Don't Miss!
- News ഞെട്ടിക്കുന്ന വെളിപ്പെടുത്തലുമായി ശോഭ സുരേന്ദ്രന്; 'ബിജെപിയില് ചേരാനിരുന്നത് ഇപി ജയരാജന്'
- Automobiles 'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ
- Lifestyle പ്രശ്നം നിങ്ങളുടേതായിരിക്കില്ല, പക്ഷേ പങ്കാളി എത്ര പ്രകോപിപ്പിച്ചാലും ഈ ഒരു കാര്യം ചെയ്യരുത്
- Sports T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത്
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Technology ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
വിനീത് ശ്രീനിവാസന് വീണ്ടും; ഇത്തവണയും നായകന് നിവിന് പോളി തന്നെ
നിവിന് പോളിയും ശ്രീനിവാസനും വീണ്ടും ഒന്നിയ്ക്കുന്നു. വിനീത് ശ്രീനിവാസന് കഥയും തിരക്കഥയും എഴുതി സംവിധാനം ചെയ്യുന്ന പുതിയ ചിത്രത്തിലെ നായകന് നിവിന് പോളിയായിരിക്കുമെന്നാണ് കേള്ക്കുന്നത്. ആദ്യം താന് തന്നെ നായകനായി അഭിനയക്കാനായിരുന്നത്രെ വിനീതിന്റെ തീരുമാനം. എന്നാല് പിന്നീട് തന്റെ ഉറ്റ സുഹൃത്തും ഭാഗ്യ നടനുമായ നിവിന് പോളിയെ തീരുമാനിക്കുകയായിരുന്നുവത്രെ.
വിനീത് ശ്രീനിവാസന് ആദ്യമായി സംവിധാനം ചെയ്ത മലര്വാടി ആര്ട്സ് ക്ലബ്ബ് എന്ന ചിത്രത്തിലൂടെയാണ് നിവിന് പോളി വെള്ളിത്തിരയില് അരങ്ങേറ്റം കുറിച്ചത്. പിന്നീട് തട്ടത്തിന് മറയത്ത് എന്ന ചിത്രത്തിലൂടെ നിവിന് കരിയ ബ്രേക്ക് നല്കിയതും വിനീത് ശ്രീനിവാസന് തന്നെ. വിനീതിന്റെ തിരക്കില് പ്രജിത്ത് സംവിധാനം ചെയ്ത ഒരു വടക്കന് സെല്ഫി എന്ന ചിത്രവും നിവിന് പോളിയ്ക്ക് മികച്ച വിജയം നല്കി. അതിനിടയില് ഓം ശാന്തി ഓശാന എന്ന ചിത്രത്തില് ഇരുവരും ഒന്നിച്ച് അഭിനയിച്ചിരുന്നു.
ഇപ്പോള് നിവിന് പോളിയെ നായകനാക്കിഇ ഒരുക്കുന്ന പുതിയ ചിത്രത്തിന്റെ തിരക്കഥ പൂര്ത്തിയാക്കുന്ന തിരക്കിലാണ് വിനീത് ശ്രീനിവാസന്. ചിത്രത്തിലെ മറ്റ് താരങ്ങളെ തീരുമാനിച്ചിട്ടില്ല. അതേ സമയം വിനീത് നായകനായെത്തുന്ന കുഞ്ഞിരാമായണം എന്ന ചിത്രം ഓണത്തിന് തിയേറ്ററിലെത്താനിരിക്കുകയാണ്. നവാഗതനായ ബേസിലാണ് ചിത്രം സംവിധാനം ചെയ്തിരിയ്ക്കുന്നത്.
എബ്രിഡ് ഷൈന് സംവിധാനം ചെയ്യുന്ന ആക്ഷന് ഹീറോ ബിജു എന്ന ചിത്രത്തിലാണ് നിവിന് പോളി ഇപ്പോള് അഭിനയിച്ചുകൊണ്ടിരിയ്ക്കുന്നത്. അത് കഴിഞ്ഞാല് പ്രേമത്തില് ഒരു ചെറിയ വേഷത്തില് പ്രത്യക്ഷപ്പെട്ട അല്ത്താഫ് സംവിധാനം ചെയ്യുന്ന ചിത്രത്തിലായിരിക്കും നിവിന് അഭിനയിക്കുക. അല്ത്താഫിന്റെ ചിത്രം പൂര്ത്തിയായാല് പുതിയ നിവിന് പോളി- വിനീത് ശ്രീനിവാസന് ചിത്രം പണി തുടങ്ങും.