നെഗറ്റീവില്‍ വീഴാതെ ഒടിയന്‍! മോഹന്‍ലാലിന് ജയ് വിളിച്ച് വിജയാഘോഷം! മഞ്ജു വാര്യര്‍ എവിടെ?വീഡിയോ വൈറല്‍

ഒടിയന്‍ വിജയാഘോഷം

സിനിമയുടെ ആദ്യത്തെ വിജയാഘോഷമാണ് നടന്നത്. താന്‍ പങ്കെടുക്കുന്ന ആദ്യ ആഘോഷ പരിപാടിയാണിതെന്ന് സംവിധായകനും വ്യക്തമാക്കിയിരുന്നു. കുറച്ച് ദിവസങ്ങളിലായി തിയേറ്ററുകളില്‍ നിന്നും മോഹന്‍ലാല്‍ ഫാന്‍സുമൊക്കെ വിജയാഘോഷത്തിനായി വിളിച്ചിരുന്നു. 21 കഴിയട്ടെ, എന്നിട്ടാവാം എന്നായിരുന്നു താന്‍ പറഞ്ഞത്. ആദ്യ ആഴ്ചയില്‍ ഒടിയന് വെല്ലുവിളി ഉയര്‍ത്താന്‍ മറ്റ് സിനിമകളൊന്നുമില്ലായിരുന്നു. വെള്ളിയാഴ്ച മുതല്‍ ഒടിയന്‍ കൂടുതല്‍ ശക്തനാവുകയായിരുന്നുവെന്നും അദ്ദേഹം പറയുന്നു. അടുത്ത നാളുകളിലൊന്നും കേരളത്തിലെ 225 തിയേറ്ററുകളില്‍‍ നിന്നും ഒടിയന്‍ നീങ്ങില്ലെന്നും സംവിധായകന്‍ പറയുന്നു.

ഭയങ്കരമായി മാര്‍ക്കറ്റ് ചെയ്തു

ആദ്യമായാണ് താനൊരു സിനിമ സംവിധാനം ചെയ്തത്. സിനിമയെ ഭയങ്കരമായി മാര്‍ക്കറ്റ് ചെയ്തു, ഒാവറായി ഹൈപ്പുണ്ടാക്കി, പ്രതീക്ഷയ്ക്കൊത്ത് ഉയര്‍ന്നില്ല, ഈ സിനിമ മാസ്സല്ല തുടങ്ങിയ കുറ്റങ്ങളാണ് തന്നില്‍ ആരോപിക്കപ്പെട്ടിരുന്നത്. ഇതേ ടീമിനൊപ്പം കവിത തിയേറ്ററില്‍ വെച്ചാണ് ഷോ കണ്ടത്. എല്ലാവരും മോഹന്‍ലാലിനെ കണ്ടപ്പോള്‍ കൈയ്യടിക്കുകയായിരുന്നു. ഫേസ്ബുക്ക് തുറന്നപ്പോഴാണ് തെറിവിളിയൊക്കെ കണ്ടത്. എന്തോ വലിയ അപരാധമാണ് ചെയ്ത് വെച്ചതെന്നായിരുന്നു പലരും പറഞ്ഞത്. തന്‍റെ രണ്ട് വര്‍ഷത്തെ പ്രയ്തനവും മോഹന്‍ലാലിന്‍രെ ത്യാഗവുമൊക്കെ പലരും കണ്ടില്ലെന്ന് വെക്കുകയായിരുന്നു.

മഞ്ജു വാര്യര്‍‍ എവിടെ?

ഒടിയനിലെ നായികയായ മഞ്ജു വാര്യരെ സഹായിച്ചതുമായി ബന്ധപ്പെട്ടാണ് തനിക്കെതിരെ ആക്രമണം നടക്കുന്നതെന്നും താരം മൗനം വെടിയണമെന്നും ആവശ്യപ്പെട്ട് സംവിധായകന്‍ രംഗത്തെത്തിയിരുന്നു. പരസ്യത്തിലൂടെയായിരുന്നു താരം ശക്തമായ തിരിച്ചുവരവ് നടത്തിയത്. പിന്നീട് സിനിമകളിലേക്കും എത്തുകയായിരുന്നു. ഒടിയനെക്കുറിച്ച് മഞ്ജു വാര്യര്‍ ഇതുവരെ പ്രതികരിച്ചില്ലെന്നും മറ്റ് സിനിമകള്‍ക്ക് നല്‍കുന്നത്ര പിന്തുണ പോലും ഇതിന് നല്‍കിയില്ലെന്നുമൊക്കെയായിരുന്നു സംവിധായകന്‍റെ ആരോപണം. എന്നാല്‍ ഇതേക്കുറിച്ചും മഞ്ജു വാര്യര്‍ പ്രതികരിച്ചിരുന്നില്ല. സിനിമയുടെ വിജയാഘോഷത്തിനിടയില്‍ താരത്തെ കാണാത്തതിനെക്കുറിച്ചാണ് ആരാധകര്‍ ഇപ്പോഴും ചോദിച്ചിട്ടുള്ളത്.

മോഹന്‍ലാലിനെ തിരിച്ചുകിട്ടി

മലയാളികളുടെ സ്വകാര്യ അഹങ്കാരമായി വിലയിരുത്തുന്ന താരമാണ് മോഹന്‍ലാല്‍. അദ്ദേഹത്തിന്റെ അഭിനയമികവിന് മുന്നില്‍ കട്ട് പറയാതെ നിന്നുപോയ നിമിഷത്തെക്കുറിച്ച് തുറന്നുപറഞ്ഞ് ശ്രീകുമാര്‍ മേനോന്‍ രംഗത്തുവന്നിരുന്നു. നീരാളിക്കും കൊച്ചുണ്ണിക്കും ഡ്രാമയ്ക്കും ശേഷം മോഹന്‍ലാലിന്റെ ശക്തമായ തിരിച്ചുവരവിനാണ് ഒടിയന്‍ വഴിവെച്ചതെന്നാണ് ആരാധകര്‍ പറയുന്നത്. പഴയ മോഹന്‍ലാലിനേയും മഞ്ജു വാര്യരേയും തിരിച്ചുകിട്ടിയതിന്റെ സന്തോഷത്തിലാണ് ആരാധകര്‍. ബോക്‌സോഫീസിനെ ഒടിവെച്ചാണ് മാണിക്യന്‍ മുന്നേറുന്നതെന്നും ഇനിയുമേറെ റെക്കോര്‍ഡുകള്‍ സിനിമ നേടുമെന്നുമാണ് പൊതുവിലുള്ള വിലയിരുത്തല്‍.

വീഡിയോ വൈറലാവുന്നു

ആക്ഷന്‍ ഒാണ്‍ ഫ്രയിംസ് ഫേസ്ബുക്ക് പേജില്‍ പങ്കുവെച്ച വീഡിയോ കാണൂ.