ഒമറിക്കയുടെ അഭിമുഖം കണ്ടിരുന്നു!! നൂറിൻ പറയുന്നത് കേട്ട് ഞെട്ടി... വിവാദങ്ങളോട് പ്രതികരിച്ച് റോഷൻ

പ്രധാന കഥാപാത്രം ലഭിച്ചത്

അഡാറ് ലവിൽ ഓഡിഷൻ വഴിയാണ് വന്നത്. മെയിൻ ലീഡ് കഥാപാത്രം ആയിട്ടല്ലായിരുന്നു. പ്രധാനപ്പെട്ട നാല അഞ്ച് പേരിൽ ഒരാളായിട്ടായിരുന്നു താൻ എത്തിയത്. പിന്നെ മാണിക്യ മലരായ പൂവി എന്ന ഗാനം ഹിറ്റായപ്പോൾ പ്രധാനകഥാപാത്രമായി മാറുകയായിരുന്നു- റോഷൻ പറഞ്ഞു.

ഒമർ ലുലുവിന്റെ ആരോപണം

ഒമർ ലുലുവിന്റെ വിമർശനത്തെ കുറിച്ചും റോഷൻ പ്രതികരിച്ചു. അദ്ദേഹത്തിന്റെ അഭിമുഖങ്ങൾ താൻ കണ്ടു. അദ്ദേഹത്തിനോട് പ്രതികരിക്കാനൊന്നും താൻ ഇല്ല. എന്നെ സിനിമയിൽ കൈ പിടിച്ച് ഉയർത്തിയ വ്യക്തിയാണദ്ദേഹം. ആ പുള്ളിയാണ് എന്നെ എല്ലാം പഠിപ്പിച്ചു തന്നത്. സെറ്റിൽ ഒരു കാര്യത്തിനു പോലും അദ്ദേഹം തങ്ങളെ ഫോഴ്സ് ചെയ്യാറില്ല. ഞങ്ങൾക്ക് ഞങ്ങളുടേതായ സ്പെയ്സു തരാറുണ്ട്. അതു പോലെ സെറ്റിൽ ഭയങ്കര ഫ്രീഡമായിരുന്നു.

നൂറിനുമായൊരു ഫോട്ടോ ഷൂട്ട്

തനിക്ക് നൂറിൻ ഷെരീഫിനോട് പ്രത്യേകിച്ച് ഒരു പ്രശ്നവും ഇല്ലെന്നും റോഷൻ പറഞ്ഞു. നൂറിന്റെ ആ അഭിമുഖം താനും കണ്ടിരുന്നു. അപ്പോഴാണ് ആദ്യമായി ഇക്കാര്യങ്ങളൊക്കെ അറിഞ്ഞത്. തനിക്ക് ആരുമായും ഒരു പ്രശ്നവുമില്ലെന്നും റോഷൻ ആവർത്തിച്ചു, നൂറിനുമായി ഒരു ഫോട്ടോ ഷൂട്ട് ഒരുക്കിയാൽ വരുമോ എന്നുള്ള ചോദ്യത്തിന് വരും എന്നായിരുന്നു റോഷന്റെ പ്രതികരണം.

പ്രിയയെ കുറിച്ചുള്ള ട്രോളുകൾ

സഹതാരം പ്രിയയ്ക്ക് നേരെ ഉയർന്നു വന്ന ട്രോളുകളെ കുറിച്ചും റോഷൻ പ്രതികരിച്ചിരുന്നു. താനും പ്രിയയും ഒരുമിച്ചിരുന്നാണ് ട്രോളുകൾ നോക്കിയിരുന്നത്. ഇതൊക്കെ കാണുമ്പോൾ താനും പ്രിയയെ കളിയാക്കുമായിരുന്നു. ട്രോളുകളെ ഫൺ എന്ന നിലയിലാണ് ഞങ്ങളും നോക്കി കണ്ടിരുന്നത്. പ്രിയയുമായി അഭിനയിക്കാനാണ് കൂടുതൽ കംഫർട്ടബിൾ എന്നും താരം കൂട്ടിച്ചേർത്തു