലെ നിമിഷയുടെ അഭിനയം ശ്രദ്ധിക്കപ്പെട്ടിരുന്നു. ഇതോടെ നടിയെ തേടി നിരവധി അവസരങ്ങളായിരുന്നു വന്നത്. ഇപ്പോള് മലയാള സിനിമയിലെ മുന്നിര നായികമാരില് ഒരാള് നിമിഷയാണ്.
നിമിഷയുടെ സിനിമകള്
തൊണ്ടിമുതലിന് ശേഷം ഈട എന്ന ചിത്രത്തില് ഷെയിന് നീഗത്തിന്റെ നായികയായിട്ടാണ് നിമിഷ ശ്രദ്ധിക്കപ്പെട്ടത്. ഈടയിലെ അഭിനയം പ്രേക്ഷക പ്രശംസ പിടിച്ച് പറ്റിയിരുന്നു. ശേഷം കുഞ്ചാക്കോ ബോബന്റെ നായികയായി മാംഗല്യം തന്തുനാനേന, ഒരു കുപ്രസിദ്ധ പയ്യന് എന്നീ സിനിമകളായിരുന്നു നിമിഷയുടേതായി റിലീസിനെത്തിയത്.
ഒരുപാട് സന്തോഷമുണ്ട്
മികച്ച നടിയായി തിരഞ്ഞെടുക്കപ്പെട്ടതില് ഒരുപാട് സന്തോഷമുണ്ടെന്നാണ് നിമിഷ സജയന് പറഞ്ഞിരിക്കുന്നത്. ഇതുവരെ ചെയ്ത ജോലി അംഗീകരിക്കപ്പെട്ടത്തില് സന്തോഷമുണ്ട്. ചോലയില് ഒരു സ്കൂള് കുട്ടിയുടെ വേഷമായിരുന്നു. ചെയ്തതില് ഏറ്റവും ബുദ്ധിമുട്ടായി തോന്നിയത് ചോലയിലെ വേഷമാണ്. ഇനിയും കഠിനാധ്വനം തുടരും. തരുന്ന ജോലി വൃത്തിയായി ചെയ്യുക മാത്രമാണ് ലക്ഷ്യം. മലയാളത്തില് നല്ല കഥാപാത്രങ്ങള് കിട്ടുന്നുണ്ടെന്നും നിമിഷ പറയുന്നു.
നോമിനേഷന്സ്
ഐശ്വര്യ ലക്ഷ്മി (വരത്തന്), ഉര്വ്വശി (അരവിന്ദന്റെ അതിഥികള്, എന്റെ ഉമ്മാന്റെ പേര്), നിമിഷ സജയന് ചേല, മഞ്ജു വാര്യര് (ഒടിയന്, ആമി), അനു സിത്താര (ക്യാപ്റ്റന്, കുപ്രസിദ്ധ പയ്യന്), എസ്തര് അനില് (ഓള്) എന്നിവരായിരുന്നു നോമിനേഷനില് ഉണ്ടായിരുന്നത്. അവസാന ഘട്ടത്തിലെത്തിയപ്പോഴായിരുന്നു മഞജു വാര്യര് മത്സരത്തിനില്ലെന്നുള്ള സൂചനകള് പുറത്ത് വന്നത്. നിമിഷ സജയന് പുറമേ ഐശ്വര്യ ലക്ഷ്മിയ്ക്കായിരുന്നു പുരസ്കാര സാധ്യത കൽപ്പിച്ചിരുന്ന മറ്റൊരു നടി.
ജൂറി അംഗങ്ങൾ
പ്രശ്സത സംവിധായകന് കുമാര് സാഹ്നിയാണ് ജൂറിയുടെ അധ്യക്ഷന്. ഡോ.പികെ പോക്കറാണ് രചനാ വിഭാഗം ജൂറി അധ്യക്ഷന്. സംവിധായകരായ ഷെറി ഗോവിന്ദന്, ജോര്ജ് കിത്തു, ക്യാമറമാന് കെജി ജയന്, സൗണ്ട് എന്ജീനിയര് മോഹന്ദാസ്, നിരൂപകനും സംവിധായകനുമായ വിജയകൃഷ്ണന്, എഡിറ്റര് ബിജു സുകുമാരന്, സംഗീത സംവിധായകന് പിജെ ഇഗ്നേഷ്യസ്, നവ്യ നായര്, എന്നിവരാണ് സിനിമാ വിഭാഗം ജൂറിയുടെ മറ്റ് അംഗങ്ങള്.
-
'അന്ന് പ്രതിഫലം ഒരു രൂപ... ഇപ്പോൾ വാങ്ങുന്നത് മൂന്ന് കോടി വരെ'; ചാക്കോച്ചനൊപ്പമെത്തി പ്രണവിന്റെയും പ്രതിഫലം?
-
അവള് എന്നെ വിട്ടു പോയില്ല; ചില വൃത്തികെട്ടവന്മാരെ പെണ്കുട്ടികള്ക്ക് ഇഷ്ടമാവും; ഭാര്യയെക്കുറിച്ച് ധ്യാന്
-
ചെയ്യാവുന്നതൊക്കെ ചെയ്തിട്ടുണ്ടെന്ന് ഡോക്ടര് പറഞ്ഞു; അവസാനം ആ ശീലവും നിര്ത്തി; സലിം കുമാര്