ദുല്‍ഖര്‍ സല്‍മാന്‍ തരുന്ന ഉറപ്പാണിത് ! സൗബിന്‍ ഷാഹിറിന്റെ സംവിധാനം ഞെട്ടിക്കുമെന്ന്, കാരണം ഇതാണ്!!!

പറവ

നടന്‍ സൗബിന്‍ ഷാഹിര്‍ ആദ്യമായി സംവിധാനം ചെയ്യുന്ന സിനിമയാണ് പറവ. ദുല്‍ഖര്‍ സല്‍മാനാണ് ചിത്രത്തില്‍ നായകനായി അഭിനയിക്കുന്നത്.

പുതിയ പോസ്റ്റര്‍

ദുല്‍ഖറിന്റെ പിറന്നാള്‍ ദിവസം പുറത്തിറങ്ങിയ പോസ്റ്ററിന് പിന്നാലെ ചിത്രത്തിലെ പുതിയ പോസ്റ്റര്‍ പുറത്തിറക്കിയിരിക്കുകയാണ്. ദുല്‍ഖര്‍ വ്യത്യസ്ത ഗെറ്റപ്പിലാണ് പോസ്റ്ററിലുള്ളത്.

ഷെയിന്‍ നിഗം

ദുല്‍ഖറിനൊപ്പം ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നത് ഷെയിന്‍ നിഗമാണ്. പുറത്ത് വന്ന പോസ്റ്ററില്‍ ക്രിക്കറ്റ് കളിക്കുന്ന ഷെയിനും ദുല്‍ഖറും രണ്ട് കുട്ടികളുമാണുള്ളത്. ഒപ്പം ചുറ്റിനും പറവകള്‍ പറക്കുന്നുമുണ്ട്.

സിനിമ നിരാശപ്പെടുത്തില്ല

പറവ വ്യത്യസ്ത സിനിമയായിരിക്കുമെന്നും അതിനാല്‍ ആരെയും ചിത്രം നിരാശപ്പെടുത്തില്ലെന്ന് ദുല്‍ഖര്‍ ഉറപ്പ് പറഞ്ഞിരിക്കുകയാണ്. അതിനൊപ്പം സൗബിന്‍ നിങ്ങള്‍ക്ക് വേണ്ടി ഒരുക്കി വെച്ചിരിക്കുന്നത് വലിയൊരു സര്‍പ്രൈസ് ആണെന്നും താരം പറയുന്നു.

സൗബിന്റെ സംവിധാനം

മലയാള സിനിമയില്‍ കോമഡി കഥാപാത്രങ്ങള്‍ക്ക് മറ്റൊരു രൂപം നല്‍കിയ താരമാണ് സൗബിന്‍ ഷാഹിര്‍. അഭിനയത്തിന് പുറമെ സംവിധായകനായി ഞെട്ടിക്കാനുള്ള തയ്യാറെടുപ്പുകളെല്ലാം സൗബിന്‍ പൂര്‍ത്തിയാക്കി കൊണ്ടിരിക്കുകയാണ്.

ഓണത്തിന് തിയറ്ററുകളിലേക്ക്

ഓണത്തിന് ചിത്രം തിയറ്ററുകളില്‍ പ്രദര്‍ശനത്തിനെത്തിക്കുന്നതിന് വേണ്ടിയുള്ള തയ്യാറെടുപ്പുകളിലാണ് സിനിമയുടെ അണിയറ പ്രവര്‍ത്തകര്‍. അതിനിടെയാണ് പുതിയ പോസ്റ്റര്‍ പുറത്ത് വിട്ടിരിക്കുന്നത്.

ചിത്രത്തിലെ പാട്ട്

കഴിഞ്ഞ ദിവസമായിരുന്നു സിനിമയിലെ ഇഷ്ടപ്പെട്ട പാട്ട് എന്ന് പറഞ്ഞ് ദുല്‍ഖര്‍ സല്‍മാന്‍ പുതിയ പാട്ട് പുറത്ത് വിട്ടത്. റെക്‌സ് വിജയന്‍ സംഗീതം നല്‍കിയ പ്യാര്‍ പ്യാര്‍ എന്ന് തുടങ്ങുന്ന ഗാനമായിരുന്നു പുറത്ത് വന്നിരുന്നത്.