ലാലേട്ടന്റെ ഒടിയന്‍ മിന്നിക്കും! പ്രണയാര്‍ദ്രമായി ചിത്രത്തിലെ ആദ്യ ഗാനം! പാട്ട് കേള്‍ക്കാം

പ്രണയഗാനം

ഒടിയനിലെ കൊണ്ടോരാം കൊണ്ടോരം എന്നു തുടങ്ങുന്ന ഗാനമാണ് പുറത്തിറങ്ങിയിരിക്കുന്നത്. മോഹന്‍ലാല്‍ തന്നെയായിരുന്നു തന്റെ ഫേസ്ബുക്ക് പേജിലൂടെ ചിത്രത്തിന്റെ ഗാനം പുറത്തുവിട്ടിരുന്നത്. റഫീഖ് അഹമ്മദിന്റെ വരികള്‍ക്ക് എം.ജയചന്ദ്രനാണ് ഒടിയനിലെ പാട്ടുകള്‍ ഒരുക്കിയിരിക്കുന്നത്. സുദീപ്കുമാറും ശ്രേയാ ഘോഷാലും ചേര്‍ന്നാണ് ഈ പാട്ട് പാടിയിരിക്കുന്നത്. ചിത്രത്തിന്റെ ലിറിക്കല്‍ വീഡിയോ ആയിരുന്നു സമൂഹ മാധ്യമങ്ങളില്‍ പുറത്തിറങ്ങിയിരുന്നത്.

വീഡിയോ കാണൂ

വീഡിയോ കാണൂ

ഒടിയന്‍ മാണിക്യന്റെ വരവ്

കഥാപാത്രത്തിന്റെ മൂന്ന് ജീവിതാവസ്ഥകളിലൂടെയാണ് ഒടിയന്റെ കഥ സംവിധായകന്‍ പറയുന്നത്. ചിത്രത്തിനു വേണ്ടി ലാലേട്ടന്‍ നടത്തിയ മേക്ക് ഓവറുകള്‍ക്കെല്ലാം മികച്ച സ്വീകാര്യതയായിരുന്നു സമൂഹ മാധ്യമങ്ങളില്‍ ലഭിച്ചിരുന്നത്. ചിത്രത്തിന്റെ അവസാന ഘട്ട പോസ്റ്റ് പ്രൊഡക്ഷന്‍ വര്‍ക്കുകളാണ് നടന്നുകൊണ്ടിരിക്കുന്നത്. ചിത്രത്തിലെ ഒടിയന്‍ മാണിക്യനായുളള ലാലേട്ടന്റെ വരവിനായുളള കാത്തിരിപ്പിലാണ് എല്ലാവരുമുളളത്. ഒടിയന്‍ മാണിക്യന്റെ പ്രതിമകള്‍ നേരത്തെ തിയ്യേറ്ററുകളില്‍ ആരാധകര്‍ സ്ഥാപിച്ചിരുന്നു.

വമ്പന്‍ റിലീസ്

3000-4000 തിയ്യേറ്ററുകളിലാണ് ചിത്രം ആദ്യദിനം പ്രദര്‍ശനത്തിനെത്തുന്നത്. കേരളത്തില്‍ മാത്രം 500ലധികം സ്‌ക്രീനുകളില്‍ ചിത്രം ആദ്യ ദിനം പ്രദര്‍ശനത്തിനെത്തുമെന്നും നേരത്തെ റിപ്പോര്‍ട്ടുകള്‍ വന്നിരുന്നു.റിലീസിന് എത്തുന്നതിനുമുന്‍പായി 320 ഫാന്‍സ് ഷോകള്‍ ചിത്രം കേരളത്തില്‍ ഉറപ്പിച്ചിരുന്നു.റിലീസ് ചെയ്യാന്‍ ഇനിയും ദിവസങ്ങള്‍ ബാക്കിനില്‍ക്കേ ഫാന്‍സ് ഷോകളുടെ എണ്ണം ഇനിയും കൂടുമെന്നും അറിയുന്നു,. 400ഫാന്‍സ് ഷോകള്‍ ചിത്രത്തിനുണ്ടാവുമെന്നാണ് അറിയുന്നത്.

ഫാന്റസി ത്രില്ലര്‍

ഫാന്റസി ത്രില്ലറായി എത്തുന്ന ഒടിയനില്‍ മീശയില്ലാത്ത ലാലേട്ടന്റെ കട്ടഹീറോയിസമാണ് നമ്മള്‍ കാണുകയെന്ന് സംവിധായകന്‍ വിഎ ശ്രീകുമാര്‍ മേനോന്‍ നേരത്തെ പറഞ്ഞിരുന്നു. ചിത്രത്തില്‍ പീറ്റര്‍ ഹെയ്‌ന്റെ ആക്ഷന്‍ രംഗങ്ങളും മുഖ്യ ആകര്‍ഷണമായി മാറും. പുലിമുരുകന് ശേഷം ലാലേട്ടനും പീറ്ററും വീണ്ടും ഒന്നിച്ച ചിത്രം കൂടിയാണ് ഒടിയന്‍. പ്രേക്ഷകരെ ആവേശം കൊളളിക്കുന്ന നിരവധി സംഘടന രംഗങ്ങള്‍ ചിത്രത്തിലുണ്ടാവുമെന്നാണ് അറിയുന്നത്.