കയ്ച്ചിട്ട് തുപ്പാനും വയ്യ മധുരിച്ചിട്ട് ഇറക്കാനും വയ്യാത്ത അവസ്ഥ !!തുറന്ന് പറഞ്ഞ് അഡാർ ലവ് നായിക

കയ്ച്ചിട്ട് ഇറക്കാനും വയ്യ മധുരിച്ചിട്ട് തുപ്പാനും വയ്യ

കയ്ച്ചിട്ട് ഇറക്കാനും വയ്യ മധുരിച്ചിട്ട് തുപ്പാനും വയ്യ എന്നുളള അവസ്ഥയിലാണ് താനിപ്പോൾ. സിനിമ കണ്ടതിനു ശേഷം എല്ലാവരും നൂറിൻ ചെയ്തത് നന്നായിട്ടുണ്ടെന്നുള്ള അഭിപ്രായം പറഞ്ഞു. അതു കേൾക്കുമ്പോൾ വളരെയധികം സന്തോഷമുണ്ട്. അതേസമയം ചിത്രത്തിനെ കുറിച്ചുളള ആവശ്യമില്ലാത്ത നെഗറ്റീവ് റിവ്യൂസും ഡീഗ്രേഡിംഗും കേൾക്കുമ്പോൾ വല്ലാത്ത വിഷമം തോന്നാറുണ്ടെന്നും താരം പറഞ്ഞു.

വിജയാഘോഷത്തിൽ പങ്ക് ചേരാൻ കഴിയുന്നില്ല

ഒരുപാട് സ്വപ്നത്തിനും കാത്തിരിപ്പുകൾക്കൊടുവിൽ അഭിനയിച്ച ചിത്രമാണ് ഒരു അഡാർ ലവ്. എന്നിട്ടു പോലും ചത്രത്തിന്റെ വിജയാഘോഷത്തിൽ പൂർണ്ണമായും പങ്കെടുക്കാൻ പറ്റാത്ത അവസ്ഥയാണ്. കാരണം റിവ്യൂസ് മാത്രം നോക്കിയാണ് ആളുകൾ സിനിമ കാണാൻ പോകുന്നത്.ഞാനും റിവ്യൂ നോക്കാറുണ്ട്. എന്ന് കരുതി അതിന്റെ അടിസ്ഥാനത്തിൽ മാത്രമല്ല സിനിമ കാണാൻ. സ്വന്തം തീരുമാനത്തിന്റെ അടിസ്ഥാനത്തിലായിരിക്കണം തിയേറ്ററുകളിൽ പോയി സിനിമ കണേണ്ടത്.

സിനിമയെ കുറിച്ചുള്ള നല്ലത് പറയാൻ ഭയം

റിവ്യൂസിൽ പലതും കണ്ടത് ക്യാൻവാസിംഗാണ്. സിനിമ ആരും കാണാൻ പാടില്ല എന്നൊരു ഉദ്യേശത്തോടെ ആരും സിനിമ കാണരുത്.. കാണാൻ കൊള്ളില്ല, കാശ് പോകും എന്ന് പ്രചരിപ്പിക്കുന്ന തരത്തിലുളേള വീഡിയോയും കമന്റ്സുമൊക്കെ വന്നു. ഇപ്പോൾ സിനിമയെ കുറിച്ച് ആർക്കും സത്യം പറയാൻ പറ്റാത്ത് അവസ്ഥയാണ്. നല്ല അഭിപ്രായം എഴുതിയാൽ അതിന്റെ ചുവടെയായി വിമർശനവുമായി കമന്റ്സുകൾ എത്തും.. ഇങ്ങനെ നല്ല രീതിയില്‍ എഴുതാന്‍ നിങ്ങള്‍ക്ക് സിനിമാക്കാര്‍ കാശു തന്നോ എന്നൊക്കെയുള്ള ചോദ്യങ്ങളാണ് പൊതുവെ ഉയരുന്നത്.

ആദ്യം പ്രിയ ഇപ്പോൾ നൂറിൻ

സിനിമയുടെ ആദ്യം പാട്ട് പുറത്തു വന്ന് മണിക്കൂറുകൾ മാറിയപ്പോൾ തന്നെ പ്രിയ പ്രകാശ് വാര്യർ ഇന്റർനെറ്റിൽ താരമായി മാറുകയായിരുന്നു ചിത്രത്തിലെ മിനിറ്റുകൾ മാത്രമുളള സൈറ്റടി ആഗോളതലത്തിൽ തന്നെ ചർച്ചയായിരുന്നു. പിന്നീട് പ്രിയയുടെ സൈറ്റടിയും സ്വദേശത്തും വിദേശത്തും തംരഗമാകുകയായിരുന്നു. എന്നൽ സിനിമ വന്നപ്പോൾ ഇപ്പോൾ ചർച്ച വിഷയമായിരിക്കുന്നത് നൂറിനാണ്. ഗാഥ എന്ന കഥാപാത്രത്തിന് മികച്ച അഭിപ്രായമാണ് ലഭിക്കുന്നത്.